SunnudagsMogginn - 20.03.2011, Blaðsíða 9

20. mars 2011 9
H
ver man ekki eftir
blúsuðu dívunni
Alison Moyet sem
gerði garðinn fræg-
an með dúettinum Yazoo
snemma á níunda áratug síðustu
aldar? Hvað í ósköpunum varð
um hana?
Geneviève Alison Jane Moyet
fæddist í Billericay á Englandi
1961 og verður því fimmtug í
sumar. Hún er af ensku og
frönsku foreldri og lærði meðal
annars píanóstillingar á ung-
lingsárum. Hún var í ýmsum
pönk-, rokk- og blúsböndum í
kringum 1980 en færði sig inn á
miðjuna í poppheimum árið
1982 þegar hún stofnaði rafdú-
ettinn Yazoo ásamt Vince Clark,
fyrrverandi félaga í Depeche
Mode. Í Bandaríkjunum stytti
dúettinn nafn sitt í Yaz til að
forðast rugling við plötuútgáf-
una Yazoo Records. Yazoo sló
strax í gegn með lögum á borð
við Only You og Don’t Go og tók
upp tvær breiðskífur.
Moyet og Clarke leystu sveit-
ina óvænt upp ári síðar og héldu
hvort í sína áttina. Hún stofnaði
til sólóferils á vegum CBS, öðr-
um þræði vegna þess að sú út-
gáfa hafði haft átrúnaðargyðju
hennar, Janis Joplin, á sínum
snærum. Moyet viðhélt vin-
sældum sínum fyrst um sinn
með plötunni Alf, sem var gælu-
nafn hennar á pönkárunum, en
hún náði alla leið á topp breska
vinsældalistans. Þekktasta lagið
af þeirri plötu er líklega All
Cried Out. Þá tróð Moyet upp á
Live Aid-tónleikunum sumarið
1985 ásamt annarri stjörnu sem
lítið hefur farið fyrir í seinni tíð,
Paul Young.
Vinnur að sólóplötu
Á tíunda áratugnum fjaraði
undan Moyet en hún hefur verið
að ná sér á strik undanfarin ár.
Var meðal annars sérstakur
gestur á tónleikaferð Jools Hol-
lands um Bretland á síðasta ári.
Hún vinnur um þessar mundir
að sinni áttundu sólóplötu
ásamt Guy nokkrum Sigsworth.
Fyrir þremur árum komu
Moyet og Clarke aftur saman á
nokkrum tónleikum undir
merkjum Yazoo.
Moyet hefur aðeins reynt fyrir
sér í leikhúsi en eldskírn sína
hlaut hún í söngleiknum Chi-
cago á West End í Lundúnum
fyrir réttum áratug.
Fyrsti eiginmaður Moyet var
hárgreiðslumaðurinn Malcolm
Lee. Þau skildu. Hún var um
tíma í sambandi við rótarann
Kim McCarthy en seinni eig-
inmaður Moyet er skólaleið-
beinandinn David Ballard. Moy-
et á börn með öllum þessum
mönnum, einn son og tvær
dætur.
Hún er harður aðdáandi
knattspyrnuliðs Southend Utd.
Hvað varð um …
Alison
Moyet
Alison Moyet á tónleikum árið 2008. Moyet ásamt Vince Clark á Yazoo-árunum.