Faxi - 01.05.1960, Blaðsíða 6
70
F A X I
Lúðrasveit
Kef savíkur
Talið frá vinstri,
fremri röð: Hreinn
Óskarsson, Guð-
finnur Sigurvins-
son, Hermann
Hjartarson, Guð-
jón Kristófersson,
Þórir Baldursson,
Rúnar Lúðvíksson,
Bjarni Einarsson,
Birgir Sveinsson og
Guðlaugur Kristó-
fersson. — Aftari
röð frá vinstri: Páll
R. Ólafsson (sést
aðeins á hann),
Einar Erlendsson,
Sigurbergur Guðmundsson, Ólafur R. Guðmundsson, Ragnar Eðvaldsson, Guðmundur G.
Jónsson, Guðmundur Þ. Guðjónsson, Ingiþór Geirsson, Aagnar Sigurvinsson, Bjarni Gísla-
son og stjórnandinn, Guðmundur Nordahl.
Lúðrasveit Keflavíkur var stofnuð 15.
janúar 1956. Stofnfélagar voru 20. Til-
gangur félagsins var að viðhalda og efla
hljóðfæraleik í Keflavík, með því t. d. að
halda opinbera hljómlika, aðstoða við úti-
hátíðahöld, bæði á vegum bæjarins, íþrótta-
félaganna og annarra þeirra aðila, sem
standa fyrir útihátíðahöldum. Lúðrasveitir
eru nú starfandi í flestum bæjum landsins
og þykir hvarvetna að þeim hinn mesti
menningarauki, enda naumast hægt að
halda fjölmennar útisamkomur eða fara
í hópgöngur án þess að lúðrasveit sé til
staðar.
Alls þessa voru stofnfélagarnir vitandi,
enda ríkti á meðal þeirra mikill áhugi
fyrir félagsstofnuninni og verkefnunum,
sem biðu úrlausnar.
Stjórn lúðrasveitarinnar er nú að mestu
skipuð sömu mönnum og hún var í upp-
hafi, þó hafa orðið skipti á formönnum.
Fyrsti formaður sveitarinnar var Guðm.
Þ. Guðjónsson, ósérhlífinn og áhugasam-
ur um framgang þessa málefnis, en nú er
Ólafur R. Guðmundsson formaður. Aðrir
í stjórninni eru: Guðfinnuur Sigurvinsson
gjaldkeri, Baldur Sigurbergsson ritari og
varaformaður Guðlaugur Kristófersson.
Þjálfari og stjórnandi lúðrasveitarinnar
hefur verið frá upphafi Guðmundur Nor-
dahl.
Nú á dögunum hitti ég að máli formann
sveitarinnar, Ólaf, og spurðist fyrir um
starfsemina og hvað nú sé framundan.
Ólafur lýsti vetrarstarfinu, sem eingöngu
er fólgið í stöðugum æfingum 9 mánuði
ársins, eða frá því í endaðan september og
fram til júníloka. En nú tekur við mesti
annatíminn, þar sem óðum líður að því,
að lúðrasveitin fari að leika opinberlega
fyrir bæjarbúa.
— Og hvenær verður það?
— Fyrsti opinberi leikurinn okkar er
nú reyndar liðinn hjá, það var á sumar-
daginn fyrsta, er við lékum fyrir skrúð-
göngu skátanna. A hvítasunnudag mun-
um við fara til Hafnarfjarðar í boði
Lúðrasveitar Hafnarfjarðar. Þar leikum
við sjálfstætt nokkur lög og einnig í sam-
leik við Hafnfirðingana. Eftir það verður
Sjómannadagurinn í Keflavík næsta við-
fangsefnið, þá 17. júní, og ef að vanda
lætur, munum við hafa nóg að gera þann
dag.
— En er þá ekki sumarstarfið upptalið?
— Nei, svo er nú ekki. Þriðja hvert ár
er haldið lúðrasveitamót. Síðast var það
haldið á Akureyri, en nú í sumar er fyrir-
hugað að halda það sunnudaginn næstan
eftir 17. júní í Vestmannaeyjum, ef for-
föll ekki hamla.
— Er lúðrasveitin vel búin að hljóðfær-
um?
— Já og nei, þó við höfum eignazt tals-
vert mörg og góð hljóðfæri á þessum 4
árum, sem liðin eru frá stofnun sveitar-
innar, þá vantar okkur samt enn tilfinn-
anlega fleiri, enda höfum við pantað hljóð-
færi, sem eru væntanleg í haust. En í sam-
bandi við þetta, vil ég geta þess, að fjár-
hagurinn er því miður langt frá því að
vera góður. Við hefðum áreiðanlega lent
í kröggum við að innleysa þessa hljóðfæra-
pöntun okkar, þótt ekki hefði komið til
hin nýja gengisbreyting.
— Hvað ætlið þið þá að taka til bragðs?
— Við höfum sett á stofn happdrætti.
— Hvernig er því hagað?
— Það verður dregið um 4 verðmæta
vinninga og fer dráttur fram 17. júní í
sumar.
— Er byrjað að selja þessa happdrættis-
miða?
— Já, sala á þeim var hafin fyrir viku
síðan og við væntum þess, að bæjarbúar
kaupi þessa miða og styðji okkur þannig
í þessu brýna og aðkallandi nauðsynja-
máli okkar.
— Er það rétt, sem mér liefur verið
sagt, að konur ykkar lúðrasveitarmanna
hafi stofnað með sér félag í þeim tilgangi,
að styrkja ykkur í starfi?
— Já, það er alveg rétt, þær stofnuðu
þenna félagsskap fyrir tveimur árum, og
sannarlega hefur þetta starf þeirra verið
okkur alveg ómetanlegt, og þó kannske
sérstaklega sá andlegi styrkur og uppörfun,
sem hinn fórnfúsi félagsskapur þeirra hef-
ur veitt okkur.
— Segðu mér, Ólafur, eru ekki þessar
æfingar ykkar tímafrekar?
— Jú, því er ekki hægt að neita. Við
höfum alltaf tvær æfingar í viku, en hver
æfing stendur yfir í tvo tíma. Þetta mundi
gera 16 stundir á mánuði, og þar sem
æfingamánuðirnir eru níu, verður útkoma
dæmisins 144 stundir á vetri hverjum.
— Og svo ertu líka í karlakórnum?
— Já, ég hef verið í honum frá stofn-
degi.
— Og hvað eru margar æfingastundir
á viku þar?
— Ja, fari maður að tíunda það, held
ég naumast sé hægt að reikna með minna
en þremur stundum á dag, æfingardag-
ana, en þeir eru tveir í viku. En þó ég
svari þessum spurningum þínum, geri ég
það ekki af því að ég sjái eftir þeirn, eða
telji þær eftir á nokkurn hátt. Þetta hefur
nú alltaf verið mitt hjartans áhugamál, og
þá getur maður naumast varið tímanum
betur á annan hátt.
— Er nokkuð sérstakt, sem þú vildir
koma hér á framfærí að lokum?