Organistablaðið - 01.11.1983, Side 13

Bókarfregn
f októbermánuði kom út Tónlistarsaga, eftir
Pál Kr. Pálsson. I formála segir höfundur:
„Þetta ágrip tónlistarsögu er í 16 áföngum.
Fyrstu 8 áfangarnir eru ad miklu leyti byggðir á
History of Music in Sound, 27 hljómplötum,
HLP 1-27, sem út komu hjá His Masters Voice
áríð 1956. Til þess að hafa full not af ágripinu er
æskilegt að hafa þessar plötur við hendina,
enda vitnað í þær í textanum. Tóndæmin eru
tölusett með hlaupandi númerum auk númera á
plötunum.
Seinni hlutinn, 9.-16. áfangi, er samantekt úr
ýmsum bókum. Tónverk til umfjöllunar eru
tilgreind, en þar koma að sjálfsögðu önnur
tónverk og aðrar plötur einnig til greina við
námið.
Þar eð Rússland og Pólland liggja að mestu
leyti utan hinnar hefðbundnu músiksögu, að því
er séð verður af kunnustu kennslubókum, þótti
rétt að gera þeim þjóðum stuttlega skil sérstak-
lega. Sama gildir í raun um þjóðir sem fjallað er
um í 12. áfanga. 13.-16. áfanga fylgja ævirásir,
viðburðir i lífi meistaranna raktir í tímaröð.
I viðbæti er stutt ágrip af formfræði, en hún er
snar þáttur tónlistarsögu, ennfremur ádöl sögu-
legra viðburða til glöggvunar á samhengi við
almenna mannkynssögu. Loks fylgir skrá um
helstu heimildarrit.
Páli Halldórssyni þakka ég fyrir teikningu á
nótnadæmum. Sérstakar þakkir færi ég Ásbirni
Jóhannessyni verkfræðingi, fyrir prófarkalestur
og alla aðra aðstoð við undirbúning og útgáfu
þessa rits. Ennfremur þakka ég skólastjóra
Tónskólans, Sigursveini D. Kristinssyni, en án
forgöngu hans hefði bókin aldrei verið gefin út."
Mikill fengur er að bókinni. Okkur hefur lengi
vantað kennslubók í tónlistarsögu, hér er því
baett úr brýnni þörf. Ég álít að höfundi hafi tekist
mjög vel að koma miklu efni til skila með látlausri
og einarðri framsetningu sem er auðskilin. Full
ástæða er til að benda mönnum á að fá sér
eintak. Þarna er mikinn fróðleik að finna. K.S.
Aðalfundur F. í. O.
Haldin í Hvassaleitisskóla 23. okt. 1983
I skýrslu formanns, Kristjáns Sigtryggssonar,
kom fram að árangur hefði náðst í starfi
stjórnarinnar að því að fá viðurkenningu stjórn-
valda á því að organisti sem tekur laun skv.
kjarasamningi F.I.O. við Reykjavíkurprófasts-
dæmi geti verið fastráðinn kerinari við tónlistar-
skóla.
Einnig kom frarn áætlun um mánaðarlega
fundi í vetur, sem verða haldnir í ýmsum kirkjum.
Verðursáfyrsti 20. nóv. kl. 16.30 í Háteigskirkju.
f umræðum um Organistablaðið kom í Ijós að
ýmsir opinberir sjóðir sem hafa styrkt útgáfu
þess og fengið í staðinn eitt eintak af hverju blaði
sem n.k. greinargerð fyrir því hvernig fjárveit-
ingunni hefur verið varið, hafa ekki hækkað
framlög sín nægjanlega síðustu árin þannig að
„skýrslan" er orðin verðmætari en styrkurinn.
Haukur Guðlaugsson ræddi um Bach árið
1985, sem raunar verður alþjóðlegt músíkár,
enda eiga þrjú önnur tónskáld stórafmæli þá:
Hándel, Scarlatti og Berg. Haukur situr í nefnd
sem á að samræ'na tónleikahald í tilefni
þessara afmæla og eru organistar hér með
beðnir að tilkynna honum áform sin um slíka
tónleika.
Haukur brýndi menn til þess að taka sig
saman og spila öll orgelverk J.S. Bach á
afmælisárinu. Auk þess minnti hann á fyrirhug-
aðan flutning á úrdrætti úr Matteusarpassíu
Bachs með íslenskum texta Þorsteins Valdi-
marssonar. Verður kórfólk kallað saman á einn
stað til æfinga þrisvar á næsta ári.
Á fundinum voru teknir inn tveir nýir félagar:
Hilmar Örn Agnarsson, organisti við Strandar-,
Hjalla- og Þorlákskirkjur, og Þóra Guðmunds-
dóttir, Reykjavík.
í stjórn voru kosnir:
Kristján Sigtryggsson, formaður
dr. Orthulf Prunner, gjaldkeri
Glúmur Gylfason, ritari.
Varastjórn:
Jakob Tryggvason, varaform.
Haukur Guðlaugsson.
Endurskoðandi:
Gústaf Jóhannesson og til vara Einar Sigurðs-
son.
ORGANISTABLAÐIÐ 13