Morgunblaðið - 26.01.2011, Blaðsíða 30

30 MENNING
MORGUNBLAÐIÐ MIÐVIKUDAGUR 26. JANÚAR 2011
Hvernig hljómar miðaldatrommuheili?
Arnar Eggert Thoroddsen
arnart@mbl.is
Um er að ræða fyrstu sólóplötu Úlfs
sem á að baki þónokkuð langan tón-
listarferil en hann er einkum þekktur
sem einn liðsmanna Orgel-
kvartettsins Apparat. Tónlistin var
hljóðrituð á árunum 2008 til 2010 og
er sjálfstætt afsprengi af samstarfs-
verkefni nokkurra norskra og ís-
lenskra listamanna, en hópurinn setti
upp leiksýninguna Eterinn (Þjóðleik-
húsinu 2009), myndlistarsýninguna
Innan seilingar (Kling & Bang 2009)
og gaf að lokum út bókverkið Mani-
festations (2010).
„Það má segja að platan hafi fæðst
á þessari leið,“ útskýrir Úlfur. „T.d.
er ekki nema brot úr tónlistinni sem
var notuð í
Eternum á
sjálfri plötunni.
Ég vann áfram
með pælingar og
hugmyndir sem
fæddust í þess-
um verkum.“
Í plötunni gerir Úlfur tilraunir með
vélræna hljóðgjafa frá ýmsum tímum
og segist hann hafa gengið ansi langt í
tilraunastarfseminni, t.a.m. sé vélbún-
aður látinn spila á slagverk og það
hljómi eins og „trommuheili frá mið-
öldum“ eins og Úlfur kemst að orði.
„Þetta var mikill og góður vett-
vangur fyrir skemmtilega tilrauna-
starfsemi og gekk ekki vandræða-
laust fyrir sig. T.d þurfti ég að finna
leið til að láta þennan trommuheila
hljóma eins og trommuheila, en ekki
eins og einhver asnalegur trommu-
leikari væri á settinu!“
Hið háa og hið lága
Úlfur er nú að semja mikið fyrir
Sjónvarp og svið, á t.d. tónlistina við
Hlemmavídeó, en hann hefur nær
eingöngu fengist við tónlist í rúm tvö
ár og er jafnframt í tónsmíðanámi við
LHÍ.
„Ég var líklega alltaf á leiðinni.
Hrunið var svo lokahnykkurinn. Það
jákvæða við það er að allt í einu var
jafn skynsamlegt að taka einhverja
sénsa og að halda í vinnu sem maður
hefði kannski ekki átt kost á að ganga
í lengur. Ég ákvað bara að sjá hvað
ég héldi það lengi út að vera ekki í
vinnu og það hefur gengið ágætlega.
Verkefni eru ærin og mér finnst gott
að skipta á milli há- og lágmenningar,
semja fyrir strengjakvartett fyrir há-
degi og svo stef fyrir Tvíhöfða eftir
hádegi.“
 Úlfur Eldjárn gefur út plötuna Field
Recordings: Music from the Ether
Tilraunaglaður Úlfur Eldjárn sinnir nú tónlistinni af kappi.
Arnar Eggert Thoroddsen
arnart@mbl.is
The Weird Girls Project hefur vaxið
og dafnað hægt en örugglega á und-
anförum misserum. Ærinn starfi er
þá framundan en í febrúar gengur
Kitty í samstarf við UNIFEM og í
apríl mun hún vinna með tónlist-
arkonunni Imogen Heap, en það
samstarf tengist inn á verkefni Heap,
Love The Earth. Heap er Grammy-
verðlaunahafi og ötul baráttukona
fyrir betri heimi, m.a. í gegnum fyr-
irtæki sitt Bubbletank.
Þá hafa listahátíðir í Póllandi og
Kanada sýnt verkefninu áhuga.
Royal Albert Hall
– Hvernig kom þetta samstarf við
UNIFEM til?
„Það var haft samband við mig fyr-
ir jól,“ segir Kitty. „En mitt innlegg
mun tengjast því sem kallað er UN
Women. Konur og réttindi þeirra eru
sem betur fer að þokast ofar í for-
gangsröðinni hjá Sameinuðu þjóð-
unum og þau langar til að vekja at-
hygli á þessu með nokkuð öðruvísi
hætti en áður. Þannig að ég er að fara
að búa til þátt (episode) en einnig
mun ég búa til sérstaka ímynd sem
var ákveðin í samstarfi við UNI-
FEM.“
– En Imogen Heap?
„Ég hitti hana á You Are in Cont-
rol ráðstefnunni sem ÚTÓN hélt í
haust. Við tókum tal saman og ég
lýsti yfir áhuga á því að vinna með
henni. Hún var til en hana langaði til
að semja eitthvað sérstaklega af til-
efninu. Við erum svo búnar að vera í
sambandi síðan. Þetta mun tengjast
Love The Earth verkefninu hennar
en flutningur á því verður í Royal Al-
bert Hall. Mitt framlag verður hluti
af stærri heild og við erum svona að
ræða það hvernig eigi að stilla þessu
fram.“
Utangarðs
– Þú hefur byggt Weird
Girls verkefnið upp úr nánast
engu. Hvernig líður þér með
þetta?
„Já, snjóboltinn er farinn að
rúlla dálítið hratt (hlær). Ég
reyni bara að fylgja með;
stundum hugsa ég hvað ég
sé eiginlega að gera og ég
eigi í raun ekki innistæðu
fyrir þessu, ég er ekki
með neina menntun á
listasviðinu. En svo þeg-
ar ég lít stundum á þau verkefni sem
ég hef unnið fyllist ég stolti. En ég
finn alveg fyrir því að vera utangarðs
í listaheiminum, gráðuleysi mitt hef-
ur hamlað ýmsu í sambandi við að
koma þessum verkefnum áfram. En
ég hef í staðinn reynt að nýta þær
leiðir sem mér eru færar eins vel og
hægt er, nýta þau tengsl sem ég er
með og hugsa út fyrir rammann.
– Hvað leggur þú upp með þegar
þú ræðst í eitt af verkefnunum?
„Það er þessi óvissuþáttur sem
hefur mikið að segja. En svo má ekki
gleyma að gamanið og gleðin við að
vinna þetta er mjög dýrmætt. Iðu-
lega fæ ég símtöl frá stelpunum sem
hafa ekki gert þetta áður, daginn fyr-
ir upptökur, þar sem þær eru að
renna á rassinn með þetta. En að
upplifa síðan gleðina og orkuna sem
er í hópnum eftir á er stórkostlegt.
Þar má segja að sé í gangi einhvers
konar rannsókn á mannlegu eðli og
þar nýtist menntun mín, en ég er með
gráður í heimspeki og sálfræði, einna
best. Alltént gengur þetta eins og í
sögu og sjálfstraustið hjá mér eykst
með hverju „skoti“.“
Ljósmynd/Héðinn Eiríksson
Hin rauðdökku mön Þessi mynd er tekin úr tólfta kafla The Weird Girls Project sem var tekinn upp um síðustu helgi.
Skrítnar stelpur taka yfir …
 Annasamt ár framundan hjá Kitty Von Sometime, höfundi The Weird Girls
Project  Samstarf við UNIFEM, Imogen Heap og boð inn á listahátíðir
 Nú eru strákarnir okkar úti í Sví-
þjóð að berjast fyrir handboltalegu
lífi sínu en gengið hefur ekki verið
gott undanfarið. Svofelld hand-
boltalög hafa verið að hrúgast upp
að undanförnu, pönksveitin Blóð lét
t.d. frá sér eitt slíkt og einnig hin
mjög svo ágæta sveit Ég. Og nú hef-
ur sjálfur kóngurinn, Bubbi, hent
upp einu slíku, segir á spjallborðinu
á bubbi.is að hann hafi verið þannig
stemmdur að hann hafi hreinlega
ekki ráðið við sig. Það er samt vert
að velta gildi þessara laga fyrir sér,
en eftir því sem lögunum hefur
fjölgað hefur árangur liðsins versn-
að. Það má því gera ráð fyrir því að
ef mikið bætist við þennan lista sem
fyrir er getum við sem heima sitjum
og Strákarnir okkar gleymt þessu.
Hvað er eiginlega með
þessi handboltalög?
 Hann Benni Hemm Hemm er far-
inn í Evróputúr. Fyrst er farið í túr
um Bretland áður en lagt verður í
umfangsmeira ferðalag um meg-
inlandið. Bretlandstúrinn tengist inn
á útgáfu á nýrri smáskífu, „FF ekki
CC“ sem er tekin af nýjustu plötu
Benna, Skot. Meginlandstúrinn
tengist hins vegar útgáfu á Skot þar.
Sviss, Þýskaland og Frakkland eru
undir og mun Benni leika ásamt
hljómsveit en einnig sóló. Sjötomm-
an með „FF ekki CC“ inniheldur
endurhljóðblöndun eftir FM Belfast
og endurmyndblandaði Lóa Hjálm-
týsdóttir, meðlimur FM Belfast um-
slagið!
Benni Hemm Hemm
í tónleikaferðalag
Verkefnið hófst fyrir þremur ár-
um og til þessa hafa ellefu
„þættir“ verið gerðir en sá
tólfti, sem tengist nýrri sveit
Krumma Björgvins, Legend, var
tekinn upp um síðustu helgi.
Verkefnið er nokkurs konar
röð gjörninga sem eru skipu-
lagðir af Kitty Von Sometime
sem fær stúlknahóp til liðs við
sig. Stúlkurnar vita ekkert hvað
þær eru að fara út í og eru við-
brögð þeirra við því og
þeim aðstæðum sem þær
eru komnar í virkur hluti af
ferlinu. Stúlkurnar eru iðu-
lega „venjulegar“ stúlkur,
ekki módel eða leikkonur og
verkefninu var m.a. hrund-
ið af stað út frá vanga-
veltum um sjálfsöryggi
ungra kvenna, einkum
hvað varðar upplifun
þeirra af líkama sín-
um.
Sagan
THE WEIRD GIRLS PROJECT
Iðin Kitty Von
Sometime
www.theweirdgirlsproject.com