Skátablaðið - 01.04.1945, Blaðsíða 8

Tvær bækur
fyrir skáta
YLFINGABÓK
eftir séra Jakob Jónsson.
Nýlega er komin út Ylfingabók á íslenzku
á vegum B. í. S. Er bók þessi drög að hand-
bók fyrir ylfinga, fjölrituð 27 bls. að stærð,
sem séra Jakob Jónsson hefur samið og
sniðið sem bezt við hæfi íslenzkra byrjenda
á skátabrautinni. Hefur hann að sjálfsögðu
haft til fyrirmyndar bókmenntir um ylfinga-
mál, gömlu ylfingabókina, en þó gætt þess
vandlega, að bókin yrði aðgengileg og skilj-
anleg íslenzkum drengjum á aldrinum 8—
11 ára.
Ýtarlegan ritdóm um bókina er ekki hægt
að skrifa hér. Hann mundi taka of mikið
rúm. En það, sem bókin inniheldur aðal-
lega, vil ég taka fram.
Þar er skýrt frá því hvað ylfingar eru,
skyldum þeirra, starfsreglum, búningi, skil-
yrði til þess að hljóta verðlaun eða viður-
kenningu fyrir unnin skátastörf. Þar er
sagan um Manna litla og hvernig hann
varð ylfingur, ennfremur hin lærdómsríka
frásaga um Velvakandi og bræður hans.
Mjög vel og rækiiega er lýst mikilvægi
bræðralagsins meðal ylfinga og hugur ylf-
ingsins laðaður að skátastarfinu með heill-
8
andi dæmisögum, fegurstu frásögnum úr
lífi Jesú Krists og með því að benda á fyrir-
myndir hinna ágætustu manna úr fortíð-
inni, ekki aðeins erlendra heidur fyrst og
fremst íslenzkra ágætismanna. Margur fróð-
leikur er þar hagnýtur, sem hver einasti
skáti verður að hafa tileinkað sér.
Skátahöfðinginn og Jón Sigurðsson skóla-
stjóri hafa farið yfir handritið fyrir hönd
stjórnar B. í. S.
Vafaiaust fagna skátar þessari bók. Hún
er auðsætt framfaraspor. Skátar, á hvaða
aldri sem er, ættu að lesa hana. Bókin er vel
skrifuð, á góðu máli og frásagnarstíllinn við
unglingahæfi. Ylfingar munu unna þessari
bók og síðar þegar út í lífið kemur, mun
þeim skiljast að hún var eitt af því dýr-
mætasta, sem þeim var á námsárunum í
hendur fengið.
Sigurgeir Sigurðsson.
SAGAN UM BADEN POWELL
heitir dálítii bók, sem mér barst nýlega í
hendur. Þetta er allra laglegasta bók, 72
bls. í venjulegu námsbókabroti og svipuð
að frágangi.
Ég leit í bókina að loknum kvöldverði,
skömmu fyrir fréttatíma útvarpsins. Auð-
vitað ætlaði ég að hlusta á fréttirnar, en
vitið þið hvernig fór? Ég gleymdi að hlusta
á fréttirnar og vissi vart fyrr en ég var bú-
inn að lesa alla bókina!
Af því, sem ég hef nú sagt, má nokkuð
ráða, hvernig mér féll bókin. Það má nærri
því segja, að hún sé spennandi frá upphafi
til enda. Rúmlega þriðjungur bókarinnar
er um hermennskuferil skátahöfðingjans,
sem síðar varð. Mér finnst að vísu, að þessi
þáttur bókarinnar hefði mátt vera styttri,
en frásögnin um æsku Powells og síðari
helmingur bókarinnar — um stofnun skáta-
félagsskaparins og eflingu hans — lengri. Þá
SKÁTABLAÐIÐ