Morgunn - 01.12.1988, Síða 34

NÝJAR SAMBANDSLEIÐIR
MORGUNN
jafnan með starfi hans, sama gerði og starfsfélagi minn Dr.
Ernst Senkowski frá V-Þýskalandi. Mér var kunnugt um þá
staðreynd að Friedrich var á síðustu árum ævi sinnar að
vinna alvarlega að því að ná myndum af látnu fólki á sjón-
varpsskjá eða kvikmynd (hann var jú líka víðfrægur sem
framleiðandi heimildamynda).
Allar þær upplýsingar sem hér hafa verið tilfærðar eru
nauðsynlegar fyrir ykkur, lesendur þessarar skýrslu (og þær
milljónir manna sem munu fyrr eða síðar lesa samskonar
útdrætti) til þess að meta það sem á eftir kemur.
Claude Thorlin og kona hans Ellen búa í Svíþjóð, í borg
sem er staðsett í um 420 mílna fjarlægð frá smáborginni
Hoor, þar sem Friedrich hafði sest að. Að morgni miðviku-
dagsins 21. október 1987 sátu þau Claude og Ellen (sem
hefur verið skyggn og með hæfileika til dulheyrnar allt frá
barnæsku) að morgunverði. Ellen heyrði þá ókunna rödd
segja henni að nota rás 4. Báðum þótti þetta einkennilegt þar
sem útvarpsstöðin þeirra sendi aðeins út á þrem rásum og
sjónvarpið einungis átveimur — rás 1 og2. Ellen heyrði ekki
röddina greinilega en hún hafði það á tilfinningunni að þetta
varðaði eitthvað jarðarför vinar þeirra Friedrichs Juergen-
son, sem átti að fara fram þennan sama dag.
Claude vissi auðvitað, sem vel upplýstur dulsálarfræðing-
ur, um Harsch-Fischbach rannsóknirnar varðandi sjón-
varpsmyndirnar í Luxembourg og sömu rannsóknir hjá
Klaus Schreiber í V-Þýskalandi. Með tilliti til þess þá kom
hann Polaroid myndavélinni sinni fyrir og kl. 1.00 e.h.
byrjuðu þau Ellen að fylgjast með auðum skjánum á sjón-
varpinu þeirra. Eða eins og Claude segir mér í bréfi til mín:
(Claude Thorlin sendi einnig okkur hjá SRFÍ bréf með lýs-
ingu á því sem gerðist og er það birt í heild sinni hér annars
staðar í ritinu. — Pýð.):
,,Ég stillti sjónvarpið á rás 4, jafnvel þó ég vissi að þar yrði
engin dagskrá fyrir okkur að horfa á. Það hlaut að verða
leiðinlegt að sitja þarna til lengdar. Við fórum að velta því
fyrir okkur hvort dulheyrn Ellenar hefði brugðist henni að
þessu sinni.
32