Alþýðumaðurinn - 05.06.1985, Blaðsíða 2
Leiðari:
Hún á afmæli
stjórnin
Blessað ríkisstjórnin okkar á víst afmæli innan
skamms. Þar með er hálfnað það skeið sem henni
er heimilt að sitja án þess að þurfa að gangast und-
ir próf þjóðarinnar en á þessu stigi málsins verður
ekkert um það fullyrt hvort hún mun kjósa að gang-
ast undir þetta próf fyrr, eða hvort hún verður
beinlínis til þess neydd.
Strax frá fæðingu varð ferill þessarar ríkisstjórn-
ar með eindæmum glæsilegur. Menn uppgötvuðu
allt í einu þá staðreynd að mikil verðbólga var í
landinu. Því þurfti nú aldeilis að taka til hendinni.
Fólkið hafði lifað svo ofboðslega um efni fram að til
vandræða horfði, en þeir sem af einstakri árvekni
og dugnaði höfðu braskað í skjóli verðbólgunnar,
að ekki sé nú minnst á hina útsjónarsömu skatt-
svikara höfðu alls ekki fengið þá umbun dugnaðar
síns sem skyldi. Þessa ósvinnu varð auðvitað að
stöðva, og það var gert svo um munaði. Veislu-
höldum alþýðunnar var skyndilega lokið, og við
tóku timburmennirnir. Það skiptir engu máli þó að
þetta hafi síðar verið kölluð pólitísk mistök. Aðal-
atriðið er það, að verðbólgutölurnar lækkuðu á
pappírnum að minnsta kosti jafnframt því sem kjör
láglaunafólksins skertust, eða urðu þau sem þau
eru eins og það heitir víst á hagfræðimáli.
Það eru auðvitað engin tök á því í stuttri afmælis-
grein að telja upp öll hin mörgu og miklu afreks-
verk núverandi ríkisstjórnar. En það er hreint ekki
svo lítið starfs em hún hefur áorkað á ekki lengri
ævi. Hvarvetna tala verkin. Húsnæðislánakerfið er
auðvitað í rúst og sömuleiðis menntakerfið. Farið
er að láta aldraða og sjúka greiða það sem þeim
ber fyrir heilbrigðisþjónustuna, og ríkið er farið að
geta sparað umtalsverðar fúlgur í launakostnaði,
ekki aðeins vegna lágra launa opinberra starfs-
manna, heldur einnig vegna flótta þeirra úr
störfum. Mest er þó um vert að stjórnin er nú á
góðri leið með að frelsa þjóðina undan oki þessar-
ar vitleysu sem nefnd hefur verið undirstöðuat-
vinnuvegir. Þá er nú eitthvað skynsamlegra að
leggja fjármuni þjóðarinnar í nokkrar glæstar
Seðlabankahallir og byggðastefnumusteri. Var
ekki einhver að tala um það að fjárfesting í stein-
steypu væri varanleg fjárfesting.
Að afloknum einstaklega gifturíkum starfsferli
hefur nú ríkisstjórnin að mestu sest í helgan stein,
enda háöldruð orðin. Hún fæst nú aðeins lítillega
við að skipa málum varðandi auglýsingar í kapal-
kerfum og öðru þess háttar fjarri kveinstöfum
verkalýðsins og nöldrinu í húsbyggjendum.
Á merkum tímamótum sendir þjóðin stjórn sinni
hinar bestu árnaðaróskir með von um það að hún
megi sem allra skemmst lifa. R.A.
Fyrir sælkerann!
Grænmetisdeig
með baconi:
(fyrir 4-5)
250 g kjöthakk
250 g kjötfars
salt, pipar, paprikuduft
1 stk. egg
1 dl mjólk
2 msk. rasp
2 dl grænar baunir
2 gulrætur
4 tómatar
8 sneiðar bacon
4 msk. rifinn ostur.
Hakkið og kjötfarsið er hrært vel
saman og kryddað eftir smekk.
Hrærið síðan saman við egginu,
mjólkinni, raspinu, baununum
og hráum rifnum gulrótum.
Eldfast mót er smurt og kjöt-
deigið sett í til skiptis á móti tóm-
atsneiðunum. Rifna ostinum er
stráð yfir og allt hulið með
baconsneiðunum.
Sett á neðstu rim í ofni og bak-
að við 180° í 30-35 mín. Réttur-
inn borinn fram heitur ásamt
soðnum kartöflum og bræddu
smjöri.
Savory-réttur með
ristuðu brauði
1 pk. savory rice (grænn pakki)
2 dl rjómi
250 g rækjur
ló dós mais
14 dós sveppir
3 msk. mayones
1 tsk. karry
ostasneiðar.
Hrísgrjónin eru soðin og kæld.
Sveppirnir steiktir í smjöri og
kældir. Mayones er hrært vel
ásamt karrý og þynnt út með
þeyttum rjómanum.
Kæld hrísgrjónin, sveppirnir,
j rækjurnar og maisinn eru sett
! saman við mayoneshræruna og
allt sett síðan í smurt eldfast mót.
Ostasneiðar eru lagðar yfir og
þar ofan á er settur álpappír.
Bakað í ofni í um 20 mín. við
200°. Álpappírinn er ekki látinn
vera á síðustu 5 mín. af bökunar-
tímanum.
Borið fram í eldfasta mótinu
ásamt ristuðu brauði og smjöri.
Upp og niður
eplakaka
4—5 epli
200 g sykur
150 g smjörl.
3 stk. egg
175 g hveiti
1 tsk. lyftiduft
flórsykur
V2 sítróna.
Suðunni er komið upp á ca. V21 af
vatni, 50 g af sykri og safa úr Vi
sítrónu. Eplin eru afhýdd og
skorin í tvennt og kjarninn tek-
inn úr. Eplin eru soðin í sykur-
soðinu í 2-3 mín. og tekin upp,
ekki látin liggja í leginum. 2 msk.
smjör er látið bráðna í hringlóttu
formi og því síðan penslað vel
innan í forminn.
Stráið þvínæst þunnu sykurlagi
innan í forminn og leggið epla-
helmingana þar í.
Hrærið smjörlíkið ásamt sykr-
inum þar til það er létt og ljóst og
bætið síðan eggjunum saman við
eitt í einu.
Blandið saman hveitinu, lyfti-
dufti og rifnu sítrónuhýði og
hrærið það saman við
smjörl.hræruna. Deigið er síðan
sett yfir eplin í forminum.
Bakað á neðstu rim í ofni við
180-190° í um 45-50 mín. Kakan
er látin standa smástund í form-
inum áður en henni er hvolft á fat
og flórsykri stráð yfir hana.
Hagur húsbyggjenda
og launþega
TVær þjóðir í einu landi
Árni Gunnarsson og þingmenn
Alþýðuflokksins ræða þessi
mál á opnum fundi á Hótel
KEA sunnudaginn 9. júní
kl. 2 e.h.
Allir velkomnir.
Alþýöuflokkurinn.
AKUREYRARBÆR
Útboð
Tilboð óskast í byggingu 4. áfanga VMA.
Áfanginn er 618 m2 að grunnfleti ásamt leiðslu-
kjallara 92 m2.
Verktaki tekur við útgröfnum grunni og skal skila
húsinu í fokheldu ástandi.
Útboðsgögn verða afhent á skrifstofu fulltrúa
bygginganefndar VMA, Kaupangi v/Mýrarveg
2. hæð frá 31. maí kl. 16.00 gegn 5.000 kr. skila-
tryggingu. Forgögn afhent frá 28. maí.
Tilboð verða opnuð á sama stað 10. júní 1985 kl.
16.00.
Byggingarnefnd Verkmenntaskólans.
2- ALÞÝÐUMAÐURINN