Uppeldi og menntun - 01.07.2009, Blaðsíða 17

Uppeldi og menntUn/icelandic JoUrnal of edUcation 18(2)/2009 17
anna bJÖrnSdóttir, margrÉt SigmarSdóttir
Úrvinnsla gagna
Gögn voru slegin inn í Excel. Niðurstöður úr svörum við viðhorfaspurningum voru
birtar sem tíðni. Reiknað var kí-kvaðrat til að skoða hvort munur væri á svörum for-
eldra í meðferð og þeirra sem tóku þátt í foreldranámskeiði.
Skráð hegðunarfrávik í SMT-skóla – Þátttakendur
Upplýsingar um SMT-skólafærni komu frá tveimur af átta grunnskólum Hafnarfjarð-
ar en allir starfa þeir í anda SMT-skólafærni. Þessir tveir grunnskólar eru komnir
lengst með SMT-skólafærnivinnuna og halda skráningu yfir hegðunarerfiðleika barna
í sínum skólum, sem er ástæða þess að þeir voru valdir til þátttöku. Fjöldi nemenda í
skóla eitt var 437 fyrra skólaárið og 475 það síðara. Í skóla tvö voru alls 502 nemendur
fyrra árið en 497 hið síðara. Báðir skólarnir eru heildstæðir, með nemendur frá 1. til
10. bekkjar.
Mælitæki og framkvæmd
Safnað var skráningum á hegðunarfrávikum sem áttu sér stað á þriggja mánaða tíma-
bili haustin 2006 og 2007 og voru skráningar þessar mælitækið sem stuðst var við.
Valið var samfellt tímabil þegar starf skólanna er í föstum skorðum og sömu tímabil
bæði árin svo að samanburður væri réttur. Skráning á hegðunarfrávikum er ein leið til
að segja til um árangur þessa inngrips þar sem gert er ráð fyrir að skráðum atvikum
fækki á milli tímabila í innleiðingarferlinu (Sprague o.fl., 1999).
Framkvæmdin var með þeim hætti að starfsfólk skólanna skráði hegðunarfrávik á
skráningarmiða. Upplýsingarnar voru svo færðar inn í Mentor, skráningarkerfi skóla.
Skráð var lýsing á hegðunarfráviki, staðsetning þess, möguleg ástæða fyrir atviki og
afleiðingar hegðunar.
Úrvinnsla gagna
Skráningar voru taldar hvort tímabil fyrir sig. Reiknaður var meðalfjöldi skráninga á
hvern nemanda fyrir hvort tímabil og skoðaðar hlutfallslegar breytingar á milli tíma-
bila.
niðurstöður
Fjallað verður um niðurstöður í þremur liðum. Í fyrsta lagi eru skoðuð heildaráhrif
inngrips út frá fjölda tilvísana vegna grunnskólabarna auk þróunar á tímabilinu. Enn
fremur eru skoðuð viðhorf foreldra og fagfólks til PMTO-þjónustunnar sem og til
notagildis hennar. Að lokum eru settar fram skráningar á hegðunarfrávikum nem-
enda í tveimur SMT-skólafærnigrunnskólum í Hafnarfirði.
Heildaráhrif inngrips . Yfirlit yfir fjölda tilvísana í sérfræðiþjónustu á tímabilinu frá
1996–2007 má sjá í töflu 1.