Búnaðarrit - 01.01.1987, Page 67
SKÝRSLUR STARFSMANNA
49
stofnun, t.d. í sambandi við flutning á frjóvguðum eggjum í
kýr úr hjörðinni, og jákvætt viðhorf, sem orðið hefur vart í
héraðinu gagnvart því að hafa holdanautahjörð á staðnum.
Ég endurtók, að það væri mál skólabúsins, hvort hjörðin
yrði þar áfram, ef stjórn Búnaðarfélags íslands og iandbún-
aðarráðuneytið féllust á það sjónarmið okkar og búnaðar-
málastjóra að leysa rnætti búið undan þeirri kvöð, sem á
það var lagt með samningunum frá 1971. Að ósk stjórnar
Búnaðarfélags íslands samdi ég greinargerð um málið, þar
sem framangreint álit kemur fram.
Milliþinganefnd Búnaðarþings um endurskoðun búfjár-
rœktarlaga óskaði þess fyrir Búnaðarþing, að ég semdi
greinar um holdanautarækt, er felldar yrðu inn í frumvarp-
ið. Áður hafði ég samkvæmt tilmælum nefndarinnar sent
henni greinargerð um atriði, sem ég taldi að taka ætti tillit
til við endurskoðun laganna, og ábendingar um breytingar
á einstökum greinum. Voru þær einkum á kaflanum um
nautgriparækt. Mér var efst í huga, hvernig tryggja mætti
holdanautgriparæktinni þann sess í löggjöfinni, sem henni
ber. Eftir að farið var að nota sæði úr Gallowaynautum í
Hrísey til framleiðslu á holdablendingum til kjötfram-
leiðslu, má segja, að um nýja búgrein sé að ræða. íslending-
ar eiga sér enn enga hefð eða sérstakt framleiðslukerfi til að
styðjast við í nautakjötsframleiðslu. Með betra hráefni þarf
að örva framleiðslu á góðu nautakjöti og skapa neytendum
öryggi í gæðum nautakjöts, sem þeir sækjast eftir. Því þarf
að styðja við þessa búgrein í upphafi eins og aðrar nýgreinir
í landbúnaði.
Málefnum þessarar búgreinar má skipta í tvo aðalþætti
að því, er lýtur að ákvæðum búfjárræktarlaga. Annar
þátturinn er um ræktun erlendra kynja og blöndun þeirra
við hið íslenzka. Hinn er um nautakjötsframleiðsluna
sjálfa, leiðbeiningar, skýrsluhald, gripasýningar, kjötsýn-
ingar og ýmiss konar athuganir og mælingar. Félagsstarf-
semi á þessu sviði getur náð til beggja þáttanna. Ég samdi
5