Sameiningin - 01.10.1955, Síða 16

38
Sameiningin
Þorsteinn J. Gíslason
— Kveðju og þakkarorð —
Eftir séra SIGURÐ ÓLAPSSON
„Svo ertu ísland í eðli mér fast,
að einungis dauðinn oss skilur.“
Hann var fæddur að
Flatatungu í Skagafjarðar-
sýslu 12. maí 1875. Foreldr-
ar hans voru Jón Gíslason
Stefánssonar og Sæunn
Þorsteinsdóttir frá Gilhaga
í sömu sýslu. Var Sæunn
dóttir Þorsteins Magnús-
sonar og konu hans Odd-
nýjar Þorsteinsdóttur, er
var afkomandi Ruth Kon-
ráðsdóttur systur séra Jóns
Konráðssonar prófasts á
Mælifelli.
Þorsteinn ólst upp með
foreldrum sínum í Flata-
tungu, og með þeim flutti
hann til Vesturheims 1883.
Þau settust að í grend við
Hallson, N. Dak., á landi er
faðir hans keypti. Faðir
Þorsteinn andaðist 1893.
Höfðu dvalarárin í hinu
nýja landi orðið honum ærið örðug; lítil uppskera hin
fyrstu ár, — og hrörnandi heilsa er leiddi til dauða hans.
Eftir lát hans tók Þorsteinn við búsforráðum með móður
sinni. Kynntist hann snemma af eigin reynd hörðum kjörum
frumlandnemanna. — Síðar seldu þau bújörð sína og settust
að í Hallson-þorpi, unz fjölskyldan flutti til Brown-byggðar
í grennd við Morden í suðurhluta Manitoba-fylkis. Voru þau
Þorsteinn, móðir hans og systkini í brjóstfylkingu íslenzku
landnemanna þar. Flestir þeir, er fyrstir námu þar land,
munu hafa komið úr íslenzku byggðunum í Norður-Dakota.