Morgunblaðið - 12.10.2009, Blaðsíða 5

slu
ns
all-
Rún-
i.
rju
til
ð
:
lf-
nn
ark-
“
mar
ina
Við
ð
rnin
aft-
að
mar
Íþróttir 5
MORGUNBLAÐIÐ MÁNUDAGUR 12. OKTÓBER 2009
DREGIÐ var í 32 úrslit Eimskips bik-
arkeppninnar í handknattleik karla í
gær. Engin lið úr N1-deildinni mætast
innbyrðis og ættu því langflest þeirra að
komast áfram í 16 liða úrslitin. Bik-
armeistarar Vals sitja hjá ásamt Ís-
landsmeisturum Hauka, Fram og ÍBV.
Nýliðar Gróttu, sem komust í bikarúr-
slit í fyrra, drógust á móti Stjörnunni 3
sem stóð sig vel í keppninni í fyrra en þá
léku með liðinu kunnir kappar á borð
við Patrek Jóhannesson, Sigurð Bjarna-
son, Valdimar Grímsson og Skúla
Gunnsteinsson.
Athygli vekur að KS frá Siglufirði og Hörður
frá Ísafirði senda lið til keppni. KS
fær Breiðhyltingana í ÍR í heimsókn
og Þróttur fer til Ísafjarðar. Auk þess
fær Árborg lið HK í heimsókn austur
fyrir fjall og Fjölnir tekur á móti Ak-
ureyri. Leikið verður 18. og 19. októ-
ber en aðrir leikir eru eftirfarandi:
Víkingur 2 – FH
ÍR 2 – HKR
Grótta 2 – Stjarnan
FH 2 – Afturelding
Afturelding 2 – Selfoss
Víkingur 3 – Víkingur
Fjölnir – Akureyri
Stjarnan 2 – Haukar 2. kris@mbl.is
Siglfirðingar með í bikarkeppninni
Patrekur
Jóhannesson
VALUR rótburstaði nýliða Víkings
í N1-deild kvenna í handknattleik.
34 mörk skildu liðin að þegar upp
var staðið en Valur sigraði, 47:13,
eftir að hafa haft yfir í hálfleik,
20:5. Rebekka Skúladóttir var
markahæst í liði Vals með 9 mörk,
stóra systir hennar Hrafnhildur
Skúladóttir skoraði 7 og Anna Úr-
súla Guðmundsdóttir kom næst
með 5 mörk. Andrea Olsen var
markahæst í liði Víkings með 4
mörk.
 FH hafði betur á móti KA/Þór, 30:27,
í Kaplakrika. Ragnhildur Rósa Guðmunds-
dóttir var atkvæðamest í FH-
liðinu en hún skoraði 11 mörk og
þær Ingibjörg Pálmadóttir, Birna
Berg Haraldsdóttir og Birna Íris
Helgadóttir gerðu 5 mörk hver.
Hjá KA/Þór var Anna Valgerður
Erlingsdóttir markahæst með 9
mörk og Ásdís Sigurðardóttir
skoraði 4.
 Haukar unnu stórsigur á HK,
35:21, á Ásvöllum. Hanna G. Stef-
ánsdóttir skoraði 10 mörk fyrir
Hauka sem hafa unnið báða leiki
sína í deildinni en Haukar lögðu Fylki í
fyrstu umferðinni. gummih@mbl.is
34 marka sigur hjá Valskonum
Ágústa Edda
Björnsdóttir
Eftir Guðmund Hilmarsson
gummih@mbl.is
EFTIR að hafa séð til Hauka í
leiknum á móti Stjörnunni í opn-
unarleik N1-deildarinnar þar sem
Haukarnir mörðu eins marks sigur,
17:16, átti maður alveg von á því að
þeir yrðu flengdir í Póllandi en ann-
að kom á daginn. Þeir stóðu svo
sannarlega uppi í hárinu á Pólverj-
unum og voru til mynda einu marki
yfir, 22:21, þegar um níu mínútur
voru til leiksloka.
Sigurbergur Sveinsson, sem fann
sig engan veginn í leiknum á móti
Stjörnunni, átti frábæran leik en
stórskyttan öfluga skoraði 10 mörk.
,,Þetta var virkilega flottur leikur
af okkar hálfu og strákarnir stóðu
sig alveg frábærlega,“ sagði Aron
Kristjánsson, þjálfari Hauka, við
Morgunblaðið í gær.
Keyrðum upp hraðann
,,Við spiluðum 3:2:1 vörn á móti
þeim og Pólverjarnir áttu í nokkr-
um vandræðum með hana. Þó að
þeir hafi náð að gera 30 mörk komu
mörg þeirra eftir fráköst og eins
þegar við vorum manni færri,“ sagði
Aron.
Aron sagði að Sigurbergur og
Björgvin Hólmgeirsson hefðu verið
virkilega góðir í sóknarleiknum sem
og línumaðurinn Pétur Pálsson og
þá hefði Birkir Ívar Guðmundsson
átt fínan leik í markinu.
Eftir að hafa séð til ykkar í leikn-
um á móti Stjörnunni bjóst ég við
stóru tapi.
,,Ef við hefðum spilað eitthvað í
líkingu við það í þessum leik hefðum
við tapað með 15 marka mun. Strák-
arnir tóku sig saman í andlitinu og
við náðum svo sannarlega að bæta
sóknarleikinn sem var í molum í
leiknum á móti Stjörnunni. Það var
mikið óöryggi í leik okkar í Garða-
bænum en það var allt annað uppi á
teningnum gegn Wisla. Menn
spiluðu svo sannarlega með hjart-
anu og lögðu sig 100% fram í verk-
efnið. Leikmenn Wisla hafa lík-
amlega yfirburði og eru hávaxnir
þannig að við reyndum að keyra
upp hraðann og það gekk bara vel.“
Eftir þessi úrslit hlýtur þú að
meta möguleika ykkar á að komast
áfram góða.
,,Við eigum klárlega góða mögu-
leika á að komast áfram. En lið
Wisla Plock er gríðarlega vel mann-
að og með ótrúlega mikla breidd svo
við verðum að spila virkilega vel á
Ásvöllum til að slá það út. Maður
skynjaði það eftir leikinn að leik-
menn Wisla voru gríðarlega svekkt-
ir með úrslitin enda ætluðu þeir að
vinna okkur með tíu marka mun.
Þannig var umræðan fyrir leikinn.
Það var mikil stemning í höllinni
sem var orðin full klukkutíma fyrir
leik og það er alltaf gaman að spila
slíka leiki. En það er bara hálfleikur
í þessu einvígi og nú vonast ég til að
handboltaáhugafólk fjölmenni á
seinni leikinn á Ásvöllum. Við þurf-
um á öflugum stuðningi að halda
enda reikna ég með að Pólverjarnir
heima á Íslandi mæti á leikinn og
styðji við bakið á sínum mönnum,“
sagði Aron en áður en að leiknum
gegn Wisla kemur taka Haukarnir á
móti Akureyringum í N1-deildinni á
miðvikudagskvöldið.
,,Lékum með hjartanu“
 Aron Kristjánsson, þjálfari Hauka, ánægður með frammistöðu sinna manna
gegn Wisla Plock  Skorar á fólk að fjölmenna á Ásvelli á laugardaginn
Morgunblaðið/Ómar
Góður Línumaðurinn Pétur Pálsson átti góðan leik gegn Wisla Plock og skoraði 5 mörk fyrir Hafnarfjarðarliðið.
Í HNOTSKURN
»Mörk Hauka: SigurbergurSveinsson 10, Pétur Páls-
son 5, Björgvin Hólmgeirsson
4, Elías Már Halldórsson 3,
Freyr Brynjarsson 2, Jónatan
Jónsson 2, Guðmundur Ólafs-
son 1, Heimir Óli Heimisson 1.
»Arkadiusz Miszaka varmarkahæstur hjá Wisla
Plock með 7 mörk og Daninn
Lars Möller Madsen skoraði 5.
ÍSLANDSMEISTARAR Hauka gerðu
góða ferð til Póllands þar sem þeir
mættu Wisla Plock í fyrri viðureign
liðanna í 2. umferð EHF-keppninnar í
handknattleik. Wisla Plock hafði bet-
ur í jöfnum og spennandi leik, 30:28,
eftir að hafa haft yfirhöndina í leik-
hléi, 15:12. Möguleikar Hauka á að
komast áfram verða að teljast nokk-
uð góðir en síðari leikur liðanna fer
fram á Ásvöllum á laugardaginn og
þar þurfa Íslandsmeistararnir svo
sannarlega á góðum stuðningi að
halda.
Andri Stefanog félagar
hans norska
meistaraliðinu
Fyllingen, stein-
lágu fyrir danska
liðinu FC Kaup-
mannahöfn,
21:34, í Meist-
aradeild Evrópu í
handknattleik í gær. Andri skoraði 3
af mörkum Fyllingen en Arnór Atla-
son var ekki á meðal markaskorara
FCK.
  
Rúnar Kárason skoraði eitt markfyrir Füchse Berlin þegar liði
vann öruggan sigur á Hannover
Burgdorf, 32:24, í þýsku 1. deildinni
í handknattleik í gær. Dagur Sig-
urðsson þjálfar lið Füchse Berlin.
Hannes Jón Jónsson skoraði eitt
mark fyrir Hannover Burgdorf.
  
Arnar Jón Agnarsson skoraði 5mörk fyrir Aue sem tapaði fyrir
Friesenheim, 37:24, í þýsku 2. deild-
inni í handknattleik.
  
Gylfi Gylfasonskoraði 2
mörk fyrir Mind-
en og Ingimund-
ur Ingimund-
arson 1 þegar lið
þeirra beið lægri
hlut fyrir sterku
liði Hamburg,
34:23, í þýsku 1. deildinni í hand-
knattleik í gær. Hans Lindberg, hinn
hálfíslenski, skoraði 12 af mörkum
Hamburg, þar af 8 úr vítaköstum.
  
Norski landsliðsmaðurinn Veg-ard Samdahl, leikmaður
pólska liðsins Wisla Plock, varð fyrir
því óláni að slíta krossband í hné í
fyrri leik Hauka og Wisla Plock í
Póllandi á laugardaginn.
  
Ragnar Ósk-arsson
reyndist sínum
fyrrverandi sam-
herjum í Nimes
erfiður í franska
handboltanum á
laugardaginn.
Ragnar skoraði 8
mörk í 11 til-
raunum fyrir Dunkerque sem sigr-
aði 26:29. Ragnar var markahæstur
norðanmanna en 5 marka hans komu
af vítalínunni. Dunkerque hefur unn-
ið þrjá af fyrstu fjórum leikjum sín-
um í deildinni.
  
Pavla Nevarilova gat ekki leikiðmeð Fram gegn Stjörnunni í
N1-deild kvenna í gær en þessi öfl-
ugi línumaður er að jafna sig eftir
brjósklos í baki. Hún gæti orðið leik-
fær eftir nokkrar vikur. Sigurbjörg
Jóhannsdóttir er einnig frá vegna
meiðsla en hún sleit krossband á síð-
ustu leiktíð. Lið Fram ætti að styrkj-
ast verulega þegar þær snúa aftur
en liðið misst nokkra öfluga leik-
menn í sumar.
Fólk sport@mbl.is
GYLFI, sem hefur staðið sig virkilega vel með
Reading í ensku 1. deildinni á leiktíðinni, hefur
verið úti í kuldanum í síðustu leikjum landsliðs-
ins en eftir að hann gaf ekki kost á sér í æfinga-
leik á móti Dönum í sumar hefur hann ekki verið
valinn en í gær var hann kallaður til leiks.
,,Fyrst Gylfi gaf ekki kost á sér í Danaleikinn
litum við svo á að hann vildi einbeita sér alfarið
að Reading og því hefur hann ekkert verið með
okkur í síðustu leikjum. Það birtust svo fregnir
af því í fjölmiðlum að Gylfi
vildi spila með landsliðinu og
eftir að hann og Eyjólfur
ræddu saman ákváðum við að
velja hann í hópinn. Ég fagna
því að Gylfi vill vera með okk-
ur enda er hann virkilega góð-
ur leikmaður,“ sagði Tómas
Ingi Tómasson, aðstoðarþjálf-
ari U21 árs landsliðsins, við
Morgunblaðið í gær.
Ekki er víst hvort Birkir
Bjarnason leiki með gegn Norður-Írum á morg-
un en hann er með gipsumbúðir á hendinni og
fékk ekki leyfi hjá dómara leiksins að spila leik-
inn gegn San Marinó á föstudagskvöldið þar sem
íslenska liðið vann stærsta sigur U21 árs lands-
liðsins frá upphafi, 8:0. Alfreð Finnbogason,
framherji Breiðabliks, er tæpur en hann á við
meiðsli að stríða í læri. Þá verður fyrirliðinn Rú-
rik Gíslason ekki með U21 árs liðinu á morgun
þar sem hann leikur með A-landsliðinu gegn
Suður-Afríku.
,,Við ætlum okkur að vinna Norður-Írana en
við reiknum með hörkuleik. Þeir koma grimmir
eftir 6:2 tapið á móti okkur en það er hugur í
okkar strákum,“ sagði Tómas Ingi.
gummih@mbl.is
Gylfi kominn í U21 árs hópinn á ný
Fundaði með þjálfaranum og tekur þátt í leiknum við N-Íra á morgun
GYLFI Þór Sigurðsson, leikmaður Reading, er
kominn aftur í U21 árs landsliðið í knattspyrnu sem
mætir N-Írum í Grindavík á morgun.
Gylfi Þór
Sigurðsson