Bankablaðið - 01.12.1940, Blaðsíða 31

BANKABLAÐIÐ
33
Hagsmunamál
Undanfarið hefir verið mikill áhugi
hjá hinum ýmsu starfsmannafélögum
í bænum um ýms þau hagsmunamál,
sem nú eru efst á baugi hjá öllum al-
menningi vegna hinnar síauknu dýr-
tíðar og örðugleika.
Haldnir hafa verið fundir í hinum
ýmsu félögum, þar sem þessi mál hafa
verið rædd og þá sérstaklega hið háa
kolaverð, sem við Reykvíkingar og
reyndar allir landsmenn eiga við að
búa. Önnur mál, sem ofarlega hafa
verið á baugi í þessum umræðum hafa
að sjálfsögðu verið launamálin.
Hinn fyrsti árangur sem orðið hefir
af þessum fundahöldum, er sá, að
þau hafa kosið fulltrúa hvert íyrir sig
fyrst og fremst til að koma saman,
ræða og gera tillögur um hvernig fyr-
irkomulagi kolasölunnar í bænum
verði bezt fyrir komið, með tilliti til
þess, að launþegar og allur almenning-
ur geti fengið sem ódýrust kol.
Fulltrúar félaganna hafa þrisvar
komið saman á fundi í þeim tilgangi,
rætt um málið, kosið nefnd til að
kynna sér málið, með þeim árangri, að
síðasti fundur fulltrúanna gerði svo-
hljóðandi fundarsamþykkt, sem skýrir
sig sjálf:
„Fulltrúar frá hinum ýmsu starfs-
mannafélögum í bænum hafa að und-
anförnu átt með sér umræðufundi um
ýms hagsmunamál launþega ríkis og
bæjar. Hefir verið lagður grundvöllur
að frekari samvinnu þessara félaga til
sameiginlegra átaka í verðlagsmálum
launþega, og rætt um viðhorf laun-
þega til sívaxandi dýrtíðar. — Meðal
annars hefir verið rætt um kolaverð-
ið í bænum, og um það gerð svofeld
samþykkt:
Fulltrúafundur neðantaldra félaga
vill leggja áherzlu á, að það fyrir-
komulag, sem nú er á sölu kola í
Reykjavík, verði hið fyrsta tekið ti!
athugunar af ríkisstjórn og skorar á
ríkisstjórnina, að láta framkvæma
athugun á því, hvort kolaverðið verði
ekki lækkað nú þegar. Vill fundurinn
benda á tvær leiðir til þessa:
1. Að fé það, sem lagt hefir verið til
hliðar, til fyrirhugaðrar verðjöfnunar
á kolum, verði þegar í stað notað til
verðlækkunar á kolabirgðum þeim. er
ríkið hefir tekizt á hendur fjárhags-
lega ábyrgð á gagnvart kolainnflytj-
endum.
2. Að útgerðarmönnum heimilist að
selja kol beint til almennings við
frjálsu verði. Þyki hinsvegar nauðsyn-
legt, að kolaverzlanir hafi einnig á
hendi dreifingu þessara kola til ba'j-
armanna, skal álagning þeirra á þau
vera takmörkuð við sanngjarna þókn-
un.
Greinargerð:
Samkvæmt fyrirliggjandi upplýs-
ingum, munu útgerðarmenn eiga hér
um 25 þúsund tonn af kolum. Þótt út-