Sumargjöfin - 23.04.1925, Blaðsíða 3

^>©<r
V)

Bæn fyrir börnum landsins.
Hvert sinn er Drottinn sál í heiminn sendi
að sækja þroska í jarðlífs skóla sinn,
hann dýran gimstein gaf i móðurhendi
er geyma skyldi fagra dýrgripinn.
En vandi er þeim, er slíkan gimstein geymir,
þar gætni þarf og vit hins besta manns,
þvl engan um þá dýrðarfegurð dreymir,
sem dreifast má frá geislabroti hans.
Gef hverri móður bæði vit og vilja,
að vernda og fága sjerhvern gimstein þinn,
og kenn oss öllum ábyrgð vora að skilja
á auðnum mesta, barnavinurinn.
Kenn hverjum skóla störf sln vel að vanda
svo vaxi hverju hjarta ást til þín,
og lát þau helgast blíðum bróðuranda,
uns barnsleg gleði úr hverju auga skín.
Kenn hverri bygð að elska æsku sína,
svo öll þín smáa hjörð sje betur hirt.
O, gef oss Ijós, svo dimman megi dvína
og dýrsta skyldan sje ei lítilsvirt.
Ó, veit þú Guð hver þjóð í veröld vakni
til vits um skyldu þá, er hæst skal sett:
Að enginn vilja, vits nje orku sakni
að verja æskulýðsins helga rjett.
S. A.