Ægir - 15.05.1975, Page 10

áfram athugunum sínum ásamt Havdrönen á
loðnustofninum í Barentshafi.
Þær rannsóknir leiddu til staðfestingar á
fyrri athugunum á styrkleika árganganna
1972 og 1973. Vöxtur einstaklinga í þessum
stofnum virtist óvenjulega lítill.
Þessar haustrannsóknir sýndu einnig að
því er virtist, að árgangurinn 1974 væri til-
tölulega góður. Aðeins lítill hluti af 1972 ár-
ganginum, sem menn vænta að myndi megin-
hrygningarstofninn 1975 var orðinn kyn-
þroska, þegar athuganir fóru fram. Orsökin til
þess er vafalaust hvað loðnan í þessum ár-
gangi var smá vexti. Þegar borið er saman
rúmtak og lengd tveggja ára loðnu í árgöng-
unum 1974 og 1972 sýnir það sig, að bæði
rúmtak og þyngdarmagn einstaklinganna er
35—40% minna í árganginum 1972. Sennileg-
asta ástæðan til þess að loðnan hefur vaxið
svo hægt í Barentshafi síðustu tvö árin, er
hinn mikli fjöldi einstaklinga sem koma úr
árgöngunum 1972 og 1973, og þá sérstaklega
þeim síðari, sem er einhver sá stærsti að
fjölda til, sem menn vita deili á. Með almennu
orðalagi mætti kannski segja að loðnustofninn
í Barentshafi búi nú við svipuð skilyrði og
mannfólk á þeim landsvæðum, þar sem þétt-
býli er of mikið og landið ber ekki mann-
fjöldann.
Stjórnun.
Það er af því sem að framan er sagt ljóst
að það eru engar líffræðilegar forsendur fyrir
hömlum á veiðum á ókynþroska loðnu í Bar-
entshafi. Ef sú skoðun er rétt að vöxtur
einstaklinganna sé farinn að minnka eða
hægja á sér vegna of mikils fjölda, þá væri það
afturámóti eðlilegra að auka sóknina í smá-
loðnuna 1975 til þess að skapa betri lífsskil-
yrði fyrir síðari hrygningarárganga.
Veturinn 1974 gilti veiðikvóti á vetrar-
loðnuveiðunum til þess að tryggja að nægjan-
legt magn kæmi úr árganginum 1971, sem
var mjög veikur, inn til hrygningar og vaeri
ekki veiddur upp áður en hann næði
hrygna. Vegna þess, hve tiltölulega lítill hluti
árgangsins 1972 hefur verið orðinn kynþroska
á hrygningartímanum 1975 gæti verið fuU
ástæða til að fara með varúð að veiðunum a
hrygningartímanum.
Það getur verið að hrygningarstofninn se
jafnvel minni en hann var 1974. Hrygninga-
stofninn getur sem sé enn verið í hættu, vegna
þessa hæga vaxtar, en Hafrannsóknastofn-
unin hefur þó ekki talið ástæðu til að tak-
marka veiðarnar 1975, vegna þess að hinn le-
legi árgangur 1975 muni valda því, að árgang-
urinn 1976 nái eðlilegum vexti og kynþroska-
Sá árgangur myndi þá hrygna 1979. Mergð
ókynþroska loðnu í árgöngunum 1972, ’73 og
1974 er svo mikil að gild ástæða er til að
ætla að sá fjöldi nægi til endurnýjunar til árs-
ins 1978 að því ári meðtöldu.
FISKVERKENDUR
ÚTGERÐARMENN
ALLAR
TEGUNDIR
KLÓRTÆKJA fyrir
VINNSLUSTÖÐVAR,
FISKISKIP og BÁTA
EINNIG: KLÓRMÆLITÆKI,
KLÓRGASGRIMUR.
GASKLÓRTÆKI.
BÁTAKLÓRTÆKI VATNSKLÓRTÆKI
••MÁRNIÓLAFSSON &CO.SÍMI 40088 •••*
152 — Æ G I R