Fréttablaðið - 09.07.2011, Qupperneq 24

9. júlí 2011 LAUGARDAGUR24
L
augavegurinn verður lokaður
fyrir umferð bíla frá gatnamót-
um Vatnsstígs að gatnamótum
Skólavörðustígs út júlímánuð.
Þessi breyting virðist hafa lagst
ágætlega í vegfarendur, sem hafa fjölmennt
í bæinn síðustu daga. Verslunargatan hefur
breyst mikið í gegnum tíðina og óhætt er
að fullyrða að þær breytingar hafi flestar
verið til góðs. Pétur Ármannsson arkitekt
segir götuna vera áhugaverða enda geymi
hún fjölbreytta og kaflaskipta sögu íslenskr-
ar byggingalistar. „Upphaflega var þetta
aðeins stígur sem lá upp Bakarabrekku og
að Vegamótum en seint á nítjándu öld var
tekin ákvörðun um að leggja veg að þvotta-
laugunum í Laugardalnum til að auðvelda
vinnukonum gönguna þangað. Um aldamót-
in voru farin að rísa nokkur hús með götunni
sem svipaði til húsanna við Laugaveg 4 og
6. Smám saman þróaðist síðan gatan yfir í
það að verða verslunargata þar sem Íslend-
ingar ráku sjálfstæðan rekstur og í kjölfar-
ið fóru að rísa stærri og veglegri timburhús
við götuna.“
Eftir Reykjavíkurbrunann árið 1915 varð
óheimilt að byggja stór timburhús í mið-
bænum og í staðinn risu mörg þrílyft stein-
hús eins og Kirkjuhúsið. Sé gengið eftir
Laugaveginum má sjá hvernig byggingar-
listin hefur þróast í gegnum aldirnar og ættu
borgarbúar að njóta hennar og skoða.
Stígur sem varð
verslunargata
Laugavegi var lokað að hluta fyrir bílaumferð í byrjun mán-
aðar og verður göngugata út júlí. Sara McMahon grúskaði í
gömlum myndum og ræddi við Pétur Ármannsson arkitekt
um Laugaveginn.
LAUGAVEGURINN Í DAG Eftir að lokað var fyrir
bílaumferð hafa gangandi og hjólandi vegfarendur
meira pláss til að spóka sig. Veitingastaðir hafa
einnig verið fljótir að bregðast við og settir hafa
verið stólar og borð út á gangstéttina svo hægt sé
að njóta sólarinnar. FRÉTTABLAÐIÐ/HAG
IÐANDI LAUGAVEGUR Hér má sjá bílum lagt misvel við Laugaveginn og mikla umferð í átt að Bankastrætinu. Myndin er tekin á áttunda áratugnum.
LOFTMYND Loftmynd af Laugaveginum á áttunda
áratugnum. Þarna má glitta í hornhúsið við Lauga-
veg og Smiðjustíg sem nú hýsir Gullkúnst Helgu.
UMFERÐARLJÓS Ekki er langt síðan öll umferðarljós hurfu af Laugaveginum. Hér má sjá tvö slík og handrið
til að skilja að gangandi vegfarendur og umferð við verslunina Vísi.
LÍF Á LÆKJARTORGI Lækjartorgi hefur einnig verið lokað fyrir umferð. Þessi mynd er frá níunda áratugnum
og má sjá borgarbúa njóta sólarinnar á torginu.
HJÓLAUMFERÐ Efri hluti Laugavegarins er nú með
hjólreiðastíga fyrir hjólreiðamenn en áður lét fólk
götuna duga eins og þessi herramaður.
MYNDIR/LJÓSMYNDASAFN REYKJAVÍKUR