Magni - 01.05.1971, Blaðsíða 4
4
MAGNI'
Laugardagur 1. maí 1971
Frá kjördœmisþingi Framsóknarmanna í Borgarnesi:
Látum þessar kosningar verða þjóðfylk-
ingu um nýja sókn í landhelgismálinu
Kjördæmisþing Sambands
Framsóknarfélaganna í Vestur-
landskjördæmi var haldið í Borg
arnesi laugardaginn 6. marz og
sóttu það um 50 fulltrúar að-
ildarfélaga, auk stjórnar, mið-
stjórnarmanna og formanna fé-
laga, alþingismanna og nokk-
urra gesta. Þingið samþykkti
allmargar ályktanir um kjör-
dæmismál og landsmál, og verða
þær birtar hér í blaðinu nú og
síðar.
Fráfarandi formaður sam-
bandsins, Snorri Þorsteinsson,
setti þingið og bauð fulltrúa
velkomna, svo og ritara Fram-
sóknarflokksins, Helga Bergs,
sem flutti erindi á þinginu.
Að tillögu formanns voru þeir
Þórður Pálmason, fyrrv. kaup-
félagsstjóri og Leifur Jóhannes-
son, ráðunautur, kjörnir þing-
forsetar, en þingritarar Bjarni
V. Guðjónsson, Njáll Gunnars-
son og Guðmundur Sigurðsson.
Snorri Þorsteinsson flutti
skýrslu stjórnarinnar og gerði
fyrst grein fyrir undirbúningi
skoðanakönnunar, er fram fór
á sl. hausti um framboð flokks-
ins í kjördæminu við næstu Al-
þingiskosningar, skipun upp-
stillingarnefndar og starfi henn-
ar. Hann taldi, að vel hefði til
tekizt um skipan listans í heild,
þótt í öndverðu hefði komið
fram nokkur ágreiningur um
skipun í einstök sæti hans, og að
lokinni ákvörðun mundi ríkja
um hann góð eining.
Þá skýrði formaður frá því,
að stjórn sambandsins hefði sam
ið um að fá til umráða mál-
gagn Framsóknarmanna á Akra
nesi, Magna, fram yfir Alþingis-
kosningarnar, og yrði Magni
málgagn sambandsins í kjördæm
inu fram yfir kosningar.
Hann kvað starf sambands-
félaga hafa verið misjafnt, en
sum félögin hefðu starfað af
töluverðu fjöri. Snorri gat þess
að lokum, að hann mundi nú
ekki gefa kost á sér lengur til
formennsku í sambandinu, en
hann hefur gegnt henni óslitið
síðan 1963. Hann þakkaði með-
stjórnendum sínum gott og
ánægjulegt samstarf.
ERINDI HELGA BERGS
Þessu næst flutti Helgi Bergs
ritari Framsóknarflokksins er-
indi um starf og málflutning
Framsóknarflokksins. Helgi
ræddi m.a. að nokkru væntanleg
verkefni næsta flokksþings, sem
haldið var í þessum mánuði, en
þau yrðu að sjálfsögðu ekki sízt
mótun væntanlegrar kosninga-
baráttu í heild. Einnig væru
breytingar á lögum flokksins á
dagskrá þingsins, og rætt mundi
verða um breytingar á tilhögun
sjálfs flokksþingsins. Ræddi
hann þessi mál allýtarlega.
Hann ræddi einnig stefnu Fram-
sóknarflokksins í ýmsum mál-
um, þar á meðal landhelgis-
málinu, og væri það m.a. krafa
Framsóknarflokksins, að Al-
þingi lýsti þegar yfir vilja og
rétti Islendinga til að færa fisk-
veiðilandhelgina út í 50 mílur
að minnsta kosti.
Helgi ræddi einnig um stjórn-
sýsluna í landinu og menntamál
og margt fleira. Loks minntist
hann á kosningarnar, sem fram
undan eru og hvatti til öflugrar
baráttu, þar sem eitt þingsæti
gæti vel ráðið úrslitum um mögu
leika núverandi stjórnarflokka
og framhaldandi samstarfs um
ríkisstjórn, og þingsæti gæti nú
sem stundum áður oltið á einu!
einasta atkvæði.
Þingfulltrúar gerðu góðan
róm að þessu langa og ýtar-
lega erindi Helga.
Alexander Stefánsson tók til
máls á eftir Helga, þakkaði hon-
um ágætt erindi og minntist á
Siál$hhðslu- og
heyflulningsvagnarnir
ha$a rutt braulina
PEGGY sjálfhleðsluvagninn.
Rúmtak með þurrheysgrindum 18 m'!, með votheys-
grindum 7 m3, hlassþyngd 1750 kg. Auk þess að vera
sjálfhleðsluvagn, má losa sóparann og heygrindur
af og nota vagninn sem alhliða flutningavagn. Verð
ca. kr. 127.000.00.
Kostir Fella vagnanna eru framúr-
skarandi, sem hin langa reynsla við
íslenzkar aðstæður hefur tvímæla-
laust sannað.
Fella vagnarnir eru útbúnir með 2
drifsköftum með öryggistengsli,
sem gefur öryggi í beygjum, mikil
sporvídd 1,8 mtr, sem eykur stöð-
ugleika, belgmikíir hjólbarðar
(11,5x15,8 str.l.), sem eykur stöð-
ugleika og hindrar sporun. Uni-
versal beizli fyrir allar gerðir drátt-
arvéla, sérstaklega styrkt yfir-
grind, sem eykur endingu og ör-
yggi og sóparinn er ekki í gangi
við losun, sem kemur í veg fyrir
óþarfa slit og álag, auk þess, sem
mikið öryggi er í því fólgið.
Bændur! Kynuið yður nýjustu
tækni. Berið saman Fella-
vagnana og aðrar gerðir, og
sannfærizt um, hvar þið gerið
beztu kaupin. Hagkvæmir
greiðsluskilmálar.
LADUP-JUNIOR sjálfhleðsluvagninn
Rúmtak með þurrheysgrindum 23 m3, heildarþyngd
með hlassi 4 tonn. Þetta er afkastamikill og traustur
vagn. -— Verð ca. kr. 160.000.00.
G/obust
LÁGMÚLI 5, SÍMI 815 55
Snorri Þorsteinsson
Bjarni Arason
nauðsyn þess, að Framsóknar-
flokkurinn tæki ekki lengur þátt
í „þögn“ um landhelgismálið og
flytti þingsályktunartillögu um
uppsögn brezka samningsins og
útfærslu landhelginnar.
Þingmenn kjördæmisins fluttu
því næst erindi. Ásgeir Bjarna-
son ræddi aðallega um vegamál
og rafmagnsmál kjördæmisins.
Hann minnti á, að enn vantaði
rafmagn á 185 býli í kjördæm-
inu, og áætlað væri, að það
kostaði 75 millj. að koma sam-
sveiturafmagni á þau. Um vega-
málin ræddi hann almennt, en
minntist þó sérstaklega á Hey-
dalsveg, sem vonir stæðu til,
að lokið yrði 1972.
Síðan ræddi hann um kosn-
ingabaráttuna, og hvernig
Framsóknarmenn ættu að keppa
að því takmarki að koma þrem-
ur mönnum úr kjördæminu á
þing.
Halldór E. Sigurðsson minnt-
ist á kjördæmabreytinguna 1959
og benti á þá annmarka, sem
menn fyndu nú glögglega, að
komnir væru í ljós, stjórnar-
flokkarnir ekki síður en aðrir.
Síðan ræddi hann um efnahags-
málin og minnti á, að síðasti
áratugur hefði markað þau skil
í þjóðarframleiðslu, að fullkom-
ið stökk mætti kalla. Nýting
þessara tekna hefði hins vegar
orðið hörmuleg, og nú væri flest
uppbygging þjóðfélagsins á nið-
urleið í stað þess, að stórtekjurn
ar hefðu átt að verða lyftistöng.
Þetta væri sönnun þess, að efna
hagsmálastefna núverandi ríkis-
stjórnar væri alröng, og það
væru hagsmunir allra lands-
manna, að skipt væri um ríkis-
stjórn. Þeir hagsmunir færðust
beinlínis sífellt nær spurning-
unni um það, hvort þjóðin ætti
að fá að lifa með fullum umráð-
um í landinu og sitja að gögn-
um þess og gæðum einboðið.
Daníel Ágústínusson tók einn
ig til máls og ræddi fyrst um
starfsemi flokksins og næsta
flokksþing. Kvaðst hann álíta,
að breyta þyrfti starfsháttum
flokksþings í því skyni að gera
þá virkari. Hann ræddi einnig
atvinnumál og eflingu útflutn-
ingsatvinnuvega og kvað engan
veginn fráleitt að leita erlends
fjármagns, til uppbyggingar ís-
lenzkra atvinnuvega og hættu-
laust, ef rétt væri að slíkum
samningum staðið. Hann kvaðst
fagna því, að Framsóknarflokk-
urinn ætlaði að knýja á um
landhelgismálið betur en áður
og brýnt væri orðið að færa út
landhelgina og segja upp samn-
ingnum við Breta.
Daníel Kristjánsson bar fram
fyrirspurn um það, hvort kom-
andi flokksþing mundi ekki
fjalla um landhelgismálið og af-
greiða yfirlýsingu um það, og
kvað Helgi Bergs lítinn vafa á
því. Helgi ræddi síðan nokkur
atriði, sem fram höfðu komið
í umræðum.
KOSNIN GASTARFIÐ
Snorri Þorsteinsson bar fram
ýtarlega tillögu að skipulagi og
starfsháttum Framsóknar-
manna í kjördæminu við undir-
búning vegna alþingiskosning-
anna, og var hún samþykkt sam
hljóða. Er þar gert ráð fyrir að
ráða kosningastjóra og koma
upp kerfi trúnaðarmanna í
hreppum og kauptúnum, og
kosningaskrifstofur verði opn-
ar a.m.k. í mánuð fyrir kosn-
ingar í Borgarnesi og á Akra-
nesi og hálfan mánuð a.m.k. á
Hellissandi, Ólafsvík, Grundar-
firði, Stykkishólmi og Búðardal-
Þá var og samþykkt heimild
til sambandsstjórnar um að
ganga frá samningi um leigu á
blaðinu Magna fram yfir kosn-
ingar.
Þessu næst var kosið í starfs-
nefndir þingsins, og síðan gert
fundarhlé meðan þær störfuðu,
en eftir kvöldverð hóf þingið
umræður um nefndaálit og af-
greiðslu mála.
KOSNINGAR
Vegna væntanlegs formanns-
kjörs hafði fyrr á fundinum
komið fram ábending um skip-
un uppstillingarnefndar, og var
fallizt á, að viðstaddir formenn
flokksfélaga tækju sæti í henni.
Framsögumaður, Þórarinn Sig'
urðsson, kynnti tillögur nefndar
innar og gerði grein fyrir þeirri
uppástungu, að Bjarni Arason
héraðsráðunautur yrði kosinn
formaður sambandsins. Saro-
þykkti þingheimur tillöguna
með lófataki, og lýsti þingfor-
seti Þórður Pálmason því yfír>
að hann væri rétt kjörinn for-
maður S.F.V.K. — Aðrir í stjórn
voru kosnir:
Fyrir Akranes: Sigurdór Jó-
hannsson. Til vara: Bent Jóns-
son.
Fyrir Borgarfjarðarsýslu: Jón
Þórisson. Til vara: Jón Magnús-
son.
Framhald á bls. 7