Sameiningin - 01.10.1935, Blaðsíða 18

164
fyrir suðvestan Jerúsalem. Lalds var ein af hinum viggirtu
borgum landsins á dögum Júdakonunga. Sanherib Assýríu-
konungur sat þar með liði sínu, segja frásögur gamia testa-
mentisins, þegar engill dauðans fór um herbúðirnar og
deyddi 185 þúsundir á einni nótt, svo að konungur varð að
hverfa heim aftur við lítinn frama. Borgin var með þeim
allra síðustu, sem veittu Nebúkadnesar viðnám í fjörbrotum
Júdaríkis, rúmri öld eftir daga Sanheribs. Nútímakrítikin
er ekki mjög sterktrúuð á sannleiksgildi þessara fornu sagna;
telur hún flest af þeim vera bygt á gömlum munnmælum
og ekki fært í letur fyr en löngu eftir viðburðina—og þá
sennilega orðum aukið og afbakað. Þessar véfengingar hafa
ekki hlotið stuðning í fornleifarannsóknum Starkeys. Han-n
fann meðal annars í rústum Lakísborgar tólf leirtöflur úr
fornu “skjalasafni”, áreiðanlega frá dögum Júdakonunga.
Áletruninn á flögum þessum er hebresk, gjörð með einhvers-
konar hleki, mörg orðin stafsett eins og í frummálstexta
gamla testamentisins; og standa þar nöfn á ýmsum mönnum,
sem nefndir eru í konungabókunum. Alt þetta styður þá
skoðun, að söguritun Gyðinga sé bæði eldri og ábyggilegri,
heldur en biblíufræði vorra tíma hefir viljað kannast við.
—G. G.
Jóns Bjarnasonar skóli hóf 23. starfsár sitt með skrá-
setningu nemenda, mánudaginn 16. sept. Kensla hófst næsta
dag eftir stutta upphafssamkomu. Aðsókn í 9. og 10. bekk
er tæpast eins góð og maður hafði gjört sér vonir um, en
nemendafjöldi i efsta bekknum, hinum 12., mjög mikill. Þar
er svo áskipað að tæpast verður þar nokkru við bætt. Alls
eru innritaðir 72 nemendur. Myndarlegur hópur og margt
þeirra yndislegt, ungt fólk. Manni til mikillar gleði er þar
nú dálítill hópur að nema íslenzku.
Ruglingur dálítill hefir orðið á tölum blaðanna i “Sam-
einingunni” þetta ár. f “Minningarritinu” er ósamkvæmni
í upptalningu mánaðanna á kápunni og tölum blaðanna í rit-
inu sjálfu. Vér verðum að fylgja því sem stendur á kápunni,
og þó ekki að öllu leyti, því þar er nefndur júlí-mánuður, en
júlí-blað kom út síðar, en júlí-blaðið verður þá að reiknast
sem septemberblað. f samræmi við það er þetta blað, sem nú
er gefið út talið hið tíunda í þessum árangi, og verður talan
rétt það sem eftir er ársins. Þegar alt er tekið til greina fá
kaupendur eins mikið fyrir peninga sína eins og vanalega.