Alþýðumaðurinn - 09.04.1987, Blaðsíða 16
ALÞÝÐUMAÐURINN
Útgefandi: Alþýðuflokksféiag Akureyrar
Blaöstjórn:
Oskar Alfreösson,
Haraldur Helgason.
Jorunn Sæmundsdottir
Fréttir frá
bæjarstjóm
Akureyrar
Kristinn
Alþýðuflokkur
Kemur skíðaskipið?
Bæjarstjórn Akureyrar sam-
þykkti á fundi sínum sl. þriöju-
dag, að Akureyrarbær veiti
Norðurskipi hf., sem hyggst
kaupa svifnökkva til ferða um
Eyjafjörð og til Grímseyjar á
næsta sumri, einfalda bæjar-
ábyrgð að upphæð allt að 6 millj.
kr. að uppfylltum eftirtöldum
skilyrðum:
1. Að hlutafé fyrirtækisins verði
aukið um kr. 2 millj.
2. Hlutafélagið og skipið verði
skráð á Akureyri.
3. Sett verði fullnægjandi trygg-
ing fyrir ábyrgð Akureyrar-
bæjar.
Norðurskip mun, ef af kaupum
á skipinu verður, fá það á kaup-
leigusamningi hjá Glitni hf.
Undirkjörstjórnir
skipaðar
Bæjarstjórn Akureyrar sam-
þykkti sl. þriðjudag eftirtalda
aðal- og varamenn í undirkjör-
stjórnir vegna alþingiskosning-
anna 25. apríl nk.:
AAalmcnn:
Alfreð Óskar Alfreðss., Grænugötu 10.
Magnús Aðalbjörnss., Ásabyggð 18.
Gunnar Steindórss., Espilundi 4.
Margrét Jónsd., Álfabyggð 18.
Sigursveinn Jóhanness., Kotárgerði 11.
Jórunn Sæmundsd., Hólsgerði 2.
Auður Stefánsd., Tjarnarlundi 10 j.
Aðalheiður Mikaelsd., Einholti 6 a.
ísak Guðmann, Hamragerði 10.
Karl Jörundss., Suðurbyggð 13.
Ævar Ólafss., Reykjasíðu 9.
Aðalsteinn Sigurðss., Ásabyggð 1.
Hörður Steinbergss., Hrafnagilsstræti 31.
Birgir Svavarss., Víðimýri 13.
Rafn Hjaltalín, Vanabyggð 1.
Fríða Sæmundsd., Gránufélagsgötu 5.
Rut Ófeigsd., Stóragerði 15.
Sigurður Hermannss., Heiðarlundi 8 i.
Gunnlaugur F. Jóhannss., Pverholti 1.
Unnar Láruss., Grundargerði 5 c.
Ármann Helgas., Ásbyrgi/Skarðshlíð 42.
Katrín Pálsd., Grundargerði 6 j.
Guðjón E. Jónss., Oddagötu 11.
Sigurlaug A. Sigtryggsd., Tungusíðu 13.
Varamenn:
Snælaugur Stefánss., Vanabyggð 2 d.
Jónas Stefánss., Bröttuhlíð 1.
Þorsteinn Porsteinss., Skarðshlíð 6 e.
Ásta Hallvarðsd., Heiðarlundi 1 d.
Rannveig Rögnvaldsd., Akurgerði 7 d.
Pétur Torfas., Sólvöllum 9.
Agnes Guðnad., Furulundi 4 f.
Valgerður Jónsd., Áshlíð 13.
Kristín Sveinsd., Áshlíð 3.
Jóhann Bjarmi Símonars., Klettaborg 4.
Halla Sigurðard., Pverholti 16.
Leifur Tómasson, Goðabyggð 17.
Ólina Jónsd., Jörvabyggð 7.
Bergþóra Eggertsd., Vanabyggð 5.
Þórunn Sigurbjörnsd., Hólsgerði 8.
Stefán Hallgrímss., Kringlumýri 2.
Jón Oddgeir Guðmundss., Glerárgötu 1.
DórótheaGuðlaugsd.,Tjarnarlundi 19 h.
Sigríður Gísladóttir, Grenilundi 11.
Arnar Guðmundss., Reynilundi 3.
Friðrik Kristjánss., Byggðavegi 141.
Signý Rafnsd., Skarðshlíð 28 g.
Gísli Ólafss., Heiðarlundi 2 j.
SveinborgSveinbjörnsd., Heiðarlundi 6 a
Aðalfundur
Slippstöðvarinnar
verður haldinn laugardaginn 11.
apríl, þ.e. nú á laugardag. Bæjar-
stjórn hefur að venju falið bæjar-
stjóra að fara með umboð Akur-
eyrarbæjar á fundinum og jafn-
framt falið honum að tilnefna
Aðalgeir Finnsson og Guðmund
Friðfinnsson sem aðalmenn í
stjórn fyrirtækisins og varamenn
þá Frey Ófeigsson og Sæþór
Steingrímsson.
Samkvæmt heimildum Al-
þýðumannsins verða engar breyt-
ingar á stjórn fyrirtækisins, en
þar sitja nú sem fulltrúar ríkisins
Stefán Reykjalín, Ingólfur Árna-
son, Gunnlaugur Claessen og
Halldór Blöndal. Fulltrúi KEA í
stjórn verður og áfram Bjarni
Jóhannesson.
Fonti neitað
um niðurfellingu
skulda
Prentsmiðjan Fontur hf. leitar nú
eftir nauðasamningum, skv. lög-
um þar um, en rekstur þess gekk
afar illa og hefur fyrirtækinu nú
verið lokað. Fontur leitaði eftir
því við bæjarsjóð og stofnanir
hans, að skuldir fyrirtækisins
yrðu felldar niður allt að 70%.
Bæjarstjórn hafnaði erindinu.
Einu sinni stóð ég líka frammi
fyrir því að þurfa að kjósa fyrsta
sinni en máski hefur það aldrei
vafist fyrir ungu fólki sem einmitt
nú. Hið pólitísa litróf hefur aldrei
verið meira. En mikið er ég
hræddur um að mörg atkvæði fari
í súginn í apríl. En hverja á að
kjósa?
Hvað eru prestar annars að
vasast í stjórnmálum? Eru
flokkadrættir ekki nógir nú
þegar. Ættu þeir ekki einmitt að
halda sig utan og ofan við, bera
klæði á vopnin, sinna sínum
verkefnum? Um þetta eru skiptar
skoðanir. Sumir vilja halda því
fram að kirkjan og kirkjunnar
menn, sem sé fólkið í söfnuðun-
um eigi ekki að koma nálægt
stjórnmálum, þeirra hlutverk sé
æðra og heilagra. Til eru þeir inn-
an kirkjunna hins vegar sem jafn-
vel vilja stofna kristilegan flokk.
Ekki veit ég hvaða hljómgrunn
slíkt hefði. Eg ætla að leyfa mér
að viðra mínar skoðanir: Auðvit-
að er hlutverk kirkjunnar fyrst og
fremst að boða Krist, halda
kristnum dómi á lofti. Hlutverk
kirkjunnar er von framtíðar. En
hún starfar einnig í þessum heimi
og hver og einn einstaklingur á,
Guði sé lof, þann möguleika í
okkar lýðfrjálsa landi að láta til
sín taka á hinum veraldlega vett-
vangi. Og menn og konur kirkj-
unnar eiga og mega taka þátt. Á
hinn bóginn misnota og misskilja
þessi sömu menn og konur hlut-
verk sitt ef þau predika pólitískar
skoðanir sínar úr stóli. Úr þeim
stóli á aðeins að boða Jesúm
Krist.
Utan kirkju hef ég lagt hönd á
plóg Alþýðuflokksins. Einfald-
íega vegna þess að í stefnu hans
felst von um betra mannlíf á
jörðu, meira frelsi, meira jafn-
rétti, meira bræðralag og ekki
síst vegna þess að með auknum
styrk jafnaðarmanna megi hamla
gegn þeim öflum er stefna að
frumskógarhernaði meðal íbúa
lýðveldisins.
Nú gæti ég persónulega skrifað
undir margt það er Kvennalistinn
boðar, margt það er Flokkur
mannsins boðar og ekki síst
margt það er Þjóðarflokkurinn
boðar. Pað er illt til þess að vita
að þetta fólk í þessum hreyfing-
um hafi ekki getað fundið starfs-
grundvöll í Alþýðuflokknum.
Par á það heima.
Önnur ógæfa jafnaðarmanna
er einnig sú, að félagshyggju-
mönnum í Alþýðuflokki, Fram-
sóknarflokki og Alþýðubanda-
lagi hefur ekki tekist að samræma
stefnu sína. En það er önnur
saga.
Óréttlætið fer vaxandi á ís-
landi. Jafnaðarstefnan er sprottin
úr kristnum jarðvegi. Eflum
Alþýðuflokkinn í næstu kosning-
um Hannes Örn Blandon.
TIL UNGRA KJÓSENDA
Aldrei fyrr hefir jafnmargt ungt
fólk gengið til kosninga og nú.
Kosningaaldur færður niður í 18
ár, og svo fjölmennir eru þeir sex
árgangar, er nú ganga í fyrsta
sinn að kjörborði, að þeir vega
þungt í vogarskál kosninganna.
En um leið og hinn ungi kjós-
endahópur er svo fjölmennur,er
ábyrgðin þyngri, sem á honum
hvílir um að leggja lóð sitt þannig
í vogarskálina, að til hagsbóta
horfi í framtíðinni. En liann er
einnig sá hópur kjósenda, sem
mest á undir því, að vel takist til
um stjórnarstefnu framtíðarinn-
ar. Pað er sá hópur þjóðarinnar,
sem ýmist er tekinn að axla byrð-
ar þjóðfélagsins, eða hlýtur að
gera það innan skamms. Það er
hópurinn, sem á að læra af
reynslu kynslóðanna og ávaxta
þann arf, sem hann hefir hlotið
sér og framtíðinni til gagns og
gæfu. Af þessum sökum er það,
sem ég nú ávarpa ykkur unga
fólkið, nýju kjósendurna. Eg
ávarpa ykkur ekki sem pólitískur
prédikari, heldur sem gamall afi
eða kennari, sem segir ykkur
sögu úr lærdómsbók reynslunnar.
Ég byrja mál mitt á því að lit-
ast um í því þjóðfélagi, sem ég og
jafnaldrar mínir lifðum í á þeim
aldri, sem þið eruð, sem kjósið
nú í fyrsta sinn. En við kusum
ekki. Kosningarrétturinn var
bundinn við 25 ár, og ýmsar
hömlur voru þá fleiri. Við höfð-
um flest notið lögboðinnar
barnafræðslu í 4-5 ár, en miklu
fleiri ekki nema 6-8 vikur á ári._
Framhaldsskólar voru þá fáir,
litlir og vanbúnir, og ekkert, sem
hét námslán. Þið getið farið nærri
um jafnréttið til náms á þeim
árum. Enginn stuðningur var þá
við fátæka og munaðarlausa,
nema sveitastyrkur, naumt
skammtaður og talinn eftir, og
honum fylgdi missir mannrétt-
inda, svo að margir sultu heldur
en leita á náðir sveitarinnar.
Fátækum fjölskyldum var sundr-
að og þær fluttar sveitarflutning-
um landsfjórðunga milli ef svo
bar undir. Verkalýðsfélög van-
megnug, engin samningsréttindi
þeirra, og þeir menn, sem tóku
forystu í þeim, sífelldlega hraktir
og hrjáðir af atvinnurekendum.
Engar tryggingar, hvorki gegn
atvinnuleysi, sem var landlægt,
elli, sjúkdómum, örorku né slys-
um af hvaða tagi sem var. Lítil
sem engin heilbrigðisþjónusta.
Engin fyrirgreiðsla fyrir hús-
byggjendur, var þó húsnæði fjöl-
margra langt neðan við það að
kallast mannsæmandi. Örbirgðin
var hvarvetna, og þeir þóttust
góðir, sem höfðu í sig og á eða
með öðrum orðum gátu aflað sér
brýnustu nauðþurfta. Margt
fleira mætti telja, en ég læt hér
staðar numið.
Ungu kjósendur! Þið hristið ef
til vill höfuðið og trúið mér ekki.
Ykkur þykir þetta allt, sem ég
hef telið upp að skorti þá, en við
öll njótum nú, svo sjálfsagðir
hlutir, að þið jafnvel haldið, að
þeir hafi komið af sjálfu sér. En
því fer fjarri. Það hefir kostað
langa og harða baráttu að koma
þessum umbótum á, og enn þarf
margt að bæta á þessum sviðum,
og framtíð ykkar og niðja ykkar
er undir því komin, að vel megi
til takast í þeim efnum, og þessar
umbætur verði ekki rifnar niður í
frjálskyggjuæði því, sem nú ógn-
ar þjóðinni úr herbúðum stjórn-
arflokkanna.
En þessu fylgir önnur saga. Á
þessu ári eru 70 ár liðin síðan
Alþýðuflokkurinn var stofnaður.
Stefnuskrá hans var frá upphafi
að ráða bót á þeim félagslegu
vandamálum, sem ég lýsti stutt-
lega og hafði enginn flokkur
hreyft nokkru þeirra mála áður
nema nokkrar umbætur voru þá
komnar í skólamálum, en þó
ekki lengra en ég gat um. Óg
flokkurinn hefir barist sleitulaust
fyrir félagslegum umbótum frá
upphafi. Hann hefir átt frum-
kvæði að allri löggjöf í því efni,
og þokað málunum áfram hverju
sinni, er hann hefir verið í stjórn-
araðstöðu, og samstarf hans við
aðra flokka hefir ætíð verið
bundið því skilyrði, að þessum
málum yrði þokað áleiðis. Merk-
ustu umbæturnar eru trygginga-
löggjöfin. Þær gerðu byltingu í
þjóðfélaginu, og þær eru verk
Alþýðuflokksins, þótt aðrir
flokkar vilji nú eigna sér þær,
þegar þeir sjá að þær eru vinsæl-
ar.
En það er hægt að spilla góð-
um málum með framkvæmd laga.
Húsnæðislán og fyrirgreiðsla hins
opinbera við húsbyggjendur var
hafin með verkamannabústöðum
að frumkvæði Alþýðuflokksins.
Röng efnahagsstefna núverandi
ríkisstjórnar hefir hleypt hús-
næðismálunum í þann hnút, að
lánakerfi þeirra er orðið bölvald-
ur í stað þjóðþrifa. Þannig getur
farið með hvert gott málefni,
þegar þau komast í hendur ein-
sýnna auðhyggjumanna.
Lokaorð mín til ykkar ungu
kjósendur eru: Athugið þessi mál
í næði. Athugið hvaða stjórn-
málaflokkur einn allra flokka
hefir aldrei hvikað frá stefnunni
að velferðarþjóðfélagi. Gerið
síðan upp hug ykkar, hvort þér
viljið halda áfram í stefnu gró-
andi þjóðlífs í átt að velferð
þegnanna, eða hefja eyðimerk-
urgöngu með frjálshyggju auð-
valdsins að leiðarljósi. Hvort vilj-
ið þið heldur styðja hinn veika,
eða troða hann niður í svaðið?
Framtíð þjóðarinnar veltur á
hvert svar ykkur verður á kjör-
degi.
Eg skora á ykkur öll að skipa
ykkur undir merki velferðar-
stefnunnar. Annað sómir ekki
vel gerðri og glæsilegri æsku, sem
alist hefir upp við þau gæði, sem
hún hefir veitt okkur öllum.
Steindór Steindórsson
frá Hlöðum.