Uppeldi og menntun - 01.07.2009, Blaðsíða 35

Uppeldi og menntUn/icelandic JoUrnal of edUcation 18(2)/2009 35
SigUrborg k. kriStJÁnSdóttir, rÚnar SigÞórSSon
en ekki fáeinum vel völdum dæmum“ (Silverman, 2005, bls. 211). Engin ein rétt leið
er til að uppfylla þessi skilyrði, segir Silverman, en hann lýsir nokkrum leiðum sem
allar lúta að vandvirkni, ítarlegri úrvinnslu og heiðarleika gagnvart misvísandi upp-
lýsingum í gögnunum.
Siðferðileg ábyrgð rannsakanda í starfendarannsóknum er mikil og ef til vill meiri
en í öðrum rannsóknum, enda eru rannsakendur flæktir í sjálfa rannsóknina og eiga
iðulega hagsmuna að gæta. Svo var einnig í þessari rannsókn, þar sem annar grein-
arhöfunda var að rannsaka áhrif íhlutunar sem hann hafði lagt til, veitti ráðgjöf og
lagði mat á árangurinn. Í ljósi þess var leitast við að tryggja réttmæti og áreiðanleika
rannsóknarinnar með margprófun þar sem margvíslegum gögnum var safnað við
mismunandi aðstæður (Hitchcock og Hughes, 2001).
McNiff og félagar (2003) setja fram nokkur viðmið sem gagnlegt er að hafa í huga
þegar réttmæti starfendarannsókna er metið. Í samræmi við þau viðmið var þess gætt
í þessari rannsókn að tilgangur hennar væri skýr og gerður ljós öllum sem hlut áttu
að máli. Rannsóknaráætlunin var einnig sveigjanleg og reglulega staldrað við til þess
að endurmeta rannsóknarferlið og bæta inn nauðsynlegum þáttum. Sem dæmi um
slík hliðarskref má nefna að fræðsla um notkun PMT-verkfæranna var endurtekin
fyrir nýja kennara í upphafi síðara skólaársins sem rannsóknin tók til. Einnig var lögð
meiri áhersla á að ræða reglurnar við börnin en upphaflega var gert ráð fyrir svo að
þau hefðu eitthvað um þær að segja ekki síður en kennararnir. Einnig var ákveðið
að búa til myndrænar kennsluleiðbeiningar til að styðja við innleiðingu og kennslu
reglnanna þegar í ljós kom að þessir þættir gengu ekki sem skyldi. Ákvarðanir for-
ystumanna voru að jafnaði teknar til umræðu og þær samþykktar eða þeim hafnað á
deildar- eða starfsmannafundum. Niðurstöður rannsóknarinnar voru gerðar aðgengi-
legar með meistaraprófsritgerð annars greinarhöfunda og ritun þessarar greinar er
áframhaldandi viðleitni í þá átt.
niðurstöður
Í þessum kafla er gerð grein fyrir niðurstöðum um það mark sem innleiðing PMT-
verkfæranna setti á skilyrði skólaþróunar og þætti í skólamenningu leikskólans, eink-
um starfsþróun, starfsþroska, viðhorf og samskipti þátttakenda. Einnig er dregið fram
hvernig niðurstöðurnar undirstrika mikilvægi félagastuðnings, ráðgjafar og eftir-
fylgni sem leiða til þess að vinna með og styrkja þessa þætti.
Starfsþroski, starfsþróun og viðhorf þátttakenda
Það var samdóma álit viðmælenda að þeir hefðu lært mikið af þátttöku í verkefninu.
Verkefnið hefði verið eins og vítamínsprauta fyrir starfið því að þeir væru búnir að til-
einka sér margt sem horfði til bóta í starfsaðferðum. Kennararnir töldu sig vera með-
vitaðri um framkomu sína við börnin og töldu sig einnig vera betri kennara en áður.
Fram kom hjá mörgum viðmælendum að þeir vildu að verkefnið hefði staðið í lengri
tíma því að það tæki tíma að tileinka sér nýjar starfsaðferðir samhliða því að þurfa að