Árdís - 01.01.1953, Side 12

10
ÁRDÍS
nokkuð sviplítil, enda aldrei við hana lokið eins og hún átti að
vera í upphafi. Hún er hlaðin úr rauðleitum sandsteini úr Hóla-
byrðu, fjalli því er bærinn stendur undir. Hann er límdur saman
með kalki, en fyllt á milli með óhöggnu og óvönduðu grjóti. Þykkt
útveggja er tæpur einn metir. Veggirnir eru nú húðaðir og mikið til
sléttaðir með sementi og kalki. Á norðurhlið kirkjunnar eru sjö
gluggar en á suðurhlið sex, því að þar koma hinar svonefndu frúar-
dyr í stað miðglugga. Á stöplinum eru fjórir gluggar og fyrir ofan
þá fimm hljómop. Tvennar útidyr eru á kirkjunni og vandaðar
eikarhurðir í líkingu við það, sem var í öndverðu. I aðaldyrahurð
er koparhringur, en járnhringur í hurð milli stöpuls og kirkju.
Uppi yfir stöpuldyrunum er felld í múrinn hvít marmaratafla,
sem var send frá Kaupmannahöfn, með áletrun í latneskum upp-
hafsstöfum. Uppi yfir frúardyrum er fangamark Friðriks konungs
fimmta og ártalið 1758. Koparþak var sett á kirkjuna 1949.
Loftið og allir kirkjuveggirnir eru hvítkalkaðir að innan. Gólf
kirkjunnar er nú úr steinsteypu í miðju, en timburgólf undir
sætum. Sömuleiðis er kórgólfið steinsteypt og í það felldir hinir
gömlu legsteinar, sem yfir eru tréhlerar til hlífðar. í kórnum er
altari uppmúrað af höggnum steini og strikuðum brúnum um-
hverfis, rauðmálað, en aftan við það er stallur nokkru hærri og
breiðari og á honum hvílir altarisbríkin. Kringum altarið eru
grátur með máluðu rimlaverki allt í kring og tveimur háum
stólpum í hornunum að framan. í hornunum sitt hvoru megin við
altarið eru tveir stólar, svokallaðir skriftarstólar, og í kórnum eru
auk þess tíu litlir kirkjubekkir. Milligerðin milli kórs og kirkju
er afþiljuð með spjöldum að neðan en að ofan með útskornum,
marglitum pílárum. Fyrir ofan kórdyrnar eru minni pílárar, og
eins fyrir ofan dyrnar inn í prédikunarstólinn. Tröppur liggja upp í
prédikunarstólinn, sem mun vera danskur að uppruna, með máluð-
um myndum af guðspjallamönnunum fjórum, en himni upp yfir
með málaðri mynd af heilögum anda í dúfulíki. Framan við milli-
gerðina eru tvær stúkur, sín hvorum megin, með fjórum bríkum
og hurð með panelverki fyrir. í þeim eru, framan á milligerðinni,
spjöld, sem á eru málaðar höfuðdyggðirnar í konulíki og þessi orð
ofan við: Spekin, Réttlætið, Hófsemin, Styrkleikinn, Trúin, Vonin,
Kærleikurinn, Guðhræðslan, Eindrægnin, örlætið, Hreinlífið,
Forsjálnin.