Kylfingur - 01.06.1935, Blaðsíða 21

Kylfingur - 01.06.1935, Blaðsíða 21
KYLFINGUR 15 Terminologia. Svo sem eðlilegt er láta mörg erlendu golfleikaheitin illa í eyrum íslenzkra golfiðkenda og reynast þeim óþjál og ótöm á tungu. íslenzk málmeðvitund lætur illa við að taka þau upp óbreytt og ómelt. Þetta er þeim mun skiljanlegra þegar þess er gætt, að sjálft orðið Golf er skozk afbökun á ísl. orðinu kólfur og upprunalega tekið upp í skozku úr fornis- lenzku ásamt ef til vill fleiru, er snert hefir kylfuknattleik fornmanna hér á landi. Af kólfur er dregið kylfa (f.) og kylfi (n.), sem þýðir það sama. Orðið kylfingur (m.) flt. kylfingar kemur fyrir í Egilssögu um austrænan þjóðflokk, er kenndur var við kylfur. Golf er því skozk afbökun af kólf eða kylfu, og kylfing (f.) rétt myndað og gott til að tákna golfleik (sbr golfing). Sá sem iðkar kylfing nefnist kylfingur (golfer) (sbr. ofangreindu). Sé lengra haldið út i þá sálma, má nefna, að beint liggur við að kalla the green flót (f.), flt. flatir, og the fairway braut, flt. brautir, en the tee bara tje (T.), uns betra gefst. Golfbrautirnar (þ.e. the course), kallast golfoöllur. Rough má kalla torleiðí og bunkers, traps etc. torfœru, hvarf eða ófæru o. fl. eftir staðháttum. Þá mun vart um deilt að kalla the hole holu og the club kylfu og the ball kólf. — Stjórn G. í. bendir aðeins á þessa möguleika, en vill var- ast að lögbjóða nokkuð annað en það, sem smátt og smátt, sökum yfirburða sinna, festir rætur í málvitund og tungutaki félagsmanna. Hún mun einnig birta framvegis góðar tillög- ur undir ofanskráðri fyrirsögn, ef þær berast henni. Kylfingur: Gefinn út af stjórn Golfklúbbs íslands. Ritstjóri og ábyrgðarmaður: Helgi H. Eiríksson. Isafoldarprentsmiðja h.f.

x

Kylfingur

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Kylfingur
https://timarit.is/publication/669

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.