Monitor - 26.05.2011, Blaðsíða 6

6 Monitor FIMMTUDAGUR 26. MAÍ 2011
Julianne Hough flaggaði föngulegum línum
sínum í þessum litla svarta kjól frá Camilla and
Marc en það gerði Fergie einnig skömmu áður.
Fergie klúðrar kjólnum með því að reyna að
sýna eins mikið af brjóstunum og mögulegt er
og aftursleikt hárið gerir ekki mikið fyrir hana.
Hough er hins vegar smekkleg með skvísulegt
slegið hár og hefur því vinninginn.
Kardashian-systur keppast í einu og öllu og
í þetta skiptið ákváðu þær Kim og Khloe að
klæðast sama kjólnum með stuttu millibili.
Kjóllinn fer hinni lögulegu Kim mun betur
og liturinn sem hún valdi gerir meira fyrir
dökkhærða. Kim skellti sér einnig í smart
hlébarðaskó við en Khloe fór öruggu leiðina
með svörtum einföldum hælum.
Leikkonan Evan Rachel Wood klæddist sama
kjól og söngkonan Shakira í vetur og tókst
Wood mun betur upp. Reyndar hefði hún mátt
sleppa svörtu beltinu í mittið en Shakira tapar
augljóslega vegna hvítu sokkabuxnanna og
svörtu stígvélanna sem passa alls ekki við
kjólinn. Reyndar lítur út eins og Wood sé líka í
hvítum sokkabuxum en ekki láta blekkjast.
Skvísurnar Eva Mendes og Jenny McCarthy
klæddust báðar þessum ósmarta kjól frá Stellu
McCartney á rauða dreglinum nýlega. McCarthy
ákvað að taka hárið upp og klæddist svörtum
einföldum hælum við en Mendes tók gullgell-
una á þetta og hafði hárið slegið við gyllta skó
og gyllt veski. Stíllinn dæmir jafntefli í þessari
erfiðu viðureign.
Stjörnustríð
„Mig er búið að langa til að gera þetta lengi
en hef ekki þorað að kýla á þetta fyrr en
núna,“ segir Edda Ýr Aspelund sem opnaði
fataverslunina Lólu á Laugavegi 55 í síðustu
viku ásamt kærastanum Haraldi Leví Gunn-
arssyni. „Ég hef mikinn áhuga á fötum og tísku
svo það er langþráður draumur að fá að vinna
í kringum slíkt,“ segir Edda sem er menntaður
textíl- og fatahönnuður.
Persónuleg þjónusta
„Fötin eru í alls konar stílum frá mismunandi
áratugum svo það er úr nógu að velja,“ segir
Edda og bætir við að Lóla reyni að bjóða upp
á hagstæð verð. „Það vantar alltaf vintage-
búðir í miðbæinn og við munum reyna að hafa
úrvalið sem best þó búðin sé lítil,“ segir hún
og bendir á að Lóla sé notaleg búð sem bjóði
upp á persónulega þjónustu. „Búðin er minni í
sniðum en margar og ég verð ein að vinna svo
það verður heimilislegt andrúmsloft í Lólu.“
Eitthvað fyrir alla
Á boðstólnum eru flíkur bæði fyrir herra og
dömur og segir Edda úrvalið svipað fyrir bæði
kynin. „Strákarnir ættu að fagna því við erum
með mikið af vörum fyrir þá,“ segir Edda og
bætir við að allir aldurshópar geti komið og
verslað í Lólu. „Í gær kom eldri kona og keypti
sér blússu svo það er allur aldur að versla hjá
okkur,“ segir Edda ánægð við góðar viðtökur í
fyrstu vikunni. „Fólk er mikið búið að ramba
hérna inn og viðtökurnar hafa verið alveg
frábærar,“ segir Edda spennt fyrir framhaldinu.
Textíl- og fatahönnuðurinn Edda Ýr Aspelund
opnaði vintage-fataverslunina Lólu á Laugavegi
fyrir viku síðan. Stíllinn kíkti í heimsókn og
fékk að vita hvað verður á boðstólnum í Lólu.
Notalegt og
heimilislegt
andrúmsloft
NOTUÐ FÖT Í NOTALEGU
ANDRÚMSLOFTI INNI Í LÓLU
Naomi brúð-
armær Kate
Moss?
Ofurfyrirsæturnar Kate Moss og
Naomi Campbell hafa verið góðar vin-
konur síðan þær sigruðu heiminn á
tíunda áratugnum. Í nýjasta tölublaði
Vogue talar Campbell um brúðkaup
Moss sem fer
fram þann 2.
júlí en hún vildi
ekki gefa upp
hvort hún yrði
brúðarmey í
brúðkaupinu.
„Þá væri ég
að kjafta frá,“
sagði Campbell
sem er mjög
ánægð með að vinkonan Moss sé á
leiðinni upp að altarinu. „Ég er svo
stolt af Kate,“ sagði Cambell og lofaði
einnig tilvonandi eiginmann hennar.
„Ég elska Jamie, hann er sá eini rétti
fyrir hana. Þetta verður yndislegur
dagur og við erum alltaf að tala sam-
an í símann um brúðkaupið,“ sagði
Campbell spennt fyrir brúðkaupsdeg-
inum. Hin fertuga Campbell óttast
ekki að missa djammfélaga sinn til
margra ára þó Moss sé að fara að gifta
sig. „Við munum halda áfram að fara
út á lífið saman, hjónaband mun ekki
breyta Kate.“
Forsetafrú
verslar óléttu-
föt í H&M
Carla Bruni á von á sínu fyrsta barni
með Frakklandsforsetanum Nicolas
Sarkozy og sást versla óléttuföt í
H&M í París um helgina. Samkvæmt
franska tímaritinu Voici eyddi Bruni
300 evrum í búðinni sem jafngilda
um 50 þúsund
íslenskum
krónum.
Talsmenn H&M
vildu ekki tjá
sig um hvort
Bruni verslaði
oft í búðinni
en franska
H&M tísti engu
að síður um
heimsókn forsetafrúarinnar rétt eftir
heimsókn hennar. Mikil óvissa hefur
ríkt um hvort Bruni sé með barni eða
ekki en fjölmiðla fór að gruna ýmis-
legt er hún byrjaði að klæðast víðum
fötum í aprílmánuði. Tengdafaðir
hennar staðfesti fréttirnar nýlega í
þýsku dagblaði og ríkir mikil spenna
fyrir litla krílinu. Bruni á einn tíu ára
son úr fyrra hjónabandi og Sarkozy á
tvo uppkomna syni úr fyrsta hjóna-
bandi sínu og einn 14 ára gamlan son
úr öðru hjónabandi sínu. Bruni og
Sarkozy giftu sig árið 2008, þremur
mánuðum eftir að þau kynntust.
stíllinn