Tímarit Tónlistarfélagsins - 01.11.1938, Page 8

Tímarit Tónlistarfélagsins
laðandi. Hann átti þátt í að skapa nýtt viðhorf gagnvart
þessari fræðigrein, sem er svo sorglega vanrækt hér af
flestum, er við tónlist — og jafnvel tónsmíðar — fást.
Meðal almennings varð Dr. Mixa kunnastur af þeim
mikla þætti, sem hann átti í því, að fært var að ráðast í
að sýna hina vinsælu söngleiki, er fengið hafa hinar
ágætustu viðtökur. Má sérstaklega nefna hinn fyrsta,
Meyjaskemmuna, sem þótti með afbrigðum skemmtileg-
ur og var nýjung á því sviði. Öll byrjun er erfið, og má það
vera augljóst, að það var mikið dugnaði hljómsveitar-
stjórans að þakka, að svo góður árangur náðist, sem raun
varð á. Áhrifin af þessari starfsemi eru meðal annars þau,
að nú mun ekki þýða að setja hér söngleik á svið, ef hljóð-
færaleikurinn er fyrir neðan það mark, er reynslan hefir
sýnt, að hægt er að ná.
Það er skiljanlegt, að þeim mönnum, sem hingað koma
sunnan úr álfu og hafa numið þar og kynnzt því bezta í
iðandi straum lifandi tónlistalífs, bregði við eitt og annað
hér norður frá, þar sem skaplyndi og skilyrði til starfa
eru með öðrum hætti. Að hve miklu leyti þetta á við
Dr. Mixa, get ég ekki sagt um, til þess þekkti ég hann of lítið
og alls ekkert hin síðari ár, en þessu má ekki gleyma, er
meta skal störf slíkra manna hér. Þó hygg ég, að hann
hafi fljótt gert sér grein fyrir ýmsum þeim orsökum, er til
þess liggja, að „vort ferðalag gengur svo grátlega seint“
— á sviði tónlistarinnar.
Tónlistarfélagið þakkar honum fyrir unnin störf og
óskar honum góðs gengis í framtíðinni.
56