Faxi - 01.05.1960, Blaðsíða 5

F A X I
69
Samsöngur í Keflavík
Laugardaginn 30. apríl síðastliSinn hélt
Karlakór Keflavíkur tvenna tónleika í
Bíóhöllinni í Keflavík. Voru þetta fyrstu
tónleikar kórsins á árinu og haldnir fyrir
styrktarfélaga, en húsið var fullsetið á
báðum hljómleikunum og kór og söng-
stjóra ákaft fagnað.
Karlakórinn hefur æft af miklu kappi
á síðastliðnum vetri undir ötulli stjórn
söngstjóra síns, Herberts Hriberscheck,
sem er Austurríkismaður, er starfar að
hljómlistarmálum í Reykjavík og hér í
Keflavík. Einsöngvarar með kórnum voru
þeir Guðjón Hjörleifsson, Böðvar Pálsson
og Sverrir Olsen, undirleikari Gísli Magn-
ússon, píanóleikari.
Söngskráin var þannig:
Island eftir Sigurð Þórðarson, Smala-
drengurinn og smalastúlkan eftir Skúla
Halldórsson, Bára blá, í útsetningu Sigfús-
ar Einarssonar; einsöngvari Guðjón Hjör-
leifsson. Ingaló eftir Karl O. Runólfsson,
Útþrá eftir Bjarna J. Gíslason, einsöngvari
Guðjón Hjörleifsson. Töfradalur eftir
Hallgrím Helgason, A Sprengisandi eftir
Sigvalda S. Kaldalóns; einsöngvari Böðvar
Pálsson. Brennið þið vitar eftir Pál Isólfs-
son, Sanctus eftir Fr. Schubert, O Isis, O
Iris (aría úr Töfraflautunni eftir Mozart);
einsögnvari Böðvar Pálsson. Pílagrímssöng-
ur (úr Tannháuser) eftir Richard Wagner,
tvö þýzk þjóðlög (Drei Lilien og Absied),
útsett af Ed. Kremser, Ljúfur ómur eftir
Bortniansky, rússneskt þjóðlag (Stjenka
Rasin); einsöngvari Sverrir Olsen, Dóná
svo blá eftir Johann Strauss.
Eins og söngskráin ber með sér, voru
viðfangsefni kórsins að þessu sinni hin
prýðilegustu. Þar skiptust á innlend og
erlend lög, sem unun var á að hlýða, en
þar var einnig frumflutt gullfallegt lag
eftir einn kórfélaganna, Bjarna J. Gísla-
son lögreglumann. Lag þetta nefnist „Ut-
þrá“ og er samið við kvæði eftir Kristin
Pétursson bóksala. Eru höfundarnir báðir
góðkunnir Keflvíkingar.
Um karlakórinn má hiklaust segja, að
aldrei hafi honum tekizt betur. Söngurinn
var þróttmikill og glæsilegur og lýsti auknu
öryggi, enda mun hann hafa æft stöðug-
ar og meira í vetur en nokkru sinni áður.
Hinar tvímælalausu framfarir kórsins má
fyrst og fremst þakka dugmiklum og
mikilhæfum söngstjóra hans, en vitanlega
eiga kórfélagarnir sjálfir þakkir fyrir
fórnfúst og tímafrekt starf til eflingar söng-
mennta hér í Keflavík.
Einsöngvarar kórsins skiluðu hlutverk-
um sínum einnig með hinni mestu prýði,
og sama máli gegndi um undirleikarann.
Spurning er, hvort kórfélagarnir gera
sér fyllilega ljóst, hvílíku menningarhlut-
verki þeir gegna hér í þessu bæjarfélagi.
Eg hygg það sé fyrst og fremst söngþráin,
sú gleðinnar gullvængjaða dís, sem stjórn-
að hefur för þeirra á söngæfingar á síð-
kvöldum. En hvernig sem þetta nú er, þá
er eitt víst, að á þessum fyrstu hljómleik-
um kórsins leyndi það sér ekki, að Kefl-
víkingar kunna að meta það, sem vel er
gert, og sú fagnaðaralda, sem streymdi á
móti söngmönnunum, þegar þeir gengu
í hinn stóra, þéttsetna sal, fól vissulega í
sér nokkur laun fyrir vetrarlangt stritið,
og var söng þeirra félaga forkunnarvel tek-
ið, enda urðu þeir að syngja mörg auka-
lög, þar á meðal tvo óperukóra eftir Verdi.
Síðan þetta var hefur kórinn sungið í
Hafnarfirði við ágætar undirtektir, það
var föstudaginn 6. maí. Laugardaginn 7.
maí söng kórinn enn í Keflavík við góða
aðsókn, en þriðjudaginn 10. maí héldu
þeir félagar til Reykjavíkur, þar se'jj söng-
ur þeirra var tekinn upp á segulband til
væntanlegs flutnings í ríkisútvarpið við
fyrstu hentugleika.
Lengra nær ekki dagskipunin, þegar
þessar línur eru ritaðar, en sjálfsagt halda
þeir kórfélagar áfram að svngja sjálfum
sér til lofs og heimbyggð sinni, Keflavík,
til dýrðar.
Vormót í knattspyrnu.
Vormót Suðurnesja í knattspyrnu fór fram
sunnudaginn 24. apríl s. 1. Aðeiné tvö félög
tóku þátt í mótinu, þ. e. Ungmennafél. Kefla-
víkur og Knattspyrnufélag Keflavíkur. Urslit
urðu þau, að UMFK sigraði með 7 mörkum
gegn 3. í hálfleik var staðan 7:0 fyrir UMFK.
Þetta var 4. Vormót Suðurnesja í knatt-
spyrnu og fyrsta sinn, sem UMFK vinnur það.
KFK hefur unnið það þrisvar og vann í fyrra
til eignar bikar, sem Vörubílastöð Keflavíkur
gaf árið 1957. Nú var í fyrsta skipti keppt um
bikar, gefinn af Sölvabúð.
Nemendur til sjós
Á síðasta Fiskiþingi kom fram ályktun
þess efnis, að æskilegt væri, að nemendum
í gagnfræðaskólum gæfist kostur á að
kynnast sjónum og störfum sjómanna á
fiskveiðibátunum. Ennfremur var talið
nauðsynlegt, að piltum í þessum skólum
yrði kennd beitning fiskilóða, meðferð
þeirra og uppsetning. I þessu sambandi
var það almenn skoðun á þinginu, að út-
gerðin legði skólunum til húsnæði og ann-
að það, sem með þyrfti við þessa kennslu
og veitti aðra þá fyrirgreiðslu, sem þurfa
þætti nauðsynleg.
Margeir Jónsson, formaður Fiskifélags-
deildar Keflavíkur og fulltrúi deildarinnar
á þinginu, ræddi mál þetta við meðstjórn-
armenn sína, og kom þeim saman um, að
leita eftir samstarfi við skólastjóra gagn-
fræðaskólans í Keflavík, Rögnvald Sæ-
mundsson og Skafta Friðfinnsson, form.
fræðsluráðs Keflavíkur. Niðurstaðan af
þessum viðræðum varð sú, að um 80 piltar
úr gagnfræðaskólanum fóru í einn róður
með bátunum þann 25. apríl og voru 2
og allt upp í 5 drengir með hverjum bát.
Má segja, að áhugi hinna ungu manna
hafi verið mjög mikill, enda var veður-
útlit gott þennan dag. Því miður fór samt
svo, að veðurspáin brást vonum manna
og gerði allhvassa norðaustanátt, svo að
margir drengjanna nutu sín ekki til fulls.
Þó munu þeir allir hafa haft bæði gagn
og gaman af sjóferðinni.
Hér má segja að merk nýjung hafi
skotið upp kollinum og eiga forustumenn
sjávarútvegsins og skólamálanna hér
þakkir skildar fyrir þessa sérstæðu og
raunhæfu tegund starfsfræðsludags hér í
Keflavík, sem vonandi verður endurtekin
og endurbætt með hliðsjón af fenginni
reynslu. T. d. væri athugað, hvort ekki
væri rétt, að drengirnir færu í tvo róðra
samliggjandi, ef skipshafnir bátanna sæju
sér það fært.
Við þetta má bæta, að nú þegar hefur
verið ákveðið, að strax á næsta hausti verði
hafin skipuleg kennsla við gagnfræðaskóla
Keflavíkur á meðferð fiskilóða, enda varla
vanzalaust í fiskibæ eins og Keflavík, að
ungir menn fái ekki tækifæri til þess að
kynnast þessum störfum í höfuðatvinnu-
vegi þjóðarinnar.