Norðurland - 01.11.1979, Page 2

LANDS-
HORNIÐ
Skóla8tarf
gert
skemmtilegt
Rítstjórn NORÐUR-
LANDS hefur ákveðið að
fara af stað með nokkurs-
konar landsbyggðar horn. í
Horni þessu munum við taka
upp orðrétt eða endursegja
athygli verðar fréttir 'eða
greinar úröðrum landsmála-
blöðum.
Vonum við að þessi ný-
breytni verði til nokkurs
fróðleiks og skemmtunar.
í AUSTURCANDI frá 11.
október er sagt frá 7. bekkj-
arferðalagi Gagnfræðaskól-
ans í Neskaupstað til Mjóa-
fjarðar.
Þetta var tveggja daga
námsferð og þátttakendur
voru tæplega 40 nemendur
ásamt 4 kennurum ogskóla-
stjóra.
Tilgangur ferðarinnar var
að fræðast um sögu og nátt-
úrufræði Mjóafjarðar, þjálfa
nemendur í vettvangsathug-
unum, hópvinnu, gagnasöfn
un og úrvinnslu gagna, en
ekki síður að gera eitthvað
skemmtilegt saman.
Nemendum var skipt upp í
smærri hópa og var hver
hópur vel undir sitt verkefni
búinn.
Hópurinn kom sér fyrir í
menningarmiðstöð Mjófirð-
inga. Hún hefur að geyma
gistiheimili, skóla, bókasafn
o.fl.
Þarna komu krakkarnir
sér upp rannsóknarstofum
með smásjám og viðsjám,
jarðfræðihópurinn raðaði
upp steinasafni og greindi
steina með hjálp víðsjár og
gerði kort af athugunar-
svæðum. Líffræðihópar sem
höfðu gert athuganir sínar á
landi og við sjó skoðuðu grös
og kvikindi í smásjám og
færðu gjarnan myndlistar-
hópi sem fyrirmyndir.
Samfélagsfræðihópur fletti
bókum, skráði upplýsingar
og tók viðtöl við staðarbúa.
Þannig safnaðist fjöl-
breytt efni í rit um Mjóa-
fjörð sem hópurinn ætlar að
gefa út.
Vafalaust gera svona ferð-
ir námið skemmtilegra og
árangursríkara og óskandi
að fleiri gætu fetað í fótspor
Norðfirðinga.
Blóðug
vannýting
Að síðustu koma hér síldar-
fréttir frá Djúpavogi ogenn í
36. tölublaði AUSTUR-
LANDS frá 11. október.
í fréttinni er vikið að hinu
sígilda vandamáli þ.e. verk-
un aflans.
Tuttugasta og sjöunda
september var búið að salta í
um 3 þúsund tunnur, útflutn
ingsverðmæti mun vera 125-
130 milljónir króna.
„Mönnum hefur fundist
það heldur blóðugt, að geta
ekki fullnýtt þá möguleika
sem hægt væri við verkun
síldarinnar, sem berst á land
ekki síst þar sem síldin er
bæði stór ogfeit ogmjöggóð
til frystingar, bæði tíl út-
flutnings svo og tíl beítu.
Bárðardalsbréf frá Jóni í Hlíðskógum
Af vonsku veðurguða og
ýmissa stjórnmálamanna
Það sumar sem nú er nýlega á
enda runnið fær líklega þau
eftirmæli að kallast sumarið
sem aldrei kom. Jörð var öll
undir miklum vetrarsnjó fram í
júníbyrjun og aftur fór öll jörð
undir snjó 3. september.
Við erum ennþá að stríða við
afleiðingarnar af vorharðind-
unum. Heyskapur hófst 2. ágúst
og þó enn seinna á heiðabæjun-
um og fullyrða má að ekkert vit
var í því að byrja heyskap fyrr
því að ekkert var að slá. Síðast
var hýst þurrt hey 20. ágúst eftir
mjög rysjótta heyskapartíð í 18
daga.
September varð okkur gagns-
lítill til heyskapar þar sem snjór
lá á jörð í 21 dag og aðeins auð
jörð í 9 daga. Þessi ótíð dró
mjög úr vænleika dilka ásamt
köldum júnímánuði. Fullyrða
má að tíðarfar í maí skipti þar
minna máli því að þá er inni-
staða á sauðfé sjálfsögð, en nú
brást beitin, sprettan var því
líkust sem aldrei ætlaði að
þiðna eða og grænka.
Dilkar eru yfirleitt 2-3 kíló-
um léttari til frálags en í meðal-
ári. Trúlega verður þetta um
500 kílóa minni framleiðsla frá
hverri jörð að meðaltali hér í
Bárðardal. Ekki getum við sent
stéttarbræðrum okkar í Asíu
þetta kjöt en ég trúi því að þeir
hafi ekki haft tíma til að sinna
bústörfum upp á síðkastið fyrir
stríðsrekstri. Ekki verður held-
ur fenginn gjaldeyrir fyrir þetta
kjöt né vinnulaun við verkun
þess og er þvi um að ræða
þjóðhagslegt tjón sem líkja má
við uppskerubrest hjá öðrum
þjóðum sem venjulega stafar af
fellibyljum, þurrkum, skordýr-
um, flóðum eða styrjöldum.
Það skal tekið fram að hey-
skaparvandræði okkar nú stafa
af hörðu vori en ekki vondu
hausti. Allt hey hefur nú náðst
saman en spurningin er hvort
ekki er meira eða minna af hey-
inu ónýtt og hættulegt fóður.
Afleiðingarnar eru ekki ein-
ungis tekjutap fjölskyldnanna á
þessu ári og fækkun bústofns
heldur líka stórminnkuð fram-
lög okkar til samfélagsins í
formi skatta á næsta ári.
Enginn hefur samt gefist upp
við búskapinn og er það í raun
óskiljanlegt því að svo stórkost-
legir fjárhagsörðugleikar hljóta
að fylgja í kjölfarið. Verðbólg-
an hefur stöðugt kallað á stækk-
andi bú undanfarið en ekki
minnka þau snögglega.
Vorharðindin hafa haft mjög
slæmar afleiðingar fyrir dýra-
líf. í maí var mjög mikill fugla-
dauði og einnig í september og
nú um 20. október eru hér
ennþá farfuglar. Ekki erósenni-
legt að rjúpurnar þoli verr vetr-
arkulda nú en venjulega þar sem
þær eru yngri en vanalegt er við
vetrarkomu.
Eftir er að vita hvaða afleið-
ingar sprettuleysi á úthaga hef-
ur en eitt er víst: Tún eru verr
undir vetur búin en venjulega,
nýslegin og graslaus við vetur-
nætur.
Ekki verður skrifaður langur
annáll um félagslíf í sveitinni,
það má heita að öll félagsstarf-
semi hafi legið í láginni síðan í
júlí. Uppskeruhátíð var engin
haldin, Barnaskólinn átti að
heíjast 2. október en setningu
hans var frestað um viku til að
börnin gætu hjálpað til við hey-
skapinn.
Það eru ekki bara veðurguð-
irnir sem hrella okkur bænda-
fólkið um þessar mundir. T.d.
hefur stjórn Neytendasamtak-
anna hótað að sýna okkur víg-
tennurnar ef framleiðsluvörur
okkar hækka í réttu hlutfalli við
verðbólguna, vilja líklega
kaupa innfluttar vörur í staðinn
og verður að líkindum ekki
skortur á gjaldeyri til slíkra
kaupa. En hvað gerði stjórn
Neytendasamtakanna þegar
staðfest var hækkun á tilbúnum
áburði um 56.4% s.l. vor, Gat
nokkrum heilvita manni dottið
annað í hug en að þessar hækk-
anir og aðrar á rekstrarvörum
hefðu áhrif í verðlaginu. Eða
dettur einhverjum í hug að
sveitafólkið geti tekið þessar
hækkanir á sig og þær dáið út í
framleiðslunni.
Auðvitað vildum við geta gef-
ið ykkur alla framleiðsluna,
þetta er jú matur. Ég fullyrði að
við viljum taka þátt í stöðvun
verðbólgunnar en þá má alþingi
ekki lengur daufheyrast við ósk-
um bændastéttarinnar um
stjórn á framleiðslu sinni og
samningum við ríkisstjórnina á
hverjum tima. Við viljum ekki
lengur semja við valdalausa
samningamenn í sexmanna-
nefnd um kjör okkar. Meðan sá
háttur er hafður á fáum við ekki
félagslegar umbætur og höldum
áfram að dragast aftur úr í lífs-
kjörum og aðstöðu.
Og nú á að fara að kjósa,
stundum hafa verið hörð veður
um mánaðamót nóv.-des. en
við munum nú kjósa samt
hversu ómögulegt sem það
verður, þeim mun ekki verða að
þeirri ósk sinni að við sitjum
heima. Annars fannst mér nú
brotthlaup kratanna úr stjórn-
inni líkast því sem bóndi hætti
heyskap á miðju sumri og setti
búfé sitt á hálftómar hlöður.
Jón Aðalsteinn
Hermannsson.
Frá kennaraþingi
á Stóru- Tj örnum
Óttar Einarsson kjörinn formaður B.K.N.E.
Árlegt haustþing Bandalags
kennara á Norðurlandi eystra,
var haldið í Stórutjarnarskóla
S-Þing., dagana 4. og 5. okt. s.l.
Dagskrá þessa þings var með
hefðbundnum hætti, stutt nám-
skeið í þeim kennslugreinum
sem eru í hvað örustum breyt-
ingum þessa dagana. Til leið-
beiningar á námskeiðunum
voru fengnir kennarar af Norð-
urlandi og höfuðborgarsvæð-
inu, svo og námstjórar hinna
ýmsu kennslugreina, sem einnig
voru til viðtals fyrir kennara.
Aðalfundir deilda landssam-
taka kennara, S.G.K. og
L.S.F.K., voru haldnir þar
sömu daga svo og aðalfundur
Bandalags kennara á Norður-
landi eystra. Voru þar meðal
annars til umræðu skólamál og
kjaramál kennara. Urðu míklar
og fjörugar umræður og álykt-
anir samþykktar.
Kosin varnýstjórn B.K.N.E.,
til eins árs og hlutu eftirtaldir
kosningu;
Óttar Einarsson, formaður,
Ingvar Ingvarsson, Ingólfur
Ármannsson, Birgir Svein-
björnsson, Nanna Þórsdóttirog
Kristín Helgadóttir,
Ályktanir kennara-
þings
á Stóru-Tjörnum
Aðalfundur B.K.N.E. (banda
lags kennara á Norðurlandi
eystra) baídinn í Stórutjarna-
Óttar Einarsson.
skóla 5. október 1979, gerirsvo-
fellda ályktun um málefni
grunnskóla:
Stöðvum hentistefnuna
1. Kennarar á Norðurlandi
eystra telja brýnt að stöðva þá
hentistefnu sem hefirríkt ískóla
málum af opinberri hálfu. Slík
hentistefna hefir óheppileg áhrif
á innra starf skólanna, kjör og
starfsaðstöðu nemenda og kenn
ara. Sem skýringar og rök bend-
ir fundurinn á eftirtaldar að-
gerðir stjórnvalda:
a) Skerðing stunda til for-
skólakennslu.
b) Skerðing viðmiðunar-
stunda í 4.-6. bekk.
c) Frestun á framkvæmd
reglugerðar um skólasöfn og fé-
lagsmál.
d) Afnám reglugerðar um leið
sögukennara.
Fundurinn telur grundvallar-
atriði að á bak við slíkar
ákvarðanir liggi gild kennslu-
og uppeldisfræðileg rök og að
höfð séu full samráð við kenn-
arastéttina.
Ekkert yfirvinnuþak
II. Fundurinn telur nýlega
settar reglur um yfirvinnuþak á
kennarastéttina óraunhæfar.
Það er skoðun fundarins að
hið innra skipulag skóla eigí
sem mest að vera í höndum
skólanna sjálfra og til þess verð-
ur að treysta þeim.
Afskipti ríkisvaldsins eiga
einvörðungu að vera bundin við
ytri ramma skólastarfsins.
Starfsréttindi kennara
III. Af mafggefnu tilefni lýsa
kennarar í B.K.N.E. sig reiðu-
búna til að beita öllum mætti
samtaka sinna til að standa
vörð um starfsréttindi sín.
Fundurinn skorar á heildar-
samtö.k kennara að fylgja rétt-
indamálum stéttarinnar fast
eftir.
Um námsgagnastofnun
Aðalfundur B.K.N.E. hald-
inn að Stórutjörnum 5. október
1979 fagnar nýútkomnum lög-
um um námsgagnastofnun og
skorar á Menntamálaráðuneyt-
ið að hraða sem mest má verða
setningu reglugerðar um fram-
kvæmd laganna.
Jafnframt bendir fundurinn
á, að til þess að námsgagna-
stofnunin geti gegnt því hlut-
verki, sem henni er ætlað, er
nauðsynlegt að á fót verði kom-
ið útibúum frá henni í öllum
fræðsluumdæmum landsins.
Endurskoðun ráðningartíma
Aðalfundur B.K.N.E. hald-
inn í Stórutjarnaskóla föstu-
daginn 5. október vill beina því
til menntamálaráðherra og
stjórna kennarasamtaka í land-
inu að taka til endurskoðunar
þær reglur, sem gilda um ráðn-
ingartíma kennara og skóla-
stjóra.
í þessu sambandi vill fundur-
inn benda á að það er skólum til
mikils óhagræðis, hversu seint
er gengið frá ráðningu kennara
og skólastjóra og telur fundur-
inn, að ef ráðningartíminn mið-
ast við 1. ágúst yrði undirbún-
ingur og skipulagning skóla-
starfsins mun auðveldari en nú
er. Einnig ætti þaðaðtryggjaað
fólk fái fremur rétt laun á rétt-
um tíma, þ.e. eigi síðar en þegar
skólar hefja störf.
Ráðning í kennarastöður
Aðalfundur B.K.N.E. hald-
inn að Stórutjörnum 5. og 6.
október 1979 mótmælir harð-
lega að réttindalausir kennarar
séu látnir ganga fyrir mönnum
með full kennararéttindi við
ráðningu í stöður og bendir þá
sérstaklega á ráðningu í stöðu
skólastjóra í Grindavík.
2 -NORÐURLAND