Sameiningin - 01.10.1955, Blaðsíða 34

56
Sameiningin
hefir staðfest þetta djúp á milli Guðs og mannsins. „Ó, hvað
syndin afskapleg er, allt þetta leiðir hún af sér“, segir
Hallgrímur. Barth segir amen við því.
En hvernig kemur þá Guð til mannsins? Ekki í orðum
ritningarinnar fyrst og fremst, segir Barth. Og jafnvel ekki
í manninum Kristi. Biblían er syndugum manni bara mann-
legt orð, og Kristur mannleg vera, þangað til Guð sjálfur
talar til mannsins í þessu orði, þessum Kristi. Með öðrum
orðum, guðleg opinberun er ekki bara tilkynning um Guð.
Hún er Guð sjálfur að verki í mannlegri sál.
Modernistar ömuðust við Barth framan af árum, eða
gjörðu lítið úr kenningum hans. En það verður nú ljósara
með degi hverjum, að Barth hefir haft ósegjanlega djúp og
víðtæk áhrif á trúarhugsun samtíðarinnar. Nýja rétttrúnað-
inum fylgja nú sumir allra merkustu guðfræðingar vorra
tíma, eins og Bandaríkjamaðurinn Reinhold Niebuhr, Sviss-
lendingurinn Emil Brunner, og að nokkru leyti Þjóðverjinn
Paul Lillich. Þessir menn eru þó sjálfstæðir í hugsun, sigla
sinn eiginn sjó, hver um sig. En öllum ber þeim saman um
synd og hjálparleysi mannverunnar. Frumkvæðið er hjá Guði
Síðasta kafla bókarinnar nefnir höfundurinn: Ortho-
doxy, a Growing Tradition — „Rétttrúnaðurinn, vaxandi
arfleifð,“ eða „erfikenning.“ Hann neitar því að kristinn
maður þurfi endilega að vera „bókstafstrúarmaður,“ „frjáls-
trúarmaður“ eða “neo-orpodoxi.” Til er enn önnur stefna,
óháð þessum þremur. Hún er ekki „ný-rétttrúnaður,“ heldur
rétttrúnaður nútímans. Hún fylgir sögulegum kristindómi
ekki af því að hann er sögulegur eða fornhelgur, heldur af
því að hann er sannur. En hún heldur því ekki fram, að
allur kristindómurinn hafi komið fullgjör úr höfðum eldri
guðfræðinga í eitt skipti fyrir öll. Fyrir því kynnir hún sér
nýrri kenningar til þess að öðlast betri skilning á þessari
gömlu trú. Prófar allt, og heldur því sem gott er, eins og
postulinn kemst að orði. Þó er þessi grein guðfræðinnar
engin samsteypa heldur. Ýmsir mætir guðfræðingar, sjálf-
stæðir í hugsun, fylla þennan flokk, þar á meðal William
Temple biskup, nú dáinn, og trúarverjandinn Alan Richard-
son. Svo og rithöfundar tveir úr leikmannahópi, nafnfrægir,
Dorothy Sayers og C. S. Lewis. — Höfundurinn, William
Horden, sver sig í þessa ætt. -—G. G.