Sameiningin - 01.03.1943, Blaðsíða 13

43
stórvaxinn á hann samt sinn þátt í að festa mynd landsins
í huga manns. Gróðurinn og dalirnir sjálfir, sem eru bratt-
ir með gróðurlitlum hlíðum, eru víða skornar með silfur-
tærum lækjum, sem falla stall af stalli unz þeir sameinast
ánum í botni dalanna. En það er eitthvað meira en sögu-
rúnirnar, dalirnir dökku og þröngu, lækirnir, sem falla
eins og silfurþræðir ofan hlíðar þeirra og hinn smágerði
gróður heimskauta landanna, sem heillar huga manns. Það
er eitthvert undra afl sem heimskautalöndin ein eiga yfir
að ráða, sem dregur mann á vald sitt með ómótstæðilegu
afli. Eg hefi oft verið að hugsa um, hvaða kraftur það sé
er heimskautalöndin eigi sérstaklega yfir að ráða og þannig
verkar, ekki aðeins á okkur, sem frá þeim héruðum og
löndum erum komin, heldur á alla, sem undir áhrif hans
komast og ekki hafa með öllu lokað hinni andlegu útsýn
sinni, eða týnt tilfinningum sínum í stríði og striti sléttu-
landanna.
Maður er að sjálfsögðu háður náttúrunni og náttúru-
öflunum hvar sem maður er staddur, en þau áhrif eru
mjög svo mismunandi og fara eftir umhverfi því, sem
menn alast upp í, og eiga við að búa. í tempraða beltinu,
eru það mannvirkin, akrarnir, verksmiðjurnar, járnbraut-
irnar, leikhúsin, eimskipin, nauta- og sauðfjárhjarðirnar.
eða með öðrum orðum, efnalega aðstaðan og áhuginn, sem
virðist nú sem stendur áhrifamest á því sviði.
í hitabeltinu er það jarðargróðurinn, mikli og hrika-
legi, með því sem honum fylgir, sem mest hefir áhrifin.
Á Baffin-eyjunni, eða í heimskautalöndunum eru á-
hrifin alt önnur og annars eðlis. Þar hverfur hið verklega
og áhrif þess, en mikilleiki hinnar ósnertu og óspiltu nátt-
úru og náttúruafla sveipa mann töframætti sínum. Lífs-
viðhorf manna getur ekki undir neinum kringumstæðum
verið það sama þar, eins og það er hér á sléttunum í
Manitoba. Hér er umhverfið alt sópað og prýtt. Hér reka
atburðirnir hver annan og atvinnuvegirnir haldast í hendur
við vetur sumar vor og haust. Lífið alt ein óslitin keðja,
litlítil, umbreytingalítil en endalaus. Þar er umhverfið
stórbrotið og mikilfenglegt. Loftið, sjórinn og landið á
alt sínar einkennilegu myndir og myndabreytingar. Sólar-
lag á norðurhveli jarðarinnar, er dásamlegra og auðugra en
á nokkrum öðrum stað veraldarinnar. Nóttlausu sumar-
dagar heimskautalandanna setja stimpil sinn á land, láð
og líf, og litbrigði lofts og láðs, eru einkenni og auður