Búnaðarrit - 01.01.1987, Page 64
46
BUNAÐARRIT
2. ári. Á árinu var tekin upp „vacuum" pökkun og frysting
á kjöti í stöðinni, sem allt er úrbeinað. Lítur út fyrir, að
nýting verði betri auk þess sem aðstaða til vigtunar á
einstökum hlutum fallsins hefur skapazt. Þorsteinn Ólafs-
son, dýralæknir, hætti sem umsjónarmaður stöðvarinnar
snemma árs, en við tók Sigurborg Daðadóttir, dýralæknir.
Auk heimsókna á stöðina höfum við Jónas Jónsson,
búnaðarmálastjóri, og Páll A. Pálsson, yfirdýralæknir,
komið nokkrum sinnum saman á árinu til að ræða mál
stöðvarinnar auk þess sem hver um sig hefur haft samband
við starfsmenn hennar og við sameiginlega við umsjónar-
mann. Vegna þess, hve hjörðin er lítil, hefur hreinræktun
Gallowaykynsins gengið hægar en ella. Þarf enn að halda
ræktuninni áfram á stöðinni um nokkurt skeið, enda ekki
enn búið að koma upp aðstöðu til framhaldsræktunar og
varðveizlu kynsins í landi. Einangrun hjarðarinnar þarf
áfram að vera ströng og þess gætt, að önnur dýr komi þar
ekki nærri.
Ég var kvaddur á fund atvinnumálanefndar Alþingis 21.
apríl vegna framkominnar tillögu til þingsályktunar um
nefndarskipan vegna breytinga á lögum um innflutning
búfjár. Þar lagði ég áherzlu á áframhaldandi ræktun
Gallowaystofnsins í Hrísey og fjármagn til ræktunar og
varðveizlu stofnsins í landi. Ef nóg fjármagn væri fyrir
hendi, hefði ég ekki á móti innflutningi frjóvgaðra eggja af
stærri kynjum og nefndi í því sambandi Limosin, en stór,
seinþroska kyn þyrftu talsvert kjarnfóður ásamt heyfóðri.
Rœktun Gallowaystofnsins í landi. Eitt árið enn rann í
aldanna skaut án þess, að nokkur fjárveiting kæmi frá
ríkinu í því skyni að uppfylla þá lagaskyldu að skapa
aðstöðu í landi til framræktunar og varðveizlu Galloway-
stofnsins í Hrísey. Viðræðufundur var þó haldinn í landbún-
aðarráðuneytinu 3. febrúar með landbúnaðarráðherra,
starfsmönnum hans, yfirdýralækni, búnaðarmálastjóra,