Íslendingur - 08.08.1958, Blaðsíða 2

2
ÍSLENDINGUR
Föstudagur 8. ágúst 1958

Tvo hörmnlegr slys
fþróttir
Eyjólfur reynir við
Ermarsund.
Sundkappinn Eyjólfur Jónsson,
sem í vetur leysti þær þrautir að
synda milli Reykjavíkur og Hafn-
arfjarðar og síðar frá Reykjavík
upp á Akranes, er nú farinn til
Bretlands til að æfa sig undir að
synda yfir Ermarsund seint í þess-
um mánuði. Þessi sundraun er
mjög kostnaðarsöm fyrir þátttak-
endur, en fjársöfnun hefir farið
fram fyrir Eyjólf, og mun þegar
hafa safnazt nægilegt fé til þess,
að hann geti reynt sig á Ermar-
sundi. Pétur sundkappi Eiríksson
gekk sérstaklega vel fram í söfn-
uninni, og Flugfélag íslands hauð
honum ókeypis ferð á ákvörðun-
arstað.
Takist Eyjólfi að sigra Ermar-
sundið, verður það vafalaust
stærsti íþróttaviðburður ársins
meðal íslendinga.
Magnús Guðmundsson
varð Golfmeisfari íslands
1958.
Golfmeistaramót íslands var
háð hér á Akureyri nýlega. Voru
þátttakendur um 40 í öllum flokk-
um, frá Akureyri, Reykjavík og
V estmannaeyj um.
Sigurvegari í meistarakeppn-
inni varð Magnús Guðmundsson
Akureyri með 311 högg og þar
með Golfmeistari íslands 1958.
Annar varð Hermann Ingimars-
son með 318 högg eftir einvígi við
Hafliða Guðmundsson, er hafði
jafnmörg högg. Hafliði varð því
þriðji maður. Allir eru þessir
menn úr Golfklúbb Akureyrar.
í I. flokki sigraði Sveinn Ár-
sælsson frá Vestmannaeyjum,
fyrrverandi golfmeistari íslands,
í öldungakeppni Hafliði Guð-
mundsson Akureyri og í 2. flokki
Halldór Magnússon Reykjavík.
Á undan mótinu var haldið hér
Golfþing íslendinga. Formaður
Golfsambandsins var kjörinn Ól-
afur Gíslason Reykjavík, en með-
stjórnendur Björn Pétursson
Reykjavík og Jóhann Þorkelsson
Akureyri.
ísfirðingar sigruðu
í II. deildar keppninni.
Um fyrri helgi lauk hér Knatt-
spyrnumóti íslands í íl. deild.
Leikirnir urðu færri en boðaðir
höfðu verið, þar sem Siglfirðing-
ar skárust úr leik á síðustu stundu,
og ruglaði það alla niðurröðun
leikjanna.
ísfirðingar unnu mótið og
keppa því við sigurvegarana á
suðursvæðinu um réttinn til að
færast upp í I. deild. Unnu þeir
alla sína leiki og hlutu 6 stig. ÍBA
hlaut 4 stig, Þingeyingar 2 og
Skagfirðingar 0. Úrslit einstakra
leika urðu þessi: ísafjörður—Ak-
ureyri 3:2; ísafjörður—Þingey-
ingar 5:0; ísafjörður—Skaga-
fjörður 2:0; Akureyri—Skaga-
fjörður 10:1; Akureyri—Þing-
eyingar 7:0; Þingeyingar—
Skagafjörður 8:2.
ísfirðingar gerðu alls 10 mörk
gegn 2, ÍBA 19 mörk gegn 4,
Þingeyingar 8 mörk gegn 14,
Skagfirðingar 3 mörk gegn 20.
Da Silva sýnir þrístökk.
Þann 15. júlí síðastliðinn kom
hingað Olympíumeistarinn í þrí-
stökki, Da Silva, og sýndi hér
nokkur stökk á íþróttavellinum,
er voru um 15 metra. Þótti hinum
suðræna meistara kalt í veðri, og
árangur því ekki eins góður. Vil-
hjálmur hafði ætlað að koma með
lionum, en varð að hætta við. í
sambandi við þessa sýningu var
keppt í 1000 m. hlaupi. Það vann
Jón Gíslason UMSE á 2:39.1 mín.
en Ingimar Jónsson KA varð ann-
ar á 2:39.8. Guðmundur Þor-
steinsson KA hljóp á sama tíma.
Þá fór fram handknattleikur milli
KA og Dana búsettra hér í bæ og
nágrenni. Vann KA með 24:22.
Loks var 4x100 m. boðhlaup. Þar
sigraði KA blandaða sveit á 47.2
sek.
Sjúkraflugvélin
komin
Hin Iangþráða sjúkraflugvél,
sem Rauða-Krossdeildin og Slysa-
varnadeild kvenna á Akureyri
hafa að undanförnu safnað fé til,
er nú fyrir nokkru komin til bæj-
arins, en Tryggvi Helgason flug-
maður sótti hana í vor vestur til
Kansas og flaug henni til New-
York. Þaðan var hún flutt til
Reykjavíkur með Tröllafossi.
Vél þessi er af gerðinni Cessna
180, en það er sama tegund og
sjúkraflugvélar Björns Pálssonar.
Meðalhraði hennar er 240 km.
Hún tekur 3 menn í sæti auk flug-
manns, en tveim sætunuin má
breyta í sjúkrarúm.
Meðeigendur í flugvélinni eru
bræðurnir Tryggvi og Jóhann
Helgasynir, og annast þeir rekst-
ur hennar. Hafa þeir í hyggju að
taka upp áætlunarflug til af-
skekktari staða norðanlands, sem
ekki búa við flugsamgöngur og
einnig fara í leiguflug eftir sér-
stökum pöntunum. Sjúkraflugið
situr þó fyrir öllu öðru flugi. Jó-
hann Tryggvason verður með vél-
ina fyrst um sinn, og hefir hann
þegar sótt sjúklinga til nokkurra
staða hér norðanlands.
Fyrir utan það öryggi, sem
staðsetning sjúkraflugvélar á Ak-
ureyri hefir fyrir Norðurland, og
oft hefir áður verið skýrt, er langt-
um minni kostnaður fyrir sjúkling
í byggðum og bæjum hér nyrðra
að fá flugvél frá Akureyri til
flutnings í nálæg sjúkrahús en að
SJÖTUGUR:
Pétur Ottesen
alþingismaður
Pétur Ottesen alþingismaður á
Ytra-Hólmi á Akranesi varð sjö-
tugur 2. þ. m. Hann hefir átt sæti
á Alþingi síðan 1916 og á því
lengri þingsögu að baki en nokk-
ur annar þingmaður. Síðan Sjálf-
stæðisflokkurinn var stofnaður
hefir Pétur ætíð verið í kjöri á
hans vegum.
Pétur Ottesen er óvenju vel
gerður, mikilvirkur, fastlyndur og
fylgir hverju máli heils hugar, er
hann telur nokkurs vert. Sjálf-
stæðismaður er hann í orðsins
dýpsta skilningi, þar sem vart get-
ur að finna jafn skeleggan bar-
áttumann á Alþingi fyrir réttind-
um íslendinga, hvort heldur um
er að ræða landhelgismál, hand-
ritamál eða rétt okkar til Græn-
lands. Pétur nýtur óskoraðs
trausts samþingsmanna sinna,
hvar í flokki sem þeir standa, og
það trúnaðarstarf er vart til í hér-
aði, sem Pétri hefir ekki verið
falið, en auk þess hefir hann lang-
tímum setið í stjórn þeirra sam-
taka, er byggð hafa verið til
verndar aðalatvinnuvegum þjóð-
arinnar.
Dæmdur í 3^2 árs
fangelsi
Séra Ingimar Jónsson fyrrver-
andi skólastjóri Gagnfræðaskóla
Austurbæjar í Reykjavík hefir ný-
lega verið dæmdur í Sakadómi
Reykjavíkur í 3% árs fangelsi fyr-
ir fjárdrátt og misferli í starfi sem
skólastjóri. Var hann fyrir dómn-
um fundinn sekur um að hafa
dregið sér nálega 840 þús. krónur
úr ýmsum sjóðum skólans á árun-
um 1941—54, keypt bifreið, er
hann hirti tekjur af en fært rekst-
urskostnað á reikning skólans og
að hafa lánað í heimildarleysi ná-
lega 240 þús. kr. af fé skólans. Þá
er hann talinn sekur um stórfellda,
vanrækslu og hirðuleysi í skóla-
stjórastarfi.
Mál þetta fer fyrir Hæstarétt.
þurfa að sækja hana frá Reykja-
vík.
Eigendur flugvélarinnar vinna
nú að því að útvega vélinni skíða-
útbúnað, svo að hún geti komið
að fullum notum til sjúkraflutn-
inga á öllum tímum árs.
Það hörmulega slys varð hér
sunnudaginn 13. júlí síðastliðinn,
að bifreiðin A 1097, eign Jóhann-
esar Jónssonar skipstjóra á Dal-
vík, ók fram af hafnarbakkanum
milli ytri og innri Torfunefs-
bryggju. Bifreiðinni ók kona Jó-
hannesar, Hrönn Kristjánsdóttir,
en með henni í bifreiðinni voru
tvö börn hennar af fyrra hjóna-
bandi, Kristján Már 11 ára og
Baldvina 9 ára, Birna systir
Hrannar, gift Helga Jakobssyni
skipstjóra, og börn þeirra hjóna,
Hrönn, tæpra 3 ára og Jakob Æv-
ar, tæpra 2ja ára.
Sjónarvottar að slysinu hlupu
þegar á vettvang og kallað var á
lögreglu og lækni. Þeim fyrstu, er
að komu tókst að bjarga konunum
og Baldvinu litlu, er flotið höfðu
út úr bifreiðinni og skotið upp.
Þá bar lögregluna að, og stakk
Valgarður Frímann lögregluþjónn
sér þegar niður að bifreiðinni og
tókst að ná upp tveim börnunum
meðvitundarlausum. Voru þau
þegar flutt í sjúkrahús, en eigi
tókst að lífga þau. Valgarður fer
nú enn í kaf og kemur böndum á
bifreiðina, og er hún dregin upp.
Var hún mannlaus. Þá var kafari
fenginn til að leita barnsins, er
vantaði, og fannst það brátt.
Hafði lík þess borizt nokkuð frá
bifreiðinni. Vatn var mjög grugg-
ugt við bakkann og erfitt um leit.
Við er brugðið snarræði og þreki
Valgarðar Frímann við þessa
björgun, er kafaði hvað eftir ann-
að eftir börnunum sem vantaði,
og var svo lengi í kafi, að furðu
sætti.
Bifreiðin mun hafa verið á
hægri ferð, er slysið varð, og eng-
in bifreiðaumferð um bakkann.
Þrem dögum áður vildi það
sviplega slys til að Grund í Eyja-
firði, að tveir drengir misstu
flesta fingur af báðum höndum.
Vildi slysið til með þeim hætti, að
verið var að draga hey í hlöðu.
Sá, er ók heyinu vissi ekki af nein-
um í hlöðunni. Heyækið var síð-
an dregið inn á vírum, er leika í
blökk innst í hlöðunni og dráttar-
vélin til þess notuð. En sem sátan
dregst inn í hlöðuna, hanga tveir
drengir í vírunum inni og skiptir
það engum togum, að svo herðist
að vírunum, að fingurnir klemm-
ast.
Drengirnir voru Bjarni Aðal-
steinsson, fóstursonur hjónanna
Aðalsteinu Magnúsdóttur og Gísla
Björnssonar bónda á Grund, 5
ára, og Gunnar Hjartarson úr
Reykjavík 12 ára. Missti Bjarni 4
fingur af hvorri hendi en Gunnar
4 af annarri en 3 af hinni. Þumal-
fingur sluppu óskaddaðir.
S K RÁ
um vinninga í Happdrætti Há-
skóla íslands í 7. flokki, er upp
komu í Akureyrarumboði:
Nr. 31116 kr. 100000, nr. 9000
kr. 10000. Aukavinningar: Nr.
31115 kr. 5000 og nr. 31117 kr.
5000.
Þessi númer hlutu 1000 kr.
vinning hvert: 1546, 1625, 2931,
3833, 4328, 4977, 4984, 5206,
5935, 7129, 7146, 7148, 7255,
7265, 8030, 8279, 8293, 8505,
8828, 9184, 11702, 11708,
12198, 12688,
12698, 13230, 13233, 13274,
13633, 13646, 13956, 14045,
15551, 15569, 16930, 16935,
17937, 18038, 18997, 19004,
19576, 22087, 22091, 22094,
22149, 22229, 23007, 23560,
23596, 25934, 25946, 27211,
30501, 30511, 30537, 33162,
35058,
35576, 36478, 37015, 37035,
40589, 42008, 43087, 43305,
43320, 43324, 43930, 44593,
44606, 44.856.

Gjalddagi blaðsins var
15. júní.
vmmmmmmmmimwjjmmmmmmwwjmMmmwí'
MóðurmÁlid
Eftir E. LEMCKE.
Þú móðurtungan aldna, sem hefir þýðan hljóm,
af hjarta skal þig lofa með söngva skœrum óm.
Og brúður engri œðri oss birtist heims hjá þjóð,
svo broshýr, hrein og f ógur og yndisleg og góð.
Við bœnagjörð, sem heróp í branda sigurför
þú blítt með þínum lireimi oss leggur orð á vör.
Þú gefur oss þau lyfin, er grœða hjartasár,
og gleðibrosin vekur, svo þorna harmatár.
Að skapanorna vilja vér skundum œvibraut
og skjótt í gleymsku föllum, sem dropar hafs í skaut.
Þú niðar oss í eyrum sem brims og báruhljóð,
svo blíð og hrein og fögur, svo yndisleg og góð.
liragi Jónsson frá Hoftúnum þýddi lausl.