Tímarit Tónlistarfélagsins - 01.02.1938, Page 3

Tímarit Tónlistarfélagsins
skapa grundvöll að aukinni frceðslu og skilningi manna
á góðri tónlist í landinu. Kann ég enga ósk öetri blaðinu
til handa en þá, að því megi auðnast að dreifa þoku
vanþekkingar og hleypidóma, — að það megi verða í senn
forvörður og leiðbeinandi í tónlistarmálum þjóðarinnar.
Páll ísólfsson.
W. HADOW:
Um tónlist og tónlistaráheyrn
Höfundur eftirfarandi greinar Sir William H. Hadow
dr. mus. er frægur tónlistarfræðingur. Er greinin
kafli úr formála að bók hans: „Music“, sem hann
reit 1924 fyrir „Home University Liberary", Birtist
greinin hér í lauslegri þýðingu.
Hver mikilvæg tónsmíði og hvert andríkt skáldverk
tala til áheyrandans í hlutfalli við' móttækileik hans. Eng-
um hefir tekizt að kanna innstu leyndardóma Bachs og
Beethovens — til þess að geta það þyrfti hann að vera
sjálfur Bach og Beethoven —, en sérhver hlýðir á fúguna
eða sónötuna eftir því, sem hann hefir eyru til. Einn finn-
ur ekki annað' í þeim en tilgangslausan hávaða, öðrum
finnst hann komast í ,,stemningu“ en ekki ekki meir, sá
þriðji skynjar óljóst hina undursamlegu raddfærzlu eða
byggingu verksins, en sá fjórði getur lesið það eins og vin-
arkveðju með innilegri samúð og skilningi. Við hvert stig
verður gleði áheyrandans fyllri, unaðssemdir tilfinninga
og hughrifa göfgast, ummyndast og lyftast upp í æðri
heim, þangað til „þetta ,óskiljanlega‘, ómælanlega mál“
flytur hann að takmörkum óendanleikans og býður hon-
um nokkur augnablik að skygnazt inn fyrir þau.
Þegar hér er komið skulum við athuga tvö atrið..
Annað þeirra er sú staðhæfing, að fyrir þá, sem ekki hafi
hugsað sér að iðka tónlist alvarlega eða sem lífsstarf sé
öll þessi þekking á eðli hennar óþörf. ,,Vér erum fullgóðir
3