Morgunblaðið - 07.02.2009, Page 43
TÆPUM mánuði eftir 100. afmæl-
isdag Oliviers Messiaens (1908-92)
hélt Sinfóníuhljómsveit Íslands upp
á ártíð franska módernistans með
pompi og prakt á fimmtudag fyrir
þéttskipuðum áheyrendasætum.
Fyrst með nýjum íslenzkum flautu-
konsert tileinkuðum minningu
Messiaens, en eftir hlé með Tur-
angalila-sinfóníu hans.
Flutter („Blakt“ eða „Flökt“)
nefndist um 18 mín. langur flautu-
konsert tónskáldsins og flautuleik-
arans Þuríðar Jónsdóttur, er Rík-
isútvarpið pantaði af þessu tilefni
og tengdist franska framherjanum
með ýmsu móti. Skiptust á kyrrlátir
og ágengir fletir með samspili
hljómsveitar og náttúruhljóða úr
skordýraheimi krybbna og engi-
sprettna þar sem einleiksflautan
einskorðaðist að mestu við effekta.
M.ö.o. frekar „hljóðverk“ en tón-
verk í hefðbundnum skilningi. Þrátt
fyrir nokkra hljómrænt litskrúðuga
staði stóð heldur fátt eftir í mínum
eyrum, enda bar efnismeðferðin
keim af grúa álíka framsækinna
verka síðustu þriggja til fjögurra
áratuga er reyna að mynda fram-
vindu úr litbrigðum og áferð. Að
sama skapi gáfust fá tilefni til virtú-
ósra spretta hjá ítalska einleik-
aranum, er helzt vakti athygli fyrir
líflega líkamstjáningu. Verkinu var
þó allvel tekið, og kváðu m.a.s. við
bravó og blístur úr aftari sætaröð-
um.
Tíþætt hljómkviða Messiaens
hljómaði nú í annað sinn á okkar
fjörum eftir Íslandsfrumflutning
Sinfóníuhljómsveitar æskunnar
1991 undir Paul Zukofsky. „Stærstu
tónleikar starfsársins“ sagði heima-
síða SÍ og mátti til sanns vegar
færa, hvort heldur í breidd (hátt í
100 hljóðfæraleikara) og í lengd
(heilar 85 mín.) Líkt og meirihluti
hlustenda kom ég ferskur að hljóm-
sveitarverkinu og bjóst hálfpartinn
við hinu versta – meðvitaður um að
nærri átrúnaðarkennd ídóladýrkun
innvígðra hefur staðið um höfund-
inn á síðari áratugum er jafnast á
við klettharða kaþólska sannfær-
ingu hans.
Samt kvað sinfónían með að-
gengilegustu afurðum organistans í
Þrenningarkirkju Parísar. Það stóð
einnig heima í mínu tilviki, því
sannast sagna kom reynslan að
mestu þægilega á óvart. Þó að stak-
ir þættir breiddu óþarflega mikið úr
sér, var orkestrunin víðast hvar
ótrúlega frumleg. Glaðvær kraftur
og dulmagn tónmálsins voru næsta
áþreifanleg, og oft púlsmótuð hrynj-
andin iðulega eldseiðandi með að-
stoð 10 manna slagverksdeildar og
ríflegu pjátri.
Útlistun heimasíðu SÍ um fugla-
kvak (er heyrðist m.a. í hæggengum
kanaríutrillum píanósins), munka-
söng, indverska rytma og kaþólska
guðfræði kom öll skilmerkilega
fram. En þó fæstir tækju sjálfsagt
eftir því á sínum tíma, mátti einnig
hafa lúmskt gaman af tímahylkjum
í bíó- og Broadwaystíl Vesturheims
1950, er gátu á köflum minnt á
Gershwin í ofurbreiðtjaldsútfærslu.
Það var enginn hægðarleikur að
halda utan um þetta jörmunkraðak.
En Rumon Gamba hafði greinilega
þrek og yfirsýn til að láta dæmið
ganga upp, og í innlifuðum flutningi
SÍ, snaggaralegum sólósprettum
Osbornes og skondum glissum og
tístum úr fornrafhljóðfæri Marte-
nots hlutu áheyrendur frásagn-
arverða upplifun umfram hinar
venjulegri.
Tímahylkjaupplifun
Háskólabíó
Sinfóníutónleikar bbbbn
Þuríður Jónsdóttir: Flutter. Messiaen:
Turangalila-sinfónía. Mario Caroli
flauta, Steven Osborne píanó, Cynthia
Millar ondes Martenot. Sinfóníu-
hljómsveit Íslands u. stj. Rumons
Gamba. Fimmtudaginn 5. febrúar kl.
19:30.
RÍKARÐUR Ö.
PÁLSSON
TÓNLIST
Morgunblaðið/Kristinn
Hljómsveitarstjórinn „Það var enginn hægðarleikur að halda utan um þetta jörmunkraðak. En Rumon Gamba
hafði greinilega þrek og yfirsýn til að láta dæmið ganga upp,“ segir Ríkarður Örn Pálsson.
Menning 43
MORGUNBLAÐIÐ LAUGARDAGUR 7. FEBRÚAR 2009
5
F
E
B
Aðeins sex sýningar:
05/02 08/02
15/02 22/02
01/03 08/03
Sýnt í Borgarleikhúsinu.
Miðasala í síma 568 8000
og á www.id.is.
Nýtt verk eftir Katrínu Hall, Peter
Anderson og Cameron Corbett.
Tónlist eftir Sigtrygg Baldursson,
Pétur Ben og Frank Hall.
Leikmynd eftir Aðalstein Stefánsson.
Traustur bakhjarl Íslenska dansflokksins
F
ít
o
n
/
S
ÍA
50% afsláttur fyrir nemendur og 25 ára og yngri
Nú bjóðum við allra síðustu sætin í tveggja vikna ferð til
Kanarí um páskana. Bjóðum frábært sértilboð á Parquesol
sem er góð og frábærlega
staðsett smáhýsagisting og
fleiri gististöðum. Gríptu
tækifærið og njóttu lífsins á
þessum vinsæla áfangastað
um páskana á ótrúlegum
kjörum.
Skógarhlíð 18 • sími 595 1000 • www.heimsferdir.is
Kanarí
11. - 15. apríl
frá kr. 139.990
Allra síðustu sætin í páskaferð!
Verð kr. 199.990
Vikuferð með hálfu fæði****
Netverð á mann, m.v. gistingu í tvíbýli
með hálfu fæði á Eugenia Victoria í 14
nætur.
Sértilboð 1.-15. apríl.
Verð kr. 169.990
2 vikur með allt innifalið
Netverð á mann, m.v. 2 fullorðna og
2 börn, 2-11 ára, í íbúð á Turbo Club
Apartments með allt innifalið í 14 nætur.
Sértilboð 1.-15. apríl.
Verð m.v. 2 fullorðna kr. 189.990.
Verð kr. 139.990
2 vikur
Netverð á mann, m.v. 2 fullorðna og
2 börn, 2-11 ára, í íbúð með
2 svefnherbergjum á Dorotea í 14 nætur.
Sértilboð 1.-15. apríl.
Munið Mastercard
ferðaávísunina
Birt með fyrirvara um prentvillur. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Frábær páskasértilboð
Turbo Club, Dorotea íbúðir,
og Hotel Eugenia Victoria
SVARTFUGL
EFTIR GUNNAR GUNNARSSON
í Hallgrímskirkju
SUNNUDAGINN 8. FEBRÚAR KL. 16.
í leikgerð Jóns Hjartarsonar leikara, sem annast leiklestur ásamt
Valgerði Dan og Þorsteini Gunnarssyni.
Orgelspuni: Hörður Áskelsson.
Jón Yngvi Jóhannsson bókmenntafræðingur
flytur stutt erindi um Svartfugl og höfundinn.
Að leiklestri loknum verður boðið upp á umræður
um verkið og kaffiveitingar
Aðgangseyrir kr. 1.500.
LISTVINAFÉLAG HALLGRÍMSKIRKJU
27. starfsár listvinafelag.is
ÁSKRIFTARSÍMI 569 1100