Fréttablaðið - 15.08.2011, Blaðsíða 14

15. ágúst 2011 MÁNUDAGUR
Tilkynningar um merkis atburði, stórafmæli og
útfarir má senda á netfangið timamot@frettabladid.is.
Auglýsingar á að senda á auglysingar@frettabladid.is eða
hringja í síma 512 5000.
timamot@frettabladid.is
STIEG LARSSON (1954-2004) rithöfundur fæddist
þennan dag.
„Vinátta er líklega algengasta form ástar.“
Merkisatburðir
1914 Panamaskurðurinn er opnaður fyrir skipaumferð.
1936 Tíu atvinnulausir stúdentar byrja að grafa fyrir grunni
væntanlegs Háskóla Íslands við Suðurgötu í Reykjavík.
Skólahúsið er svo formlega tekið í notkun 17. júní 1940.
1945 Síðari heimsstyrjöldinni lýkur með því að Japanar gefast
upp.
1945 Kórea fær sjálfstæði frá Japan.
1969 Woodstock-tónlistarhátíðin hefst í New York-fylki í Banda-
ríkjunum.
1971 Minnisvarði um Stefán Ólafsson skáld er afhjúpað-
ur. Hann stendur í Vallanesi í Suður-Múlasýslu, þar sem
Stefán þjónaði sem prestur.
AFMÆLI
STEINAR
BRAGI
rithöfundur
er 36 ára.
BEN
AFFLECK
leikari er 39
ára.
DEBRA
MESSING
leikkona er
43 ára.
VIGDÍS
GRÍMS-
DÓTTIR
rithöfundur
er 58 ára.
Þennan dag árið 1933 kom flug-
kappinn Charles Lindbergh til
Íslands. Hann kom til Íslands frá
Grænlandi ásamt konu sinni. Hann
lenti á Viðeyjarsundi og gisti ásamt
konu sinni í vélinni yfir nótt. Þau
hjónin flugu síðan áfram norður og
austur um land og fóru frá Eskifirði
til Færeyja 23. ágúst.
Tilgangur Lindberghs var að kanna
flugleiðina yfir Atlantshaf fyrir Pan-
American-flugfélagið sem hafði hug
á að hefja flugrekstur á þessari leið.
Charles varð heimsfrægur yfir nótt
árið 1927 þegar hann flaug við-
stöðulaust og einn yfir Atlantshafið,
frá New York til Parísar. Síðar komst
Lindbergh einnig í fréttirnar þegar
ungum syni þeirra hjóna var rænt og
hann myrtur.
Heimild: Wikipedia og Ísland í
aldanna rás.
ÞETTA GERÐIST: 15. ÁGÚST 1933
Lindbergh kemur til Íslands
Matthías Bjarnason fæddist á Ísa-
firði 15. ágúst 1921. Hann lauk versl-
unarprófi frá VÍ árið 1939 og gegndi
ýmsum störfum og rak verslun í fæð-
ingarbæ sínum. Hann var fyrst kjör-
inn á Alþingi fyrir Sjálfstæðisflokk-
inn árið 1963 og sat samfellt sem
þingmaður flokksins til 1995. Hann
var ráðherra í ríkisstjórn Geirs Hall-
grímssonar 1974 til 1978 og Steingríms
Hermannssonar 1983 til 1987.
Spurður að því hvernig hann hafi
það segir hann: „Mér líður ágætlega,
ég hef nóg að bíta og brenna.“ Hann
segist ekki hugsa allt of mikið um póli-
tík. En um það hvort honum þyki ekki
gott að vera laus við ábyrgðina segir
hann eftir smá umhugsun: „Jú, jú,
ég tel að ég hafi unnið mjög vel fyrir
kaupinu mínu. Enga eftirvinnu haft
eða næturvinnu.“
En hverju er hann nú stoltastur yfir
að hafa áorkað um ævina? „Ég var
auðvitað afskaplega ánægður þegar
ég stofnaði togarafélag á Ísafirði, við
keyptum togarann Ísborg og síðar Sól-
borg. Við stofnuðum hlutafélag sem
rak þessi skip og þetta var langstærsti
atvinnurekandinn í kaupstaðnum í
nokkur ár. En svo hallaði undan fæti í
togaraútgerð almennt,“ segir Matthías
og minnist þess að þá hafi verið móðins
að togarar væru í eigu bæjarfélaganna.
„Við sjálfstæðismenn á Ísafirði
misstum meira að segja meirihlutann
fyrir það að vilja ekki stofna bæjarút-
gerð. Við vorum í samstarfi við vini
okkar kommana, og kratarnir auð-
vitað börðust algjörlega á móti þessu,“
segir Matthías sem byggði ásamt þrótt-
miklum mönnum á góðum aldri stærð-
ar frystihús sem enn stendur, þótt það
hafi farið á hausinn á sínum tíma.
„Ég var nú svo ólánsamur að lenda
í því að verða sjávarútvegsráðherra
þegar verst stóð á. Þá var afli útlend-
inga, Breta og Þjóðverja aðallega, um
helmingur af bolfiskafla landsmanna,
svo á þeim tíma færðum við út í 200
mílur. Það fannst mörgum óþarfi að
gera,“ segir Matthías um afrek sín í
stjórnmálum.
Matthías hefur alltaf verið á móti
kvótakerfinu og ætlar sér ekki að
skipta um skoðun. „Að sumu leyti get
ég tekið undir þetta kerfi sem núver-
andi sjávarútvegsráðherra setti á,
þetta strandkerfi. En hann er eigin-
lega búinn að eyðileggja það sem var
gott við það,“ segir Matthías.
Rifjað er upp að Matthías hafi verið
kallaður járnkarlinn í ráðherratíð
sinni. Hann hlær góðlátlega. „Maður
fékk mörg heiðursnöfn og öfugt. Þetta
voru afskaplega slítandi ár og óskap-
lega harðir dómar sem voru kveðnir
upp yfir manni. Einu sinni sat ég heima
hjá mér í Garðabæ, var einn í húsinu
og þá hringir maður sem segir mig
vera landráðamann og að hann væri
að koma að skjóta mig. Ég sagði við
þennan mann: „Já, komdu þá bara. Ég
er með fína skammbyssu hérna á borð-
inu hjá mér. Ég skal ekki vera lengi að
kála þér!“ Ég var ekki með neina byssu
og hef aldrei skotið úr byssu á ævinni!
Ég var ekkert smeykur og hann kom
aldrei,“ segir Matthías en hann hafði
frá svo mörgu áhugaverðu að segja að
það hefði getað fyllt heilt blað.
nielsg@365.is
MATTHÍAS BJARNASON, FV. ALÞINGISMAÐUR OG RÁÐHERRA: NÍRÆÐUR Í DAG
Vann vel fyrir kaupinu sínu
ÁHUGAMAÐUR UM FUGLA Matthías Bjarnason er með veglegt safn uppstoppaðra fugla á skrifstofu sinni. Hann hefur þó aldrei skotið fugl.
FRÉTTABLAÐIÐ/GVA
Elskulegur eiginmaður minn, faðir,
tengdafaðir og afi,
Svanur Kristjánsson
Hafnarbergi 16, Þorlákshöfn,
lést á Landspítalanum við Hringbraut miðvikudaginn
10. ágúst. Útförin fer fram frá Þorlákskirkju
miðvikudaginn 17. ágúst kl. 14.00.
Edda Laufey Pálsdóttir
Laufey Elfa Svansdóttir Tor Ulset
Páll Kristján Svansson Kristín Berglind
Kristjánsdóttir
Guðrún Ingibjörg Svansdóttir Bjarni Jónsson
og barnabörn.
MOSAIK
Ástkær móðir okkar, tengdamóðir,
amma og langamma,
Pálína Sveinbjörg
Andrésdóttir
Hrafnistu, Reykjavík,
lést þann 4. ágúst. Útför hennar fer fram frá
Fossvogskirkju þriðjudaginn 16. ágúst kl. 13.00.
Davíð Garðarsson Gerd Gardarsson
Hjörtur Pálsson Ragnhildur G. Hermannsdóttir
Ólöf Ingibjörg, Jón Garðar, Guðlaugur Magni, Davíð Jóhann,
Páll, Andrés Brynjar, Unnur Ósk, Birgir Páll,
Hermann Jakob, langömmubörn og aðrir aðstandendur.
Elskulegur eiginmaður minn,
faðir okkar, tengdafaðir og afi,
Magnús Karl Pétursson
læknir,
Einilundi 1, Garðabæ,
sem lést á líknardeild Landspítalans í Kópavogi að
morgni 9. ágúst verður jarðsunginn frá Dómkirkjunni í
Reykjavík þriðjudaginn 16. ágúst klukkan 15.00.
Þeim sem vildu minnast hans er bent á Hjartavernd.
Ingibjörg Pétursdóttir
Ólafur Tryggvi Magnússon Björg Vilhjálmsdóttir
Magnús Karl Magnússon Ellý Katrín Guðmundsdóttir
Atli Freyr Magnússon Steinunn Gestsdóttir
Ásdís Magnúsdóttir
barnabörn og barnabarnabörn.
Elskulegur faðir okkar, tengdafaðir
og afi,
Grétar Jónsson
Höfða, Akranesi,
andaðist 9. ágúst. Útförin fer fram frá Akraneskirkju
fimmtudaginn 18. ágúst kl. 14.00. Þeim sem vilja
minnast hans er bent á Dvalarheimilið Höfða.
Hrefna Grétarsdóttir Árni Sigurðsson
Þórarinn Grétarsson Guðbjörg Vera Kristinsdóttir
og afabörn.