Organistablaðið - 01.09.1984, Blaðsíða 22

Félagsfundur
F.Í.O.
Almennur félagsfundur F.Í.O. var hald-
inn í Hvassaleitisskóla 26.3. 1984.
Úrdráttur úr fundargerð:
„Aðalumræðuefni: Afmælisár J.S.
Bach, 1985. Formaður setti fund og kynnti
áform Söngmálastjóra og stjórnar F.Í.O.
um skipulega orgeltónleika á því ári og
fram á 1986 þar sem leikin yrðu öll
orgelverk J.S. Bach.
Haukur Guðlaugsson kynnti nánar til-
högum og svaraði fyrirspurnum frá fundar-
mönnum, sem voru 14. Tóku þeir flestir til
máls og lýstu allir sig fylgjandi hugmynd-
inni.
Þótt kosta hljóti mikið makk
megum því samt fagna
ef spila á Bastian J. Bach
bráðum upp til agna.
I umræðunum skýrði Marteinn H. Frið-
riksson frá því að nýtt orgel yrði komið í
Dómkirkjuna fyrir jól 1985. Aðspurður um
afdrif þess gamla lýsti hann þeirri hug-
mynd að selja það pípu fyrir pípu í
minjagripi og fjármagna þannig að hluta
kaupin á hinu nýja. Eigi vakti áform þetta
neina hrifningu organista, en það gerði
hins vegar eftirfarandi breytingartillaga:
Marteinn segist svaka heppinn
að sleppa nú við gamla kleppinn,
en ætli kirkjan ei á hreppinn,
öll má selja rauðu teppin.
Marteinn tók þá óðar til máls og sagði
tillöguna óþarfa þar sem örlög teppanna
væru þegar ráðin. Þeim yrði öllum rúllað út
úr kirkjunni við komu nýs hljóðfæris.
Viðbrögð fundarmanna voru öll á einn
veg og var bókuö sérstök hvatning til þess
að eigi færi leynt er teppin yröu fjarlægð úr
Dómkirkjunni svo að það gæti orðið öðrum
til eftirbreytni. Sá organisti í Rvk. sem
mestur er á velli lét eftirfarandi vísu berast
nafnlausa til ritara:
Dreyrarauður dregillinn
Dómkirkjunni spillti.
Um sveitir allar slæddist inn,
sóknarnefndir villti.
Rætt var um hvaða orgel kæmu til
greina viö tónleikahaldið. Leist mönnum
nú mun betur en áiur á Dómkirkjuna.
Neskirkjuorgelinu var einkum fundið til
foráttu að undanfarin ár hefur orðið að
skorða blýant á milli stýritakkanna til að
halda þeim í réttum skorðum. Á fundinum
taldi Reynir Jónasson líkur á aö þetta yrði
komið í lag 1985.
En nú mun verða skipt um skjótt
skal burt dregill rekinn
og Reyni bráður betur rótt
þá blýant burt er tekinn.
Að gefnu tilefni lagði Haukur Guð-
laugsson fram eftirfarandi tillögu sem var
samþykkt samhljóða:
„Fundur haldinn í F.l’.O. 26.3. 1984
mælist til þess að eigi sé gengið á
hefðbundinn rétt organista til að velja lög
við sálma. Prestar hafi þó tillögurétt en eigi
úrslitavald í bessu efni.“
Fleira eigi rætt. ‘
Glúmur Gylfason, ritari
Organistablaöiö
Útg. Félag íslenskra organleikara
Kristján Sigtryggsson ábm.
Prentað í Borgarprent
22 ORGANISTABLAÐIÐ