SunnudagsMogginn - 24.04.2011, Blaðsíða 31
24. apríl 2011 31
E
iríkur Björn Björgvinsson fæddist á því herrans
ári 1966, sama ár og fyrsta íslenska sjónvarps-
útsendingin fór í loftið. Hann ólst upp sem Fram-
ari í Háaleitishverfinu í Reykjavík fram á ung-
lingsárin en lagði land undir fót 1986 og gerðist
„atvinnumaður“ í knattspyrnu á Húsavík, eins og hann
tekur til orða. „Þar kynntist ég eiginkonu minni, Ölmu Jó-
hönnu Árnadóttur, og hef ekki búið í Reykjavík síðan.“
Eiríkur Björn lauk íþróttakennaraprófi frá Íþróttakenn-
araskólanum á Laugarvatni 1990 og stundaði framhalds-
nám í íþróttafræðum við Íþróttaháskólann í Köln í Þýska-
landi 1990 til 1994. Hann starfaði í framhaldi af því sem
íþrótta- og tómstundafulltrúi á Egilsstöðum og á Akureyri
á árunum 1994 til 2002. Hann hefur starfað sem bæjarstjóri
frá árinu 2002, fyrst á Héraði og nú á Akureyri.
Íþróttir hafa alla tíð skipað stóran sess í lífi Eiríks. „Ég hef
verið svo heppinn að geta nýtt mér reynslu á því sviði bæði
í starfi og leik,“ segir hann.
Úr myndaalbúminu
Eiríkur Björn Björgvinsson bæj-
arstjóri á Akureyri grefur upp
nokkur skemmtileg sýnishorn úr
fjölskyldualbúminu.
Íþróttir í leik og starfi
Frumburðurinn Árni Björn nýfæddur. Hann kom í heiminn á
þjóðhátíðardaginn, 17. júní 1997.
Glókollur í blúnduskyrtu tveggja ára gamall. Æskufélagarnir ég og Halldór Baldvinsson á
góðum sumardegi á Háaleitisbrautinni.
Fimm ára gamall, lengst til vinstri, með foreldrum mínum, Björgvini Ragnari og
Guðnýju Kristjönu, og bræðrum, Hjálmari Valgeiri og Helga Má árið 1971.
Fyrsti Íslandsmeistaratitillinn í knattspyrnu með Fram, 1982. Þessir
drengir eru reynslunni ríkari í dag. Ég er annar frá vinstri í fremri röð.
Nokkuð þekkt mótív! Við hjónin á Indlandi 2006 með hofið Taj Mahal,
eina fegurstu byggingu heims, í baksýn.
Fjölskyldan sumarið 2010; Árni Björn, Alma Jóhanna með Hákon Bjarnar og ég
með Birni Eiðar, skömmu áður en við fluttum til Akureyrar.
Með yngsta soninn, Hákon Bjarnar, sem
fæddist á gamlárskvöld árið 2009.
Myndarlegir bræður; Birnir Eiðar Eiríksson, 2 ára, Árni
Björn sem er að verða 14, og Hákon Bjarnar, 1 árs.
Kynntist eiginkonu minni, Ölmu Jóhönnu
Árnadóttur, ungri Húsavíkurmær, árið 1986.
Í unglingalandsleik á móti Englendingum á
Valbjarnarvelli 1984. Hlotnaðist sá heiður
að vera fyrirliði liðsins í þessum leik en fyr-
irliði Englands var Tony nokkur Adams síðar
fyrirliði Arsenal og enska A-landsliðsins.
Við bræðurnir, Helgi Már og ég, í Atlavík
1974. Þá grunlaus um að eiga síðar eftir að
verða bæjarstjóri sveitarfélagsins. Gott ef
ekki sést í Lagarfljótsorminn í bakgrunni!