Organistablaðið - 01.10.1984, Qupperneq 10

mega menn ekki gagnrýna þau lög og þær útsetningar, sem þeir vilja.
Ástæöan er einföld. Ég hefi alltof lengi horft upp á þaö að dr. Hallgrími liðist
svaralaust aö gera sem minnst úr tónsmíðum dr. Páls og öllu hans
tónlistarstarfi.
Ekki veit ég af hvaða hvötum dr. Hallgrímur telur sig knúinn til þessara
verka. Sjálfsagt eru til skýringar á því en þær réttlæta ekki að maður sem
fór með eitt af æðstu tónlistarembættum landsins reyni að ófrægja starf
þess íslendings, sem þjóðin hefir dæmt sem einn sinn besta og merkasta
son. Dr. Páll var umdeildur, svo er ailtaf um menn hans gerðar. Mér eru hins
vegar minnisstæð ummæli þess (slendings, sem ég tel á seinni árum hafa
lagt hvað mest til tónlistarmála hér á landi og unnið ómetanlegt starf. Þar á
ég við Ingólf Guðbrandsson, söngstjóra. Hann sagði mér, að þegartónlistar-
forusta landsins með yfirmenn menntamála í fararbroddi hefðu reynt að
þegja Pólyfónkórinn í hel, hefði dr. Páll staðið sem klettur við hlið sér með
hvatningum, ávallt reiðubúinn til hjálpar og undirleiks. Ef til vill hefur dr. Páll
haft hæfileika til þess að leggja dóm á það, sem var einhvers virði en ekki
skap til þess að eyða kröftum í hluti sem hann mat ekki fyrirhafnarinnar virði.
Dr. Páll var, eins og þeir sem hann þekktu vita, hreinskilinn maður.
íslensk tónlistarsaga verður ekki rakin án þess að dr. Páls sé rækilega
getið, þótt það verði ekki séð í þeirri sögu, sem dr. Hallgrímur hefurskráð.
Engum dytti t.d. í hug að skrá heimstónlistarsöguna án ítarlegrar
greinargerðar um Beethoven og skipti ekki nokkru máli hvaða álit höfundur
hefði á tónlist hans.
Ætli fræðimenn sér að verða teknir alvarlega og eigi fræðin að verða
trúverðug mega þeir hinir sömu ekki falla í þann brunn að láta óvild stýra
penna. Megi dr. Hallgrími auðnast að byrgja þann brunn.
Hafnarfirði í desember 1984
Ingimar Sigurðsson, lögfrœðingur
Organistablaðið
Útg. Félag íslenskra organleikara
Formaður: Kristján Sigtryggsson, gjaldkeri Orthulf Prunner
ritari: Glúmur Gylfason
Afgreiðslumaður blaðsins: Þorvaldur Björnsson
Efstasundi 37 R.
Prentað í Borgarprent.
Kristján Sigtryggsson ábm.
ÍO ORGANISTABLAÐIÐ