Morgunblaðið - 18.01.2011, Qupperneq 11

Nútíðin Ótrúlegt en satt, þetta er sami maður aðeins þremur árum síðar! Engan skal undra að vinnufélagar hafi
ekki þekkt Tyrfing þegar hann kom 40 kílóum léttari til vinnu eftir langa fjarveru. Nú er hjólið hluti af lífi hans.
Tyrfingur segist hafa beðið kon-
una sína að gefa sér hlaupagalla í
jólagjöf í desember 2007 þegar hann
var búinn að ákveða að byrja að
hlaupa. „Þegar ég opnaði pakkann
reyndist þetta vera skelfilegur
spandexgalli og mér leist ekkert á
blikuna, setti hann bara inn í skáp.
En í febrúar 2008 þegar við vorum
flutt í húsið lét ég mig hafa það og fór
út að hlaupa þótt ég liti út eins og
rúllupylsa í gallanum, en ég fór í
myrkri. Ég fór kílómetra og sprakk
fjórum sinnum á leiðinni með blóð-
bragð í munninum, ég hélt ég mundi
deyja. En ég lét það ekki stoppa mig.
Ég hef hlaupið síðan og tekið þátt í
maraþonum.“
Skrifaði sér bréf
Tyrfingur segir ýmislegt hafa
orðið til þess að hann fór af stað.
„Pabbi var með áunna sykursýki
og hann potaði oft í mig og
minnti mig á að lenda ekki í
sama grafreitnum og hann.
Svo er fluglæknisskoðun
einu sinni á ári og þar var
alltaf verið að sparka í
mig. Hina örlagaríku nótt
skrifaði ég bréf til sjálfs mín, sem ég
á enn og sýni þeim sem eru í svipuðu
ástandi og ég var í, þeim til hvatn-
ingar. Ég skrifaði ástand mitt eins og
það var, af hverju mér leið svona og
hvaða markmið ég ætlaði að setja
mér. Þarna kom líka fram að mig
langaði til að verða meira aðlaðandi
fyrir maka minn, þetta var mjög per-
sónulegt. En þetta eru hlutir sem
enginn talar um en allir hugsa um.“
Fólkið þekkti mig ekki
Tyrfingi var sagt upp störfum
tímabundið hjá Icelandair í upphafi
kreppu en þegar hann kom til starfa
aftur, 20 mánuðum síðar, þekkti sam-
starfsfólkið hann ekki. „Ég var mjög
ánægður með að hafa notað tímann
sem ég var atvinnulaus til að koma
þessum hlutum í lag. Núna er ég 85
kíló, hef bætt á mig fínum vöðva-
massa en ætla að skera mig aðeins
meira niður, mig langar í sixpakk-
magavöðva,“ segir Tyrfingur sem að
sjálfsögðu tók mataræðið í gegn á
sama tíma og hann fór að stunda
markvissa hreyfingu. En hann hefur
alltaf sína nammidaga á laugar-
dögum.
DAGLEGT LÍF 11
MORGUNBLAÐIÐ ÞRIÐJUDAGUR 18. JANÚAR 2011
Virðing
Réttlæti
VR | KRINGLUNNI 7 | 103 REYKJAVÍK
S. 510 1700 | F. 510 1717 | WWW.VR.IS
Hefur þú áhuga á að
starfa í forystu VR?
Samkvæmt 20. gr. laga VR auglýsir kjörstjórn eftir einstaklingsframboðum í
stjórn VR. Jafnframt auglýsir kjörstjórn eftir einstaklingsframboðum á lista
uppstillinganefndar í trúnaðarráð félagsins.
Um er að ræða formann félagsins, 7 aðalmenn í stjórn, 3 varamenn í stjórn og 82
í trúnaðarráði.
Áhugasamir geta gefið kost á sér með því að senda inn skriflegt erindi til
kjörstjórnar á skrifstofu VR.
Skrifleg meðmæli 50 félagsmanna þarf vegna framboðs til formanns, 10 vegna
framboðs til stjórnar og 5 vegna framboðs til trúnaðarráðs.
Framboðsfrestur er til kl. 12:00 á hádegi fimmtudaginn 3. febrúar 2011.
Frambjóðendum er bent á að kynna sér nánari upplýsingar á heimasíðu VR,
www.vr.is.
Kjörstjórn
Framfarir, hollvinafélag millivega-
lengda og langhlaupara, útnefndi á
dögunum hlaupara ársins 2010.
Hlaupari ársins í karlaflokki var Kári
Steinn Karlsson Breiðabliki. Hlaup-
ari ársins í kvennaflokki var Rann-
veig Oddsdóttir Akureyri. Efnilegasti
hlauparinn var valinn Snorri Sig-
urðsson ÍR, mestu framfarir ársins
sýndi Bjartmar Örnuson í UFA og
hlaupahópur ársins var Hlaupahópur
FH með Stein Jóhannsson í far-
arbroddi.
Framfarir hafa staðið fyrir slíku
vali allt frá því að félagið var stofn-
að árið 2003 en það stendur fyrir
árlegri fræðslu er lýtur að þjálfun
og árangri í lengri hlaupum, veitir
árlega æfingastyrki til handa hlaup-
urum í lengri hlaupum auk þess sem
það stendur fyrir víðavangs-
hlaupaseríu á hverju hausti.
Kári Steinn Karlsson og Rannveig Oddsdóttir útnefnd
Hópurinn Þau sem útnefnd voru í ár af Framförum, hollvinafélagi hlaupara.
Hlauparar ársins 2010
„Frá 1. október hefur Ferðafélag Ís-
lands boðið upp á gönguferðir tvisvar
í viku fyrir einstaklinga sem verið
hafa í endurhæfingu (vegna offitu) á
Reykjalundi. Gönguverkefnið stendur
fram á vordaga. Um er að ræða
gönguferðir eftir stígakerfi borgar-
innar og í næsta nágrenni. Einu sinni
í mánuði er gengið á fell eða fjall í ná-
grenni Reykjavíkur.“ Svo segir í
fréttatilkyningu frá Ferðafélagi Ís-
lands og full ástæða til að hvetja alla
þá sem málið varðar til að nýta sér
það. Ennfremur segir í fréttatilkynn-
ingunni: „Rannsóknir hafa sýnt að
hópar sem stunda útivist sem hluta
af endurhæfingu, halda hreyfingunni
lengur áfram eftir að endurhæfingu
lýkur en aðrir hópar. Sýnt hefur verið
fram á ágæti offitumeðferðar á
Reykjalundi, slík meðferð skilar sér í
bættri heilsu og lífsgæðum þeirra
sem fara í gegnum hana. Mikilvægt
er að finna leið til þess að sem flestir
sem útskrifast úr offitumeðferð nái
að viðhalda eða jafnvel bæta þann
góða árangur sem náðst hafði í með-
ferðinni,“ og eru þessar gönguferðir
liður í því.
Gönguverkefni fyrir offitusjúklinga
Ljósmynd/Kristinn Ingvarsson
Hollt Að liðka legginn gerir gott.
Gönguferðir tvisvar í viku um
borgina og líka farið á fjall
Tyrfingur hleypur bæði í venju-
legum hlaupaskóm og svoköll-
uðum tásuskóm (vibramfive-
fingers). „Þeir eru þunnir og að
hlaupa í þeim er svipað því og
að hlaupa berfættur, maður
hleypur á táberginu og maður
verðu miklu mýkri. Það er allt
annað álag á líkamann, maður
notar aðra vöðva. Mannslíkam-
inn er ekki hannaður til að
ganga í skóm, þegar við hlaup-
um berfætt hlaupum við á tá-
berginu en þegar við erum í
skóm með púðum berjum við
hælunum niður og það högg
gengur upp í hrygg
sem er ekki gott
fyrir bakið.
www.vibram-
fivefingers.com
Tásuskórnir
HLEYPUR Á TÁBERGINU
Hjá Bergmönnum – fagmönnum í
fjallaleiðsögn starfa alþjóðlega fag-
lærðir fjallaleiðsögumenn og er nóg
framundan fyrir þá sem vilja nýta
sér vetur og snjó. Á Íslandi sérhæfa
Bergmenn sig í fjallaskíðaferðum,
þyrluskíðun, fjallgöngum og klifri
hverskonar. Þannig eru nú fram-
undan fjalla- og þyrluskíðaferðir á
Tröllaskagann en einnig í Alpana, svo
og skútuskíðaferðir í Jökulfirði og
Hulduland. Einnig verður hópur leið-
sögumanna til taks í Skaftafelli í vor
og sumar fyrir þá sem vilja reyna við
Hnúkinn eða önnur fjöll í Öræfum.
Fyrir þá sem hugsa aðeins stærra
mun líka að bjóðast að glíma við
Mont Blanc, Matterhorn, Eiger eða
einhvern hinna fjölmörgu alpatinda
nú í sumar. Einnig verður farið í
fjallaskíðaferðir til Japans, Tyrk-
lands, Kanada og Krítar, eins und-
arlega og það kann að hljóma. Nálg-
ast má allar nánari upplýsingar um
ferðir og þjónustu á vefsíðunni berg-
menn.com.
Fjallaskíðaferð til Krítar
Nýstárlegar ferðir fyrir fjalla-
klifrara og skíðafólk á nýju ári
Heillandi Margir hafa hug á því að ganga í Ölpunum.