Morgunblaðið - 07.12.2009, Blaðsíða 18

18 Umræðan MINNINGAR
MORGUNBLAÐIÐ MÁNUDAGUR 7. DESEMBER 2009
✝ Agnar Þór Hjart-ar fæddist í
Reykjavík 9. júlí
1947. Hann lést á
líknardeild Landspít-
alans í Kópavogi 28.
nóvember. Foreldrar
hans eru Birna
Björnsdóttir, hús-
móðir í Reykjavík, f.
18.9. 1927, og William
R. Catron, tann-
læknir frá Kentucky í
Bandaríkjunum, f.
14.8. 1926, d. 19.11.
1962. Hálfsystur Agn-
ars, sammæðra, eru 1) Magnea Sig-
rún Jónsdóttir, f. 18.4. 1951, maki
Jónas Guðmundur Halldórsson, f.
22.2. 1952. 2) Hanna Þórunn Skúla-
dóttir, f. 7.7. 1966, maki Kristján Þ.
Hallbjörnsson, f. 9.2. 1957. 3) Áróra
Hrönn Skúladóttir, f. 5.10. 1970,
maki Heimir Guðjónsson, f. 3.4.
1969. Agnar á tvo hálfbræður og
eina hálfsystur, samfeðra, sem bú-
sett eru í Bandaríkjunum.
Hinn 19. apríl 1969 kvæntist
Agnar Guðrúnu Önnu Antonsdótt-
ur, bankastarfsmanni, f. 21.12.
1948. Foreldrar hennar eru Anna
Katrín Jónsdóttir, húsmóðir í
Reykjavík, f. 29.4. 1920, og Friðrik
Anton Högnason, bifreiðastjóri, f.
12.3. 1928, d. 16.11. 1973. Synir
Agnars og Guðrúnar eru 1) Hörð-
ur, rafvirki, f. 14.8. 1969. 2) Hauk-
ur, mannfræðingur, f. 21.6. 1977,
kvæntur Kolbrúnu
Benediktsdóttur lög-
fræðingi, f. 19.5.
1978. Börn þeirra eru
a) Rósa, f. 12.1. 2006,
d. 12.1. 2006, b) Sig-
urrós, f. 29.5. 2007, c)
Vilhjálmur, f. 25.5.
2009.
Agnar ólst upp í
Smáíbúðahverfinu í
Reykjavík. Hann lauk
gagnfræðaprófi frá
Réttarholtsskóla,
stundaði síðan nám
við Verslunarskólann
og lauk þaðan prófum. Agnar hóf
störf hjá Véladeild Sambands ís-
lenskra samvinnufélaga í Ármúla
1965 og starfaði hjá SÍS í tuttugu
og sjö ár, lengst af sem deild-
arstjóri í varahlutadeild. Hann
starfaði síðan skamma hríð hjá Vél-
um og þjónustu, síðan hjá Bílaum-
boðinu, stundaði eigin rekstur um
skeið og hóf störf hjá Bílanausti
1995. Frá júlí 2002 hefur Agnar
starfað hjá Poulsen hf., lengst af
sem innkaupastjóri.
Agnar var virkur í starfi Frímúr-
arareglunnar í Reykjavík og starf-
aði með þeim frá 1987. Hann
gegndi ýmsum trúnaðarstörfum
fyrir félagsskapinn.
Útför Agnars fer fram frá Víði-
staðakirkju í Hafnarfirði í dag,
mánudaginn 7. desember, og hefst
athöfnin kl. 13.30.
Það er svo óskaplega erfitt að
skilja að þú, elsku pabbi, sért far-
inn frá okkur. Það hafa verið for-
réttindi að eiga þig að föður og
allra besta vini. Þú ert svo stór
hluti af öllum mínum minningum.
Þú varst alltaf til staðar með þitt
örugga, heiðarlega og kærleiksríka
fas. Þú hvattir mig áfram og leið-
beindir en lést mig aldrei komast
upp með annað en að taka ákvörð-
un sjálfur þó að þú værir auðfús
að gefa ráð. Og ráð þín og álit
skiptu miklu máli. Þú gafst mér
besta veganesti sem nokkur getur
gefið, ást þína og umhyggju. Allt
sem þú gerðir var gert af vand-
virkni og heilum hug.
Síðustu vikurnar sem þú lifðir
sást glöggt hve trú þín var einlæg
og sönn og hvílíkan frið hún veitti
þér. Hún veitti þér sálarró og
Agnar Þór Hjartar
SÍÐUSTU daga hef-
ur verið nokkur um-
fjöllun í fjölmiðlum um
væntanlega skýrslu
rannsóknarnefndar Al-
þingis og birtingu
hennar, sem og kosn-
ingu sérstakrar þing-
mannanefndar til að
fjalla um niðurstöður
skýrslunnar. Til að
eyða öllum misskilningi
vil ég taka skýrt fram að skýrsla
rannsóknarnefndarinnar verður birt í
heild sinni um leið og hún verður af-
hent Alþingi. Aldrei hefur staðið til að
hafa annan hátt á í þeim efnum. Jafn-
framt er mikilvægt að Alþingi, sem
setti rannsóknina af stað, sé vel undir
það búið að taka við skýrslunni.
Frumvarpi forsætisnefndar Alþingis,
um kosningu sérstakrar þingmanna-
nefndar, er ætlað að tryggja að niður-
stöður rannsóknarnefndarinnar fái
eðlilega meðferð innan þingsins.
Rannsókn á ábyrgðinni
á bankahruninu
Þegar rannsóknarnefnd Alþingis
var komið á fót var meginhlutverk
hennar að leita sannleikans um
ástæður bankahrunsins og lýsa af-
stöðu sinni til þess hverjir beri
ábyrgð á því. Rannsóknarnefndinni
var hins vegar ekki falið að úrskurða
um sekt og sakleysi manna eða
ákveða hvernig bregðast eigi við.
Málinu lýkur því ekki þegar skýrsla
rannsóknarnefndarinnar liggur fyrir
heldur verður að fylgja niðurstöðum
hennar eftir. Þannig munu sérstakur
saksóknari og einstök ráðuneyti,
dómstólar og stjórnvöld þurfa að
vinna úr ábendingum rannsóknar-
nefndarinnar um mögulega ábyrgð
einstakra manna á því sem gerðist í
aðdraganda bankahrunsins. Það
kemur hins vegar í hlut Alþingis að
fjalla almennt um skýrsluna, m.a. í
þeim tilgangi að draga megi lærdóm
af því sem gerðist haustið 2008.
Nokkuð hefur borið á efasemdum
um að Alþingi sé réttur
aðili til að fylgja
skýrslu rannsóknar-
nefndarinnar eftir. Í
okkar lýðræðissam-
félagi er Alþingi eina
stofnunin sem hefur
lýðræðislegt umboð til
að ráða fram úr sam-
eiginlegum hagsmuna-
málum þjóðarinnar og
segja handhöfum fram-
kvæmdarvaldsins fyrir
verkum. Þá bera ráð-
herrar ábyrgð á emb-
ættisathöfnum sínum gagnvart Al-
þingi og þingið getur eitt tekið
afstöðu til þess hvort tilefni sé til að
ákæra ráðherra samkvæmt 14. gr.
stjórnarskrárinnar. Þess vegna er
það beinlínis hlutverk Alþingis að
leggja mat á viðbrögð ráðherra og
annarra stjórnvalda í þessu máli,
draga lærdóm af mistökum og bæta
úr því sem aflaga hefur farið. Þó að
hrun fjármálakerfisins sé á ýmsan
hátt sneypa fyrir ríkisvaldið, verður
ekki undan því vikist að Alþingi fjalli
um það út frá þessum forsendum.
Tryggja þarf
vandaða þingmeðferð
Í frumvarpi forsætisnefndar er
umfjöllun Alþingis um niðurstöður
rannsóknarnefndarinnar sett í ákveð-
inn farveg. Þar er leitast við tryggja
að skýrslan fái vandaða og ítarlega
meðferð og að viðbrögð þingsins
verði bæði fumlaus og skýr. Á Alþingi
er enginn föst eftirlitsnefnd eins og
víða í nágrannalöndum okkar. Því er
fyrirhugað að kjósa níu manna þing-
mannanefnd sem er ætlað að fara
vandlega yfir skýrslu rannsóknar-
nefndarinnar og móta viðbrögð Al-
þingis við niðurstöðum hennar. Henni
er síðan ætlað að skila skýrslu til Al-
þingis ásamt tillögum að öðrum þing-
málum eftir því sem efni máls krefur.
Þingmannanefndin getur leitað að-
stoðar sérfræðinga í störfum sínum .
Eins getur hún falið einum eða fleiri
sérfróðum aðilum að rannsaka ein-
stök atriði og gefa sér skýrslu um nið-
urstöðuna. Stjórnskipanin leyfir aftur
á móti ekki að aðrir en þingmenn eigi
hlut í flutningi þingmála. Því verður
nefnd sem er ætlað þetta hlutverk að
vera skipuð þingmönnum, en ekki
utanþingsmönnum. Þá er mikilvægt að
skipan nefndarinnar endurspegli eftir
fremsta megni litróf stjórnmálanna á
Alþingi. Því hefur forsætisnefnd mælst
til þess að þingflokkarnir komi sér
saman um einn lista við kjör í nefndina,
þar sem allir þingflokkarnir eiga a.m.k.
einn fulltrúa.
Ekki er á þessu stigi hægt að
ákvarða viðfangsefni þingmannanefnd-
arinnar. Það mun ráðast af umfjöllun
rannsóknarnefndarinnar og niður-
stöðum hennar. Væntingar standa þó
til þess að skýrsla hennar geti orðið
faglegur grundvöllur að almennu upp-
gjöri málsins og að íslensk stjórnmál
og samfélagið í heild geti dregið af því
einhvern lærdóm. Þá má ætla að þing-
mannanefndin muni fylgja eftir ábend-
ingum rannsóknarnefndarinnar um
breytingar á lögum og reglum.
Við það er miðað að þingmanna-
nefndin geri grein fyrir athugun sinni í
áliti sem lagt verður fyrir Alþingi. Þar
verður eftir atvikum unnt að gera til-
lögu eða tillögur til þingsályktunar
sem kæmu til afgreiðslu við lok um-
ræðunnar um skýrsluna. Þó að ekki sé
í frumvarpi forsætisnefndar settur
ákveðinn tímafrestur fyrir athugun
þingmannanefndarinnar er eftir sem
áður er mikilvægt að hraða meðferð
málsins eftir fremsta megni og að þing-
mannanefndin setji sér skýr markmið í
þessu efni. Þá mun ég sem þingforseti
gera mér far um að tryggja þing-
mannanefndinni sem besta aðstöðu til
að sinna verkefni sínu, bæði með að-
stoð skrifstofu þingsins og sérfræð-
ingum utan hennar.
Hlutverk þingmannanefndar
við meðferð skýrslu rann-
sóknarnefndar Alþingis
Eftir Ástu R.
Jóhannesdóttur »Rannsóknarnefndinnivar hins vegar ekki
falið að úrskurða um sekt
og sakleysi manna eða
ákveða hvernig bregðast
eigi við.
Ásta Ragnheiður
Jóhannesdóttir
Höfundur er forseti Alþingis.
LÍFIÐ tekur mikl-
um breytingum þegar
sorgin vitjar og staðið
er frammi fyrir andláti
ástvinar. Ekkert er
eins og áður og það
reynir á að læra að lifa
með þeirri reynslu sem
sorgin er. Sorgin lætur
engan ósnortinn og er
hluti af mannlegu lífi.
Allar manneskjur mæta sorginni fyrr
eða síðar á lífsleiðinni það er einungis
spurning um tíma eða stund. Þjóð-
kirkjan sinnir eftirfylgd við syrgj-
endur og starfsfólk hennar veitir sér-
hæfða sálgæslu og stuðning til þess
að takast á við þá sáru reynslu sem
sorgin er. Þess má jafnframt geta að
ýmsar einingar á Landspítala og
Hjúkrunar- og ráðgjafaþjónustan
Karitas hafa skipulagt eftirfylgd sem
hluta af þeirri þjónustu sem verið er
að veita. Eftirfylgdin felst í því að
syrgjendum er fylgt eftir í ákveðinn
tíma eftir andlát ástvinar með ýmsum
hætti og m.a. er boðið til sam-
verustunda reglubundið.
Undanfarin ár hefur sérstök sam-
vera verið haldin á aðventu fyrir
syrgjendur að frumkvæði fagfólks
innan heilbrigðisþjónustunnar í sam-
starfi við þjóðkirkjuna en slík sam-
vera var haldin í fyrsta skipti fyrir tíu
árum í Grensáskirkju. Samveran er
ætluð þeim sem eiga um sárt að binda
og er þeim boðið til kirkju á aðventu.
Markmiðið er að koma saman fyrir
jólin til að veita stuðning í tengslum
við undirbúning jólanna og jólahald. Í
samverunni er áhersla lögð á sam-
félagið og gildi þess að koma saman
til þess að hljóta stuðning, uppörvun
og styrk. Tónlistin skipar stóran sess,
jólasálmar eru sungnir, hugvekja er
flutt og tónlistarfólk bæði leikur á
hljóðfæri og syngur. Hápunktur sam-
verunnar er minningarstund þar sem
tendruð eru ljós um alla kirkjuna til
að minnast látinna ástvina. Ljósið,
Jesús Kristur, sem jólahátíðin vitnar
um er þungamiðjan og ítrekað er
mikilvægi þess að horfa til ljóssins,
leyfa því að varða vegferðina og vísa
leiðina í myrkri sorgar og erfiðleika.
Samveran hefur fest sig í sessi og
er orðin fastur liður í starfi þjóðkirkj-
unnar í samstarfi við Landspítala og
Hjúkrunar- og ráðgjafaþjónustuna
Karitas. Hvatning og undirtektir
þeirra sem sótt hafa samverurnar
hefur orðið til þess að þetta starf hef-
ur vaxið og er orðinn ómissandi þátt-
ur fyrir marga. Sumir koma á hverju
ári og margir hafa tjáð sig um gildi
þess að safnast saman með fólki sem
er að takast á við sambærilega
reynslu. Við sem höfum frá upphafi
tekið þátt í undirbúningi þessa starfs
höfum fengið að heyra vitnisburði
syrgjenda um samverurnar og þeir
vitnisburðir hafa hvatt okkur til þess
að halda áfram þessu starfi ár eftir
ár. Það er sterkt að heyra setningar
og orð eins og „Þetta er í fyrsta skipti
sem ég hef farið í kirkju frá því útför
ástvinar míns fór fram“ eða „Ég
kveið því að fara í kirkju á að-
fangadagskvöld, en þessi samvera
hefur hjálpað mér að mæta þeim
kvíða“ og „Mér finnst svo gott að fá
tækifæri til þess að syngja jólasálm-
ana áður en jólin koma og búa mig
þannig undir komu þeirra“. Einnig
hafa sumir syrgjendur sagt „að það
sé svo gott að fá tækifæri til að hitta
aftur fólkið sem sinnti fjölskyldunni á
þessum erfiða tíma í lífinu“. Í ár verð-
ur samvera á aðventu fyrir syrgj-
endur í Grensáskirkju 10. des.
Samvera á aðventu
Eftir Rósu Krist-
jánsdóttur og Guð-
laugu Helgu Ás-
geirsdóttur
» Samveran er ætluð
þeim sem eiga um
sárt að binda og er þeim
boðið til kirkju á að-
ventu. Markmiðið er að
veita stuðning við und-
irbúning jólanna.
Rósa
Kristjánsdóttir
Rósa Kristjánsdóttir er djákni, Guð-
laug Helga Ásgeirsdóttir er sjúkra-
húsprestur.
Guðlaug Helga
Ásgeirsdóttir
✝ Tryggva Guð-mundsdóttir Söe-
bech fæddist 25. júlí
1914 á Akureyri. Hún
lést á Dvalarheimilinu
Hlíð 26. nóvember sl.
Foreldrar hennar
voru Guðmundur Haf-
liðason, fæddur í
Fljótum, Skag., 6. apr-
íl 1874, og Stefanía
Tryggvadóttir, fædd
Hofi á Höfðaströnd,
Skag., 10. mars 1873.
Tryggva var næst-
yngst af sex systk-
inum. Sigurlína, f. 1899, d. 1976.
Kristjana, f. 1903, d. 1933. Hafliði, f.
1906, d. 1984. Sigríður f. 1910, d.
1994. Jóhann, f. 1916, d. 1989.
Tryggva giftist Benedikt Péturs-
syni Söebech 22. janúar 1944. Þau
eignuðust 3 börn 1) Sigurgeir, f. 21.
júlí 1945, kvæntur Þuríði Hauks-
dóttur, f. 19. maí 1948. og eiga þau
tvo syni og sex barnabörn. 2) Ágúst-
ína, f. 14 júní 1950, gift Heimi Jó-
hannssyni, f. 26. maí
1949, og eiga þau þrjú
börn og sjö barna-
börn. 3) Pétur, f. 16.
febrúar 1954, d. 19.
mars 1977.
Tryggva ólst upp á
Jarlstöðum í Bárð-
ardal frá átta ára
aldri til fullorðinsára
er hún flutti til Ak-
ureyrar.
Fósturforeldrar
Tryggvu voru systk-
inin Sigurgeir Guðna-
son og Jónína Guðna-
dóttir. Einnig elst upp á Jarlstöðum
systursonur Tryggvu, Hermann
Baldvinsson, f. 19. júlí 1928, d. 1. júlí
2009.
Tryggva vígðist í Hjálpræðisher
Akureyrar 24. janúar 1937 og var
virk þar til heilsu hennar hrakaði.
Tryggva verður jarðsungin frá
Akureyrarkirkju í dag, mánudag-
inn 7. desember, og hefst athöfnin
kl. 13.30.
Elsku mamma mín. Þá er komið að
kveðjustund í bili hjá okkur. Er ég
hugsa til baka frá því að ég var barn
og til fullorðinsáranna, þá eru minn-
ingarnar ljúfar og umhyggju þinni
fyrir okkur er varla hægt að lýsa í
orðum, því ást þín var mikil. Við
bjuggum í sama húsi frá því ég fór að
búa og síðast fluttir þú til mín, þang-
að til þú fórst upp í Hlíð.
Löngu áður barst í tal hjá okkur
elliheimili og þá tókstu það loforð af
mér að ef þú færir þangað, þá myndi
ég ekki gleyma þér þar og sjá til þess
að þú værir alltaf hrein og vel til fara.
Ég vona að ég hafi staðið við þetta
loforð.
Og þau forréttindi sem börnin mín
bjuggu við að hafa afa og ömmu alltaf
í sama húsi eru alveg einstök. Sorg
þín var mikil þegar Pétur bróðir dó,
en þú barst hana af miklu æðruleysi
og eins þegar pabbi féll frá, þá hjálp-
aði trúin þér. Nokkrum vikum seinna
flutti Hafliði bróðir þinn til þín. Og
skrýtið að hugsa til þess hvað þið
nýttuð tíman vel, því þrem mánuðum
seinna dó hann. Og enn og aftur
sannaðist hvað trúin hjálpaði þér
mikið á þessum tímum. Ég veit að þú
hefur fengið góðar móttökur á nýjum
stað. Hvíldu í friði, elsku vina mín, ég
leita huggunar í trúnni eins og þú
kenndir mér. Ég þakka starfsfólki á
Lerkihlíð fyrir kærleika og um-
hyggju sem þau sýndu þér og bið guð
að blessa starf þeirra. Hafðu þökk
fyrir allt, mamma mín.
Þín,
Ágústína (Didda).
Tryggva Guðmunds-
dóttir Söebech