Skátablaðið - 01.02.1945, Blaðsíða 8

SKATAFELAGIÐ "FYLKIR” 10 ARA
Hvergi hér á landi munu vera jafn mikl-
ir örðugleikar fyrir skátafélag að starfa og
á Siglufirði, en orsökin er sú, að yfir síld-
veiðitímann verður allt starf að liggja niðri,
vegna hinna miklu anna, sem sá tími hefur
í för með sér fyrir bæjarbúa. Þrátt fyrir
þetta hefur skátastarfsemin á Siglufirði ver-
ið allsæmileg og með köflum ágæt, og má
fyrst og fremst þakka það félagslyndi bæj-
arbúa.
Skátafélagið Fylkir var stofnað 22. jan.
1935, og var Norðmaðurinn Sverre Tynes
aðal hvatamaðurinn að stofnun þess. Stofn-
endurnir voru alls tólf og var Sverre þegar
kosinn foringi. Félagið óx smám saman
undir hinni dugandi forustu hans, og er
hann lét af störfum í lok ársins 1937» var
Fylkir orðinn allöflugt skátafélag með
fjóra starfandi flokka. Sverre Tynes dvelst
nú í ættlandi sínu, Noregi. Samúel Samúels-
son tók við af Sverre og stýrði félaginu til
ársins 1940, en þá varð hann því miður
að hætta. Á tveim næstu árum var mjög
lítið starf í félaginu, aðeins einn flokkur
vel starfandi á því tímabili. Árið 1942 var
merkisár í sögu félagsins að því leyti, að
þá var það endurskipulagt eða réttara sagt
endurreist. Síðan hefur það vaxið ár frá
ári, og nú á tíu ára afmælinu telur það
um eitt hundrað félaga.
Mikill hluti af starfsemi Fylkis hefur ver-
ið fólginn í æfingum flokka og sveita, en
á síðustu árum hafa mjög margar útilegur
verið farnar, þrátt fyrir það hversu úti-
legutíminn er stuttur, en hann er varla
tveir mánuðir. Stærsta útilegan fór fram á
síðastliðnu sumri og voru þátttakendur um
fimmtíu. Útilega þessi var með „mótssniði“
8
Foringjar félagsins.
og voru tjöldin yfir þrjátíu. Útilegan tókst
mjög vel, enda var hún vandlega undir-
búin.
Félaginu er skipt niður í tvær sveitir og
eru fimm flokkar í hvorri. Sveitarforingj-
ar eru þeir Eldjárn Magnússon deildarstjóri
og Hlöðver Sigurðsson skólastjóri. Nýlega
var stofnuð Rovers sveit innan félagsins
og má vænta allmikils starfs af henni í
framtíðinni.
Aðaláhugamál allra siglfirzkra skáta er
að eignast fundahús, því að fyrir stórt félag
hlýtur allt starf að verða mjög erfitt, án
ákveðins samastaðar. En það er von allra
félagsmanna, að hægt verði að hefjast handa
um bygginguna strax í vor. — Stjórn Fylkis
skipa nú:
Gunnar Flóvents, félagsforingi.
Óli J. Blöndal, aðst.félagsforingi.
Haukur Jónasson ritari.
Árni Friðjónsson gjaldkeri.
Hlöðver Sigurðsson sv.for. 2. sv.
Eldjárn Magnússon sv.for. 1. sv.
SKÁTABLAÐIÐ