Alþýðumaðurinn - 26.09.1969, Blaðsíða 2

Akureyri á ú verða bær skíðaíþróttarinnar á íslandi, sem laðað
gæti hingað þúsundir erlendra ferðamanna árlega um ókomin ár
Grein eftir Óskar Jónsson framkvæmdastjóra
AM ÞAKKAR höfundi fyrir grein þessa, er blaðinu barst ekki alls
fyrir löngu. Jafnframt þakkar AM vinarkveöjur Ósltats til blaðs-
ins. Svo skal gefa höfundi orðið.
Það munu fáir eða engir stað
ir á íslandi liggja jafn vel við
útivetraríþróttum eins og Akur
eyri, skíðabrekkurnar rétt stein
snar fyrir ofan bæinn og vanir
skíðamenn hafa sagt mér að
þær séu sérlega vel fallnar til
allskonar skíðaíþrótta og þar er
snjórinn nokkuð árviss, ekkert
líkt því, sem er á skíðasvæði
Reykvíkinga, því þar vantar iðu
lega góðan skíðasnjó og hefir
oft orðið að aflýsa skíðamótum
á vetrum vegna þess að vantað
hefir góðar skíðabrekkur, m. ö.
o. það hefir vantað snjóinn.
Það er talað um að auka megi
ferðir erlendra ferðamanna til
íslands og hefir líka sú orðið
raunin á undanfarið, en þó ekki
nógu ört. Ég held að Akureyri
geti dregið að sér erlenda fei'ða
menn öðrum stöðum fremui' hér
á landi vegna þess að þar er
nægur og góður snjór alla jafna
á ágætu skíðasvæði.
Fyrir nokkrum árum var ég
á fei'ð út í Noregi ásamt fleir-
um. Borðuðum við máltíð á það
sem ég kalla fjallahóteli og
grenslaðist ég eftir starfsemi
þessa staðar yfir vetrarmánuð-
ina. Sagði einn þjónninn mér að
staður þessi væri árið um kring
fjölsóttur, en mest sóttui' yfir
vetrarmánuðina og væru mán-
uðirnir janúar—apríl beztu
mánuðirnir. Ég spurði hvaðan
gestirnir kæmu aðallega, og
sagði hann mér að flestir þeirra
kæmu frá suðlægari löndum.
Auðvitað væri þar alltaf tals-
vert af Norðmönnum líka. Hann
sagði mér að síðustu árin hefði
verið ágæt aðsókn frá
Argentínu og Brasilíu. T. d.
sagði hann mér frá bankastjóra
frá Argentínu, sem kæmi einn
síns liðs ár eftir ár og bætti við
að það væri góður viðskipta-
Skíðalyftan í Hlíðarfjalli.
vinur. Taldi þjónninn að bezta
afkoma þessa fjallahótels væri
vetrartíminn, þ. e. a. s. eftir jóla
hátíðina.
Hótel þetta var mjög gott og
gat boðið upp á lúxus herbergi
og allt niður í miðlungs vistar-
verur. Ég hugsaði heim til
gamla Fróns og datt í hug að
þarna gætum við mikið af lært.
Norðmenn selja mikið af salt-
fiski til S.-Ameríku, og skildist
mér að vegna þeirra viðskipta
hefði verið hafin auglýsingaher
ferð í blöðum og tímaritum og
með aðstoð norsku sendiráð-
anna þar syðra hefði ferða-
mannastraumurinn frá þessum
suðlægu löndum stóraukizt ár
frá ári.
Gætum við íslendingar ekki
farið svipaða leið og frændur
okkar Norðmenn? Við höfum
víða á íslandi mikinn og góðan
skíðasnjó og einnig víða góðar
skíðabrekkur. Ekki truflar skóg
urinn hér skíðafólkið, eins og
víða í Noregi.
En hitt er óumdeilánlegt að
þarna getur Akureyi'i boðið
bezt skilyrðin, en auðvitað þarf
góð hótel og bæta að einhverju
leyti aðstöðuna á skíðasvæðun-
um, en um það skal þó ekki
dæmt hér. En hitt er öruggt að
hótelin verða að vera fyrir
hendi með fullkomin þægindi
miðað við að menn vilji borga
mikið fyrir góðan viðurgjörn-
ing og það myndu þeir gera
vissulega.
Ameríkanar myndu engu síð-
ur koma hingað en til Noregs,
ef ekki væru lakari skilyrði hér.
Mér finnst að Akureyri sé
ákjósanlegur bær til að hafa
hér forgöngu. Það er nú líka
svo að bæi'inn er aðlaðandi og
sjálfui' bærinn hefir allra staða
mest á íslandi tileinkað sér
heimsborgarabrag. Viðmót af-
greiðslufólks í búðum og greiða
sölustöðum langtum betri en í
sjálfri höfuðborginni með þó
undantekningum hér sem alls-
staðar annarsstaðar. Ég hefi tek
ið eftir því að þegar ferðamaður
inn kemur inn í sölubúð á Akur
eyri, þá er afgreiðslumaðurinn
þjónn viðskiptavinarins, en það
verður tæplega sagt um verzl-
anir í Reykjavík almennt.
Allt svona, þótt lítið sé, laðar
ferðamanninn að, en hrindir
ekki frá sér.
Þessar hugleiðingai' hér að
framan hafa sannfært mig um
að Akureyri hefir mikla mögu-
leika — og meiri möguleika en
flestir staðir nú á íslandi — til
að laða útlendinga til landsins
og það einmitt um vetrarmán-
uðina. En það getur kostað í
upphafi talsverða auglýsinga-
starfsemi, en í það má ekki
horfa, því t. d. hefði hvorki
Loftleiðir eða Sölumiðstöð hrað
frystihúsanna og SÍS náð slíkri
öruggri fótfestu í Vesturheimi
og víðar, ef horft hefði verið í
allt það fé, sem þessi fyrirtæki
hafa lagt út í því augnamiði að
kynna sína vöru og starfsemi.
Persónulega er ég sannfærður
um að ef við hefðum góðar sam
göngur inn á öræfin — jafnvel
á vetrum — til hitasvæða, þar
sem skíðalöndin bíða ósnortin
og ef aðbúnaður til gestamót-
töku væri fyrir hendi, þá yrði
hægt að gera ísland að Paradís
ferðamanna. Nútímafólk sækir
meira en nokkru sinni fyrr frá
stríðsbrjáluðum stórþjóðum, ysi
og þysi stórborganna — það
leitar friðar bæði fyrir líkama
og sál — og óvíða fengi það
slíkan unaðslegan frið, eins og
inn á öræfum íslands. En það
er fjárlægari draumur.
En Akureyri sem ferðamanna
bær fyrir þá, sem sækjast eftir
vetraríþróttum í faðmi snævi
þaktra íslenzkra fjalla, það er
enginn framtíðardraumur, það
er mál dagsins í dag.
Óskar Jónsson.
r
IBA-a - Akranes-b
Á MORGUN laugardag kl. 4
e. h. leika Akureyringar við
B-lið Akurnesinga í Bikar-
keppni KSÍ — og fer leikurinn
fram á íþróttavellinum á Akur-
eyri.
ÍBA-liðinu hefur vegnað illa
í síðustu leikjum sínum, en von
andi hrista þeir af sér slenið á
morgun.
- AKUREYRAR
APOTEK150 ÁRA
(Framhald af blaðsíðu 1)
hún flutt þangað árið 1862. Það
hús stendur enn og er nú Aðal-
stræti 4. Þar var Akureyrar
Apótek til ársins 1929. Jóhann
Pétur rak lyfjaverzlunina til
haustsins 1864, en flutti síðar til
Melbourne í Ástralíu þar sem
hann andaðist árið 1911. Siðan
veitti Carl Emil Ole Möller
Akureyrar Apóteki forstöðu í
nær eitt ár og Henrik Johann
Peter Hansen lyfsali frá 1865—•
1885.
Oddur Carl Thorarensen
(1862—1934) var lyfsali frá
1885—1919. Hann var sonur
Stefáns bæjarfógeta Thoraren-
sens og konu hans Oliviu Juby.
Oddur Carl tók allmikinn þátt
í bæjar- og stjórnmálum, var
einn af forystumönnum heima-
stjórnarmanna á Akureyri, sat
í stjórn Gránufélagsins, var for
seti bæjarstjórnar í 2 ár og
konsúll Norðmanna 1910—1924.
Hann fékkst allmikið við fræði-
störf í tómstundum sínum, helzt
sagnfræði. Kona hans var Alma
Klara Margrét Schiöth bakara-
meistara á Akureyri og börn
þeirra voru: Olivin, Henrik
(læknir), Oddur Carl (lyfsali)
og Stefán (lyfsali).
Árið 1919 tók Oddur Carl
Thorarensen (1894—1964) við
lyfsölunni af föður sínum og
alnafna, er áður var getið. Voru
þá liðin rétt 100 ár frá því að
langafi hans og nafni fékk fyrst
ur manna lyfsöluleyfi á Akur-
eyri. Oddur Carl lét reisa nýtt
hús fyrir Akureyrar Apótek að
Hafnarstræti T04 og þangað var
starfsemin flutt árið 1929 og ,er
hún þar enn. Auk lyfsölunnar
stundaði Oddur margvíslegán
annan verzlunarrekstur. Eftir-
lifandi kona Odds er Gunnlaug
Júlíusdóttir frá Hvassafelli í
Eyjafirði og börn þeirra: Alma
Anna læknir, Hólmfríður Lydia
og Oddur Carl Thorarensen
lyfjafræðingur. Á miðju ári
1963 fékk núverandi lyfsali,
Oddur Carl Thorarensen (f.
1929) leyfi til að reka lyfjabúð
á Akureyri. Hann er 6. lyfsalinn
í Akureyrar Apóteki og sá 5.
afkomandi Stefáns amtmanns á
Möðruvöllum, er því starfi gegn
ir. Kona hans er Margrét, dótt-
ir Ingólfs fyrrverandi héraðs-
læknis Gíslasonar.
14 manna starfslið.
Akureyrar Apótek var eina
lyfjabúðin í Norðlendingafjórð-
ungi til ársins 1921, að leyfi var
veitt til að reisa lyfjabúð á Sauð
árkróki. Árið 1934 var svo stofn
að annað Apótek á Akureyri,
Stjörnu Apótek.
Starfsfólk Akureyrar Apóteks
er nú 14 manns, en margt fólk
hefir að sjálfsögðu starfað þar
um dagana. Lengst starf hefur
þar að baki Sigurður Flóvents-
son exam. pharm., en hann
lét af störfum fyrir nokkrum
árum og hafði þá starfað þar
samfleitt í rúmlega hálfa öld.
Elzti starfsmaðurinn nú, er Ey-
þór Thorarensen exam. pharm.,
sonar-sonar-sonur Odds, fyrsta
lyfsalans. Hefur Eyþór starfað
hjá Akureyrar Apóteki í 47 ár
og munu ekki margir íslending
ar hafa starfað lengur við lyfja-
verzlun en þessir tveir menn.
I - SEFJUN OG EITURBYRLUN
(Framhald af blaðsíðu 4) i
\ eins og að framan segir. Og sem ;betur fer, láta ekki i
f allir ánetjast svona áróðri, J)ótt honum sé beitt. En i
I Jietta er ]jó að verða liáskaleg meinsémd í okkar mál- I
i flutningi að höfða til hins illa, reyna að notfæra sér i
I sefjun og eiturbyrlun. Ef við snúumst ekki gegn þess- i
í um vinnubrögðum af manndómi og snerþu, getum i
i við vaknað einn góðan veðurdag upp við |>að, að við |
í séum ekki lengur frjálslynd og víðsýn J>jóð, heldur i
Í Jjrælar sefjunar og eiturbyrlunar. i
'"immmmmmmimmmmmmmmmmmmmmmimmimimmmmmmmmmmimmmmmmmmmmmmmmmmmmmmmmmmmmmmmimT
Pappa-GÓLFDÚKUR
(LINOLEUM)
í breiddum 67 - 9o - loo og 2oo cm
n ý k o m i n n .
BYGGINGAVÖRUDEILD
Glerárgötu 36. — Sími 2-14-00.
Ljósmynd: Gunnlaugur P. Kristinsson.