Alþýðumaðurinn - 30.04.1985, Blaðsíða 5

leika og eykst stöðugt. Skömm
sé þeim, sem að því hafa stuðlað.
Skattar og vextir
Það er mjög brýnt, að núverandi
ríkisstjórn víki. Hún getur hvorki
lifað né dáið. Þau öfl, sem sterk-
ust eru innan hennar, munu
aldrei geta sameinast um verk-
efni, sem endurreist geta íslenskt
atvinnulíf, trú þjóðarinnar á
sjálfa sig né vakið bjartsýni um
betri tíð. Öll hennar verk eru
dæmt til að mistakast og tíminn
mun leiða í ljós enn og aftur, að
helmingaskiptastjórnir Fram-
sóknar og Sjálfstæðisflokks kalla
fram flest önugustu stjórnmála-
viðbrögð og ákvarðanir, sem
dæmi eru um.
Nú eru engin ráð betri en þau,
að koma þessari stjórn frá og
hefja nýtt framfaratímabil.
Fyrstu verkefni nýrrar ríkis-
stjórnar hljóta að verða:
1. Koma í veg fyrir skattsvik-
in. Tryggja réttmæt skil á sölu og
tekjusköttum. Taka harðar á
skattalagabrotum. Flokka skatt-
svik undir þjófnað og dæma
skattsvikara samkvæmt því.
Æskilegast væri að fella þegar í
stað niður alla tekjuskatta af al-
mennum launatekjum. Upphaf-
lega átti tekjuskatturinn að vera
launajöfnunarskattur. Hann er
nú algjör þversögn þessa upphaf-
lega markmiðs.
2. Draga úr verðtryggingu á
fjárskuldbindingum og bæta þeg-
ar úr því glórulausa misrétti, sem
felst í gífurlegum mun á vísitölu
verðbóta og launa. Þetta er ekki
eingöngu spurning um peninga,
heldur sálarheill stórrar kynslóð-
ar íslendinga, sem nú er bandingi
banka- og lánastofnana.
3. Setja þegar lög og reglur
gegn þeirri rótgrónu spillingu og
fjársukki, sem hefur átt sér stað í
stjórnun opinberra stofnana og
fyrirtækja.
4. Beina umtalsverðu fjár-
magni til uppbyggingar nýrra at-
vinnugreina og markaðsleitar fyr-
ir íslenska framleiðslu og þekk-
ingu.
Ef þessi þjóð á að eiga sér við-
reisnar von er aukinn jöfnuður
grundvallaratriðið. Sú stétta-
skiptind, sem nú er orðin að
veruleika mun að óbreyttu auka
vanda lítillar þjóðar, sem byggir
afkomu sína og tilveru á því, að
kjörum sé jafnað, maður starfi
með manni.
Dæmið frá Húsavík
Þegar ég var að skrifa þessa grein
rakst ég á viðtal í nýútkomnu
tölublaði Vinnunnar. Þar er rætt
við húsbyggjanda á Húsavík, og
saga hans er í hnotskurn sá
vandi, sem núverandi ríkisstjórn
hefur skapað með „stjórnvisku"
sinni. Saga hans segir meira en
langar fræðilegar greinar hag-
spekinga. Ég læt hluta af viðtal-
inu fylgja hér með:
„Ég byrjaði um vorið ’83 að
byggja mér einbýlishús hér á
Húsavík. Ég átti ekki miklar
eignir þegar ég fór út í þetta og
varð því að fjármagiia byggingun
talsvert með lánum. Alls nam
lántakan um 1.250.000 krónum.
Á síðasta ári greiddi ég af þessum
lánum alls 406 þúsund krónur í
vexti, afborganir og verðbætur.
Um þessar mundir er söluverð
hússins líklega rúmar 2 milljónir,
en uppfærðar skuldir nálægt
1.800 þúsundum króna.“
I viðtalinu er þessi maður
spurður hvort hann haldi þetta út
mikið lengur. Og hann svarar: „Ef
maður sæi einhvern árangur af
þessu streði, þá væri eflaust hægt
að halda þetta út. En það er ekki.
Lánin hlaðast upp, en eignin
stendur í stað. Það sem við hús-
byggjendur erum að krefjast í
dag er að það komi einhver
skynsamlegur mælikvarði á þessi
lánamál. Við erum ekki að biðja
um gjafir. Það getur ekki verið
hagur þjóðarbúsins að setja
fjölda húsbyggjenda á hausinn.
Maður þarf að geta treyst stjórn-
völdum. Þegar ég tók mín lán þá
var reiknað út að ég þyrfti ekki
að vinna nema 2-3 mánuði á ári
fyrir afborgunum og vöxtum. Nú
er það komið í 10-11 mánuði í
mínu dæmi.“
Um ástand mála þarf vart að
fara fleiri orðum. Ójöfnuðurinn
á öllum sviðum krefst nýrrar
stjórnar, nýrrar stefnu og frá-
hvarfs frá því veldi fjármagnseig-
enda, sem eru á góðri leið með
að gera hluta þjóðarinnar gjald-
þrota og skammta launafólki
nauðþurftartekjur.
Athafiiafólk
Bæjarstjórn Akureyrar býður ykkur
samstarf og aðstoð.
Bæjarstjórn Akureyrar hefur samþykkt að veita
lán og/eða styrki úr Framkvæmdasjóði Akureyr-
arbæjar til þeirra sem hyggja á nýjan atvinnu-
rekstur á Akureyri.
Fyrirgreiðslu þessari, er ætlað að standa straum af
kostnaði vegna arðsemisathugana og áætlana um
nýjan atvinnurekstur.
Umsóknunum skulu fylgja ítarlegar upplýsingar
um fyrirhugaða starfsemi.
Upplýsingar veita formaður atvinnumálanefndar
Jón Sigurðarson og Úlfar Hauksson hagsýslustjóri
í síma 21000.
Atvinnumálanefnd Akureyrarbæjar.

♦ ♦
♦ ♦
Ótal húsbúnaðarvinnlngar
MIÐI ER MOGULEIKI
Dvalarheimilis aldraðra sjómanna
Al bvm iMAni idimm