Monitor - 12.08.2010, Síða 4

4
„Hver skírir barnið sitt þetta?“ er spurning sem við höfum flest
varpað fram þegar við heyrum af frumstæðum nöfnum í kringum
okkur. Þetta samansafn af furðunöfnum gerir það væntanlega að
verkum að ekkert kemur framar á óvart í nafngiftum.
Fáránlegustu
nöfn heims
John Anthony
Portsmouth Football
Club Westwood
37 ára stuðningsmaður
enska knattspyrnuliðsins
Portsmouth sem Hermann
Hreiðarsson hefur leikið með
undanfarin ár. Westwood lét
bæta „Portsmouth Football
Club“ við nafnið sitt árið 1989,
en hann er einn þekktasti
knattspyrnuáhugamaður
Bretlands og þó víðar væri
leitað. Westwood er með
60 húðflúr tengd liðinu
og búinn að láta
grafa upphafsstafina
PFC í tennur sínar.
Hann mætir á alla
leiki liðsins með
stærðarinnar
Portsmouth-hatt
og bjöllu sem
hann hringir
látlaust meðan
á leikjum
stendur.
Metallica
Árið 2007 háðu sænsku hjónin Michael
og Karolina Tomaro hatramma baráttu við
mannanafnanefnd í Svíþjóð um að fá að skýra
dóttur sína Metallica í höfuðið á samnefndri
rokksveit. Nefndin úrskurðaði að nafnið væri
óviðeigandi, en dómsúrskurður heimilaði nafnið
og Metallica litla fékk að halda nafninu.
Miroslav Satan
36 ára íshokkíleikmaður sem hefur
spilað í Bandaríkjunum um árabil. Satan
er fæddur í gömlu Tékkóslóvakíu, en
þar í landi kippa menn sér lítið upp við
þetta helvíti magnaða eftirnafn. Satan
þykir djöfullega góður á svellinu þannig
að bandarískir íshokkíáhugamenn eru
að mestu hættir að gera grín að nafninu,
enda eru fáir sem þora að gera grín að
sjálfum Satan.
Adolf Lu Hitler Marak
Það verður seint auðvelt að skilja hvers
vegna indversk hjón ákváðu að skíra son
sinn Adolf Hitler þremur árum eftir að
seinni heimsstyrjöldinni lauk. Líklega er
ennþá erfiðara að átta sig á því hvernig
drengurinn náði miklum pólitískum
frama með þetta stórundarlega nafn,
en sú varð raunin með Adolf Lu Hitler
Marak. Hann fæddist árið 1948, hinn 20.
apríl sem er einmitt sami afmælisdagur
og Adolf Hitler átti. Indverski Hitler var
stjórnmálamaður í Meghalaya-fylki og
gegndi meðal annars embætti skógar- og
umhverfisráðherra, áður en hann missti
þingsæti sitt í kosningunum 2003.
Dick Assman
Kanadíski bensínstöðvareigandinn
Dick Assman er 76 ára í dag, en hann
segist aldrei hafa kippt sér sérstaklega
upp við hið einstaka nafn sem hann
ber. Assman varð heimsfrægur á einni
nóttu í júlímánuði árið 1995 þegar David
Letterman uppgötvaði hann og fékk hann
í sjónvarpsþátt sinn. Í kjölfarið fékk hann
gríðarmikla umfjöllun og var beðinn um
að mæta í ótal viðtöl. Um haustið sama
ár var gerð könnun þar sem fram kom
að helmingur Kanadamanna vissi hver
hann var, en í upphafi sumarsins var
hann ekki þekktur af öðrum en vinum
og fjölskyldu. Assman-nafnið er víst
upprunið frá Þýskalandi og kemur af
eftirnafninu Erasmus.
FLESTIR HEFÐU HALDIÐ AÐ MAÐUR MEÐ
SVONA NAFN FÆRI Í KLÁMIÐNAÐINN
DJÖFULL ER
ÞETTA GOTT NAFN
Ten Million
Bandarískur
hafnaboltaleikmaður
sem gerði það gott á
fyrrihluta 20. ald-
arinnar. Var þó alltaf
þekktastur fyrir að
bera þetta óheyrilega
skrýtna nafn og voru
hafnaboltamyndir af
honum sérstaklega
vinsælar meðal safn-
ara. Það mun hafa
verið amma hans sem
sannfærði foreldrana
um að skýra hann
Ten. Þegar Ten sjálfur
eignaðist dóttur
sannfærði hún konu
hans um að skýra hana
Decillian. Sagan segir
að hún hafi borgað
henni 50 dollara fyrir
að gera það.
HVAÐ Á BARNIÐ AÐ HEITA? NÚ
AUÐVITAÐ ADOLF HITLER!
TEN MILLION VAR
HVERRAR KRÓNU VIRÐI
MÁ JOHN WESTWOOD
BÚA HJÁ ÞÉR Í MÁNUÐ?
Monitor FIMMTUDAGUR 12. ÁGÚST 2010