Skólablaðið - 01.12.1957, Qupperneq 20

52
I
KENNSLA í viðskiptafræðum var tek-
upp við Háskóla fslands árið 1941, en
áður hafði Viðskiptaháskóli fslands starf-
að um þriggja ára skeið. Með viðskipta-
fræðum er í þessu sambandi átt við ýms-
ar greinar, sem þekking á er talin mikil-
væg fyrir menn, sem gegna ábyrgðarstöð-
um í efnahagslífinu. Má þar fyrst og
fremst nefna hagfræði, enda er nám í
hagfræði og haglýsingu um það bil helm-
ingur viðskiptafræðinámsins, ef miðað er
við fjölda þeirra fyrirlestra, sem student-
um er ætlað að hlýða. Um það bil fjórð-
ungur námsins er helgaður bókfærslu,
reikningshaldi og skattaskilum, og síðasti
fjórðungurinn dreifist á lögfræði, tölfræði,
viðskiptareikning, enskar bréfaskriftir og
heimspeki. Farið er yfir allt námsefnið
á þremur árum, svo að namstími stud-
enta í deildinni er að jafnaði 3-4 ár.
Námstilhögun er frábrugðin því, sem
tíðkast í öðrum deildum háskólans, að
því leyti, að deildinni er eigi skipt í
hluta eftir því, hve nemendur eru langt
komnir í náminu, heldur hlýða allir sam-
eiginlega á fyrirlestra og geta tekið próf
í hverri námsgrein fyrir sig, þegar er
yfirferð í henni er lokið, (þó með þeim
undantekningum, er síðar verður vikið að),
og auðveldar þetta að sjálfsögðu nokkuð
próflestur.
Skal nú vikið nánar að tilhögun
kennslu í hinum einstöku greinum.
Hagfræðinni er skipt í þjóðhagfræði, þar
sem fjallað er um vandamál þjóðarbuskap-
arins í heild, og rekstrarhagfræði, þar
sem tekin eru til meðferðar vandamál
hinna ýmsu fyrirtækja í atvinnulífinu.
Rekstrarhagfræði er aftur greind í al-
menna rekstrarhagfræði, er fjallar um
sameiginleg vandamál allra fyrirtækja,
og sórgreinda rekstrarhagfræði, er hins
vegar fjallar um einkenni og vandamál
hinna einstöku fyrirtækjategunda. Almenn
rekstrarhagfræði er kennd 3 stundir í
viku í 3 ár. Eitt ár af hverjum þremur
er farið yfir rit um kostnað og verð-
ákvörðun fyrirtækja. Hér er um að
ræða nokkuð flókið efni, og áreiðanlega
mjög skynsamlegt að fylgjast vel með
þessum fyrirlestrum. Næsta ár er svo
farið yfir bækur, sem fjalla um skipu-
lagningu, staðarval og fjármál fyrir-
tækja - allmiklu aðgengilegra efni en
hið fyrr nefnda. Þriðja árið er svo far-
ið yfir tvær bækur um sölu fyrirtækja.
Þjóðhagfræðinni er skipt í almenna
þjóðhagfræði annars vegar og hagnýta
þjóðhagfræði og fjármálafræði hins veg-
ar. Almenni hlutinn er kenndur 3 stund-
ir í viku í 2 ár, þannig að farið er
tvisvar sinnum yfir sömu bókina 2 ar af
hverjum 3. Þessi bók fjallar um undir-
stöðuatriðin í allri hagfræði og er því
nauðsynlegt að kynna sér efni hennar
þegar í byrjun námstímans til þess að
geta öðlast betri skilning á því, sem a
eftir kemur.
Þjóðhagfræði, hagnýt og fjármála-
fræði er kennd 3 stundir í viku í 2 ár,
þannig að annað hvort ár er farið yfir
bækur um peninga- og bankamál og
samningu þjóðhagsreikninga, en hitt arið
velferðarhagfræði og fjármálafræði.
Þetta er allyfirgripsmikið efni og tor-
skilið á köflum og flestum reynist
heilladrýgst að njóta tilsagnar prófess-
oranna eftir föngum.
Almenn bókfærsla er kennd student-
um á fyrsta ári, 3 stundir í viku, og er
ætlazt til þess, að þeir Ijuki prófi í
henni þegar á fyrsta vori, þar sem hun
er nauðsynleg undirstaða öllu frekara
námi í bókfærslu og reikningshaldi. -
Sem beint framhald þessa náms eru
hafðar verklegar æfingar í bókfærslu,
skipulagningu bókhaldskerfa, endurskoð-
un og skattaskilum 4 stundir í viku 2
næstu ár.
Reikningshald er kennt 3 stun.dir í
viku eitt ár af hverjum þrem. Þar er