Sameiningin - 01.10.1955, Side 21

Sameiningin
43
hendur og hafa umsjón með þessari fjársöfnun, og hefir
Betelstjórnarnefndin orðið við þeirri beiðni hans. Fyrir ein-
huga beiðni þeirra, er Betel-nefndina skipa, hefir Dr. P. H. T.
Thorlakson, sem á sæti í stjórn Betel, góðfúslega tekið að
sér að vera “pro-tem”, formaður fjársöfnunarnefndarinnar;
vinnur hann nú að skipulagningu hennar og undirbúningi í
samráði við forseta Kirkjufélagsins og Betelnefndina.
Væntum vér þess, að valinkunnir Islendingar, sem beðnir
verða að starfa í þeirri nefnd og öðrum nefndum málefninu
til styrktar, svo sem auglýsinganefnd, ráðgefandi nefnd
sjái sér fært að leggja málinu lið og bera það fram til sigurs.
Mrs. J. Ágústa Tallman, hin mikilhæfa kona, sem átt
hefir langa og farsæla kynningu af Betel, hefir verið ráðin
til að gerast erindreki við fjársöfunina og ferðast um
bæi og sveitir íslendinga í Manitoba og Saskatchewan
fylkjum og víðar, og vinna þar með heimanefndum, er
væntanlega yrðu stofnaðar í hverju umhverfi fjársöfnuninni
til styrktar.
Fylkisstjórnin í Manitoba hefir lofað fjárhagslegri hjálp
til byggingar þessa fyrirtækis að upphæð $42,500.00.
Áætlaður kostnaður nýju byggingarinnar, sem ráðgert
er að verði 50 einnar persónu herbergi, er af byggingar-
meistara talinn að verði $130,000.00.
Nauðsynleg viðgerð á gamla húsinu er lauslega talið,
að muni nema um $30,000.00; auk þess sem kaupa þarf ný
húsgögn í nýju bygginguna. Von Betelnefndarinnar er sú,
að í gömlu byggingunni gætu dvalið um 20 vistmenn, auk
þess sem byggingin yrði einnig notuð sem starfsmiðstöð.
Betel hefir nú um $37,000.00 í brautryðjendasjóði,
er það hinn eini varasjóður, sem stofnunin á yfir að ráða.
Það er í fullu trausti um hjálp og handleiðslu Guðs, að þetta
stóra spor um byggingu og fjársöfnun er stigið.
Vestur-íslendingar eru kunnugir þeirri þjónustu, sem á
Betel hefir verið af hendi leyst í þágu hinna öldruðu, ■— sem
borið hafa hita og þunga dagsins. Vér treystum yður að
hjálpa til að leiða þetta stóra nauðsynja- og mannúðarmál
fram til sigurs.
Fyrir hönd Betelnefndar,
—S. Ólafsson