Monitor - 16.06.2011, Qupperneq 10

10 Monitor FIMMTUDAGUR 2. JÚNÍ 2011
og er einn af þeim sem gengur upp að reykingafólki og
hóstar hressilega. Ég er samt farinn að reyna að halda
aftur af mér núna, reykingafólk nennir ekkert að hlusta á
fyrrverandi reykingafólk.
Í nýlegu viðtali sagðist þú verða geðveikur ef þú fengir
ekki að borða á tveggja klukkustunda fresti. Var það
ekki erfitt á tökustað? Það var nú meira en að segja
það. Reyndar eru alltaf einhverjir sem sjá um matinn á
tökustað kvikmynda og hjá okkur var yndisleg stúlka að
sjá um þetta sem heitir Sunna. Ég ræddi við hana áður en
tökur byrjuðu um hvað ég þyrfti að fá þar sem ég væri nú
í þessu prógrammi og hún stóð sig með prýði í að uppfylla
allar þessar sérþarfir mínar. Það var nú reyndar gert mikið
úr því að ég hafi ekki fengið epli á tilskyldum tíma einn
tökudaginn. Ég varð eitthvað pirraður og pínu sár yfir að
fá ekki eplið mitt en auðvitað reddaði Sunna málunum á
örskotsstundu.
Hvernig fannst þér að vinna með Þorvaldi Davíð sem
er nýútskrifaður úr Juilliard? Ég hef unnið með Þorvaldi
áður þegar við lékum saman í söngleiknum Hárinu í Aust-
urbæ árið 2004. Þá var hann ekki byrjaður í leiklistarskóla
og ég fann vel fyrir því að þau eru látin liggja aldeilis yfir
náminu í Juilliard því hann hefur bætt sig alveg svakalega.
Ekki það að hann hafi verið einhver fáviti í Hárinu, þá var
hann mjög hæfileikaríkur og duglegur strákur, en núna er
hann svo þjálfaður og agaður í sínum leik. Hann er alveg
feykilega góður leikari og alveg frábær mótleikari. Það
skiptir svo miklu máli að fá góða mótleikara.
Var hann með einhver góð trikk frá Bandaríkjunum?
Það eru engin trikk í þessu. Þetta er í rauninni eins og
langhlaup. Það eru voðalega lítil trikk en aðallega þjálfun
og Þorvaldur er mjög þjálfaður leikari.
Á hinn bóginn lék Gillz í myndinni sem hefur ekki verið
mikið á fjölunum áður. Hvernig stóð hann sig? Helvítið
á honum stóð sig eins og fagmaður. Nú er ég mikill maður
menntunar og er sjálfur menntaður leikari og Þorvaldur
menntaður úr Juillard. Svo mætir þessi líkamsræktarkappi
á svæðið og mér leist satt best að segja ekkert á að hann
ætti að leika í þessari mynd. Mín fyrstu viðbrögð voru: „En
hann er ekki menntaður leikari!“ Svo er hann alveg rosa-
lega hæfileikaríkur og þetta liggur mjög vel fyrir honum.
Hann er meira að segja með þeim betri sem ég hef leikið á
móti í bíómynd. Auðvitað skorti hann einhverja þekkingu
á tækniatriðum og lærðum vinnubrögðum en það skiptir
litlu máli þegar hann er með góðan leikstjóra. Í leikhúsum
þarftu meiri tækni, til dæmis við að senda röddina út í
salinn en í kvikmyndum er þetta meira einhver nátt-
úrulegur hæfileiki sem Egill Einarsson stórleikari býr svo
sannarlega yfir.
Gat hann gefið þér einhver ráð fyrir líkamsræktina?
Já, það var rosalega gott að hafa hann með sér á settinu
þegar lítill tími gafst til æfinga og svoleiðis. Við tókum
nokkrum sinnum æfingu saman í hádeginu á löngum
tökudögum. Hann Egill er vænsti piltur.
Þú festist á eyðieyju með Þorvaldi Davíð og Gillz. Hvorn
myndir þú éta til að lifa af? Það er náttúrulega meira kjöt
á þykka manninum. Ég hugsa að Þorvaldur Davíð bragðist
betur og kjötið hans væri meirara og ekki eins seigir í
honum vöðvarnir. Hins vegar er meira af Agli, hann er 95
kíló og aðeins 4% fita svo ég hugsa að ég myndi éta hann.
Hann myndi nýtast í fleiri máltíðir.
Gillz segir þig vera eins og Forrest Gump því þú hlaupir
út um allt. Er eitthvað til í því? Já, útihlaup eru nýja æðið
mitt núna. Ég byrjaði á að hlaupa alltaf á bretti í hálftíma
en á ákveðnum tímapunkti fór það að verða of auðvelt
svo ég ákvað að byrja að hlaupa úti. Þá byrjaði ég á því að
hlaupa alltaf á tökustað á morgnana. Það var alltaf nýr
tökustaður á hverjum degi svo stundum voru þetta þrír
kílómetrar, stundum sjö. Ég hljóp því alltaf á sett og átti
það til að hlaupa heim líka svo viðurnefnið Forrest Gump
var fljótt að koma upp.
Eru líkamsrækt og mataræði þín helstu áhugamál í dag?
Ég er hættur að vera heltekinn af þessu eins og ég var í
undirbúningnum fyrir myndina. Núna er þetta orðinn
eðlilegur partur af deginum og þessa dagana er ég að
setja mér ný markmið. Í ágúst ætla ég til dæmis að hlaupa
hálfmaraþon í Reykjavíkurmaraþoninu sem er nýjasta
markmiðið.
Þú spilar
bæði á gítar
og píanó og
syngur mikið.
Semur þú tónlist?
Nei, ég er nú eiginlega
hættur því. Þegar ég var
unglingur og ungur maður
samdi ég mikið og ætlaði
alltaf að verða rokkstjarna. Ég
var kórstrákur sem var líka í
hljómsveit. Ég var í hljómsveit með
Agli Rafnssyni, trommara í Sign, og
við vorum að gera tónlist saman. Ég
er nýhættur að senda inn lög í forkeppni
Eurovision enda sendi ég inn lag sex ár
í röð og náði aldrei í gegn. Ætli ég fari ekki
bráðum að gefa út plötu með þessum lögum
sem komust aldrei að.
Þú ert allavega með útlitið í að gefa út mótorhjólarokk
um þessar mundir. Jú, jú, ég gæti kannski gert það bara.
Hringi í Egil Rafnsson og rifja upp gamla takta.
Samstarfsfólk þitt í Svartur á leik hefur nú þegar hafið
veðmál um „hversu fljótur þú verður að breytast aftur í
fituhlunk“ eins og Gillz orðaði það. Stefnir þú á að halda
áfram þessu heilsusamlega líferni? Ég er staðráðinn í að
halda þessu við. Ég geri mér grein fyrir að það er lenska
hjá fólki sem grennist svona hratt að bæta aftur á sig en
mín ætlun er að halda mér áfram í formi. Þegar myndin
verður frumsýnd verður ábyggilega einhver fjölmiðlasirk-
us í kringum það og mig langar ekki að vera orðinn aftur
feitur þá og tala um hvernig mér mistókst að halda mér í
formi. Það yrði of vandræðalegt.
Ætlar þú að snoða þig aftur til að halda í harða útlitið?
Nei. Aldrei í lífinu ætla ég að gera það aftur nema
tilneyddur. Ég er búinn að raka af mér hökutoppinn
og bíð spenntur eftir að hárið byrji að vaxa aftur.
Heldur þú að nýtt líkamlegt ástand muni
færa þér öðruvísi hlutverk í leikhúsunum
en áður? Já, ég er nú þegar farinn að fá hlut-
verk sem krefjast þess að ég sé í líkamlegu
formi. Þá er bara eins gott að halda sér
áfram í góðu formi.
Hvað tekur við hjá þér núna þegar
tökum á Svartur á leik er lokið? Ég er
að fara á kaf í leikhúsið og næsta mál á
dagskrá er sýning sem verður frumsýnd
í september. Hún heitir Alvöru menn og
þar leik ég einmitt ungan, þrítugan gæja
sem er í góðu formi. Ég er akkúrat þrítugur
og á að vera í góðu formi svo þetta hentar
mjög vel. Ég er mjög spenntur fyrir að byrja
að æfa þetta því átrúnaðargoðið mitt Egill
Ólafsson er með mér í sýningunni. Ég leik svo
með honum í Vesalingunum í Þjóðleikhúsinu
eftir áramót þannig að næsta ár verður mitt ár
með Agli Ólafs.
Í leikhúsum þarftu meiri
tækni til dæmis við að
senda röddina út í salinn en
í kvikmyndum er þetta meira
einhver náttúrulegur hæfileiki
sem Egill Einarsson stórleikari
býr svo sannarlega yfir.