Útvarpstíðindi - 10.05.1941, Side 3

Siarfsmanuavakan
Starfsmannavakan í fyrra vetur
átti miklum vinsældum að fagna og
hafa margir hlustendur beðið þess
með óþreyju, að efnt yrði til annarar
slíkrar. Nú hefur starfsfólkið loks
orðið við þrálátum óskum hlustenda
og ákveðið að skemmta okkur eina
kvöldstund; hefur þetta góða fólk til
umráða tvær stundir sunnudaginn
18. þ. m. (kl. 8,30—10,30).
Ekki er fullráðið hvernig tíminn
verður notaður, en óhætt er að full-
yrða, að það verður bæði smekklega
og skennntilega. Svo mikið vitum við,
að þarna verður flutt: ávarp, hóp-
söngur starfsmanna, upplestur, söng-
kvartett, tvísöngur (líkl. Hermann
og Gunnar) og e. t. v. fleira, — að
ógleymdum útvarpsleiknum: Ráðs-
konan á Urðarfelli. Það er framhald
leiks með sama nafni, er fluttur var
á vökunni í fyrra og „gerði mikla
lukku“ þá. Eins og menn muna, lék
Sigrún Magnúsdóttir ráðskonuna og
endaði leikurinn þá með því, að ráðs-
konan — þessi unga og fjörmikla
Reykjavíkurstúlka — kastaði sér til
sunds í straumharða á og bjargaði
vesturíslenskum flugmanni. Og svo
endaði leikurinn eins og falleg ástar-
saga.
Þetta virtust mönnum hin sjálf-
sögðustu leikslok, en nú kemur það
upp úr dúrnum, eftir meir en árs
hlé, að þetta voru aðeins þáttaskil.
. . . Meira megum við ekki segja.
Ekki þarf að efa það, að þessi
starfsmannavaka verður vinsæl, engu
síður en sú fyrri.
Mynd þessi er af Sigrúnu Magnúsdótt-
ur í óperettunni „Nitouche", sem Leik-
félagið og Tónlistarfélagið sýna í Rvilc
um þessar mundir.
Myndina á forsíðunni hefur Vignir
tekið fyrir Útvarpstíðindi, í tilefni
af starfsmannavökunni. Því miður
vantar á myndina allmarga starfs-
menn, sumir voru ekki viðlátnir og
aðrir máttu ekki hverfa frá störfum
sínum, því að ekki gátu allir yfirgefið
skrifstofurnar.
Matjurta og blómafræ
427
ÚTVARPSTÍÐINDI