Morgunblaðið - 24.09.2009, Side 1

FIMMTUDAGUR 24. SEPTEMBER 2009
viðskipti
Umhverfisvæn Guðrún G. Bergmann rekur um-
hverfisvænt hótel að Hellnum á sumrin 12
Viðskipti
mbl.is
Eftir Þorbjörn Þórðarson
thorbjorn@mbl.is
FJÁRMÁLAEFTIRLITIÐ hefur
nú til rannsóknar eitt umfangsmesta
mál sem komið hefur til kasta stofn-
unarinnar, samkvæmt heimildum
Morgunblaðsins. Um er að ræða
heildstæða rann-
sókn sem varðar
markaðsmisnotk-
un sem beinist að
öllum föllnu
bönkunum þrem-
ur, Kaupþingi,
Glitni og Lands-
bankanum. Grun-
ur leikur á að í
bönkunum hafi
kerfisbundið verið reynt að halda
verði hlutabréfa uppi fyrir banka-
hrunið með því að senda röng og mis-
vísandi skilaboð til markaðarins.
Rannsókn á Kaupþingi er komin
lengst af þessum þremur.
Einu veðin bréfin sjálf
Rannsóknin beinist m.a. að því að
með kerfisbundnum hætti hafi verið
reynt að hafa áhrif á verð hlutabréfa
og þar með dregin upp röng mynd af
raunverulegu verðmæti þeirra.
Mörg dæmi eru um lánveitingar hjá
Kaupþingi banka til eignarhalds-
félaga þar sem lánið var nýtt til að
kaupa hlutabréf í Kaupþingi og einu
veðin voru bréfin sjálf. Dæmi um
slíkt eru t.d. lánveitingar til Holt In-
vestments Ltd., eignarhaldsfélags
Skúla Þorvaldssonar, þar sem eini
tilgangur láns virðist hafa verið
hlutabréfakaup í Kaupþingi. Svipuð
eru lán til Kevins Stanfords, en 45
prósent lána til hans voru fyrir hluta-
bréfakaupum í bankanum og var
hann fjórði stærsti hluthafinn. Lán-
veitingar til Q Iceland Finance ehf.,
félags í eigu sjeiks Al-Thani, falla
einnig undir þetta, en þar virðist hafa
verið gerð tilraun til að auka tiltrú á
bankanum í lok september 2008, rétt
fyrir hrun.
Hluti rannsóknarinnar beinist sér-
staklega að hlutabréfakaupum
Kaupþings banka í sjálfum sér og
sölu á bréfum áfram, eins og í tilviki
hlutabréfakaupa Al-Thanis, en lög-
um samkvæmt mátti bankinn aldrei
eiga meira en 5 prósent af eigin bréf-
um á hverjum tíma. Oft voru sérstök
félög í eigu viðskiptavina fengin til að
kaupa hlutabréfin með stuðningi
bankans. Hlutabréfakaupunum var
síðan lýst af stjórnendum sem
traustsyfirlýsingum og almenningur,
markaðurinn og fjárfestar blekktir.
Ein allsherjar
misnotkun
FME með risavaxið mál til rannsóknar
Már Guðmundsson, seðlabankastjóri og formaður
peningastefnunefndar Seðlabanka Íslands, er við enda
borðsins á myndinni hér að ofan. Honum á vinstri hönd
eru Arnór Sighvatsson, aðstoðarseðlabankastjóri, og
Gylfi Zoëga, prófessor, en á hægri hönd þau Anne Si-
bert, prófessor, og Þórarinn G. Pétursson, aðal-
hagfræðingur Seðlabankans. Þetta er fólkið sem
ákveður hverjir stýrivextir bankans eiga að vera, en
peningastefnunefndin hefur það hlutverk að taka
ákvarðanir um beitingu stjórntækja bankans. Þar með
talið eru ákvörðun varðandi stýrivextina, sem kynnt
verður í dag, og aðra vexti, viss viðskipti við lánastofn-
anir, ákvörðun bindiskyldu og viðskipti á gjaldeyr-
ismarkaði.
Morgunblaðið/Kristinn
Fyrsti fundurinn sem Már stýrir í
peningastefnunefnd Seðlabankans
LYKILORÐIÐ ER
SVEIGJANLEIKI!
Momentum greiðslu- og innheimtuþjónusta ehf. | Suðurlandsbraut 18, 108 Rvk. | Sími: 510 7700 | momentum@momentum.is
Milliinnheimta sem er kröfuhafa að kostnaðarlausu
Kynntu þér innheimtuaðferðir okkar á momentum.is
A
R
G
U
S
0
8
-0
1
7
4
Hvort sem það snýr að innheimtuferlinu eða greiðslum