Morgunblaðið - 21.02.2011, Qupperneq 4

4
MORGUNBLAÐIÐ MÁNUDAGUR 21. FEBRÚAR 2011
Skógarhlíð 18 • sími 595 1000 • www.heimsferdir.is
Birt með fyrirvara um prentvillu. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Heimsferðir bjóða frábæra 12 nátta ferð til Costa del Sol í vor. Í boði
er frábært sértilboð, með „öllu inniföldu“ á Roc Flamingo hótelinu
sem var mjög vinsælt meðal farþega Heimsferða í fyrra.
Ath.mjög takmarkaður fjöldi herbergja í boði á þessum kjörum.
Gríptu þetta frábæra
tækifæri og njóttu lífsins
í vor á Costa del Sol á
ótrúlegum kjörum.
28. mars – 12 nætur
Frá kr. 127.900
- með „öllu inniföldu“
Costa del Sol
Verð kr. 127.900 – með „öllu inniföldu“
Netverð á mann, m.v. gistingu í tvíbýli í 12 nætur með
öllu inniföldu á Hotel Roc Flamingo ***
Hólmfríður Gísladóttir
holmfridur@mbl.is
„Við erum auðvitað bara hæstánægð
með þessa niðurstöðu og fögnum
henni ákaft,“ segir Frosti Sigurjóns-
son, einn aðstandenda undirskrif-
tavefjarins kjosum.is, um ákvörðun
forseta Íslands að vísa nýju Icesave-
frumvarpi til þjóðarinnar. Hann
segir átakinu kjosum.is lokið og alls
óvíst sé hvort aðstandendur þess
muni standa saman að kosningabar-
áttu fyrir fyrirhugaða þjóðarat-
kvæðagreiðslu.
Forsvarsmenn kjosum.is afhentu
Ólafi Ragnari Grímssyni s.l. föstu-
dag þær tæplega 41 þúsund undir-
skriftir sem þá höfðu safnast á vef-
síðunni en þar var skorað á
forsetann að synja Icesave-lögunum
staðfestingar. Alls höfðu safnast
42.405 undirskriftir þegar söfnun
var hætt.
Fram kom í máli forsetans í gær
að undirskriftasöfnunin hefði verið
einn þeirra þátta sem hann hefði
tekið tillit til þegar hann tók ákvörð-
unina og að á vegum forsetaembætt-
isins hefði verið framkvæmd áreið-
anleikakönnun á undirskriftalist-
anum sem fólst í því að hringt var í
slembiúrtak af listanum og viðkom-
endur spurðir hvort þeir hefðu
sannarlega skráð sig á síðunni. Að
sögn forsetans reyndust 99% undir-
skriftanna standast skoðun en hann
vildi ekki upplýsa um stærð úrtaks-
ins.
„Ég held persónulega að þetta
hefði verið mun erfiðari ákvörðun
fyrir forsetann ef ekki hefði verið
fyrir þessa undirskriftasöfnun,“ seg-
ir Frosti. Hann segir aðstandendur
kjosum.is hafa vakið athygli forset-
ans á því hversu hratt undirskrift-
irnar hefðu safnast en um 20 pró-
sent kosningabærra manna skráðu
nafn sitt á listann á innan við viku.
Hann segist mjög ánægður með það
frumkvæði forsetans að gera sína
eigin áreiðanleikakönnun og það
hafi komið skemmtilega á óvart.
Ætla að hittast í dag
Frosti segir óvíst um hvort fram-
hald verði á samstarfi hópsins sem
stóð að kjosum.is. „Þetta er fólk sem
hefur ólíkar skoðanir á þessum
samningi. Við vorum sammála
um það að þessi samningur
væri slæmur en sum okk-
ar geta hugsað sér betri
samning en aðrir vilja alls
engan samning. Það er
því alveg óvíst hvort
þessi hópur muni starfa
saman áfram,“ segir hann.
Hópurinn muni þó hitt-
ast í dag og fara
yfir framhald-
ið.
Eru hæstánægð
og fagna ákaft
 Óvíst er hvort hópurinn á bakvið kjosum.is starfar áfram
Morgunblaðið/Ómar
Kjósum Forsvarsmenn kjosum.is koma til fundar við forseta Íslands á Bessastöðum síðastliðinn föstudag.
Andri Karl
andri@mbl.is
Þjóðaratkvæðagreiðslan sem fram
fer um Icesave-lagafrumvarpið
snýst um hvort skrifað verði undir
samningana eða reynt á málið fyrir
dómstólum. Afar ólíklegt er að sest
verði aftur að samningaborði. Þetta
er mat Lárusar Blöndal, fulltrúa
stjórnarandstöðunnar í samninga-
nefndinni síðustu. Ákvörðun forset-
ans kom honum nokkuð á óvart, ef
miðað er við niðurstöðu Alþingis, en
hann bendir þó á að eins og Ice-
save-málið hafi þróast hafi nið-
urstaðan ekki endilega verið óvænt
og kannski best að láta þjóðina eiga
lokaorðið.
Lárus segir það tilfinningu
samninganefndarinnar – sem aftur
hafi endurspeglast í máli þing-
manna við meðferð málsins í
þinginu – að ekki verði náð betri
samningum en
þeim sem liggja
fyrir. „En mér
finnst þetta einn-
ig snúa frekar að
því hvort menn
vilji yfirleitt
semja. Það er
það sem stendur
upp úr núna.“
Hann segir
einnig mikilvægt að samningarnir
verði kynntir þjóðinni svo hægt sé
að taka upplýsta ákvörðun. Í því
samhengi bendir Lárus á, að hann
heyri í sífellu sjónarmið sem eigi
ekkert við um samningana „og afar
auðvelt væri að upplýsa fólk um
sannleikann, þannig að það sé ekki
að mynda sér skoðanir út frá ein-
hverju sem á sér ekki stoð í raun-
veruleikanum“.
Meðal þess sem hann segist
hafa heyrt er að ekki þurfi að greiða
neitt meira þó svo farin verði dóm-
stólaleiðin og málið tapist. „Það er
undarlegt hvernig menn komast að
þeirri niðurstöðu. Við erum að
semja um vexti sem enginn annar
er að fá í heiminum og ef menn tapa
dómsmáli þá er aðeins um að ræða
gjaldfallna kröfu með hæstu vöxt-
um, sem yrðu án efa hærri en upp-
haflegir umsamdir vextir.“
Lárus segist einnig vera mjög
bjartsýnn á að úr þrotabúi Lands-
bankans fáist að fullu upp í for-
gangskröfur. Því sé þetta aðeins
spurning um vexti. Fari hins vegar í
hart og málið fyrir dómstóla munu
Bretar og Hollendingar einnig gera
kröfu um að íslenska ríkið beri
ábyrgð á innistæðunum að fullu.
„Og ofan á það koma svo vextir.
Þannig að í versta falli erum við að
tala um mörg hundruð milljarða.“
Samkvæmt samningunum þarf að
greiða um 47 milljarða króna.
Snýst um að semja eða
fara dómstólaleiðina
Lárus L. Blöndal
Spurður um viðbrögð InDe-
fence við ákvörðun forsetans,
sagði Eiríkur S. Svavarsson,
talsmaður hópsins, að afstaða
hans lægi fyrst og fremst í ít-
arlegri umsögn sem send
hefði verið Alþingi þar sem
hvatt er til þess að hið svo-
kallaða Ragnars Hall-ákvæði
verði sett inn í samninginn. Að
öðru leyti væri hægt að draga
afstöðu þeirra saman í þrjú at-
riði. „Í fyrsta lagi gefst nú
stjórnvöldum tækifæri til þess
að sanna fyrir þjóðinni að
þessi samningur sé sá besti
sem henni muni bjóðast. Í
öðru lagi gefst nú tækifæri
til að afla upplýsinga um
mögulegt dómsmál og
mögulegar afleiðingar þess.
Og í þriðja lagi gefst nú
tækifæri til þess að þrýsta á
að Ragnars Hall-ákvæðið fari
inn í samninginn,“
sagði Eiríkur.
Nú gefast
tækifæri
INDEFENCE
Forseti Íslands synjar Icesave-lögum staðfestingar
Niels Redeker, talsmaður hollenska
fjármálaráðuneytisins, sagði í sam-
tali við Morgunblaðið í gær að
stjórnvöld í Hollandi litu svo á að
samningaviðræðum um Icesave væri
lokið.
Sagði Redeker að samningur lægi
á borðinu og það væri svo íslenskra
stjórnvalda að leiða málið til lykta.
Hann sagðist viss um að íslensk
stjórnvöld færu nú vandlega yfir
málið og myndu svo upplýsa hollensk
stjórnvöld um stöðu mála.
Bresk stjórnvöld eru meðvituð um
ákvörðun Ólafs Ragnars Grímssonar
forseta og bíða nú eftir að fá nánari
skýringar á stöðu mála frá íslenskum
stjórnvöldum. Þetta hafði Bloom-
berg-fréttaveitan eftir talsmanni
breska fjármálaráðuneytisins í gær-
kvöldi.
Fréttin um að forseti Íslands hefði
synjað nýjum Icesave-lögum stað-
festingar barst hratt út um heims-
byggðina í kjölfar blaðamanna-
fundar forsetans. Helstu fréttastofur
heims, svo sem Reuters og AP,
sögðu frá ákvörðun forsetans og í
kjölfarið birtust fréttir á vefjum fjöl-
miðla í Evrópu og Bandaríkjunum. Í
umfjöllun á vefútgáfum blaðanna
Financial Times og Wall Street Jo-
urnal er málið sett í samhengi við að-
ildarumsókn Íslands að Evrópusam-
bandinu. Í Wall Street Journal er
bent á að bresk og hollensk stjórn-
völd geti staðið í vegi fyrir aðild að
ESB. Í Financial Times er sagt að ís-
lenskum stjórnvöldum hafi verið hót-
að af breskum og hollenskum stjórn-
völdum að komið verði í veg fyrir
aðild ef Icesave verður ekki borgað.
„Samningaviðræðum
um Icesave er lokið“
Andri Karl
Anna Lilja Þórisdóttir
Ákvörðun forseta Íslands um að
leggja Icesave á nýjan leik í dóm
þjóðarinnar mun ekki hafa áhrif á
ríkisstjórnina að svo stöddu, en ný
staða kemur upp ef þjóðin hafnar
frumvarpinu í þjóðaratkvæða-
greiðslu. Þetta segir Birgir Guð-
mundsson, stjórnmálafræðingur og
dósent við Háskólann á Akureyri.
Birgir metur stöðuna þannig, að ef
þjóðin hafni Icesave komi ekki annað
til greina en að rjúfa þing og kjósa
upp á nýtt. „Ef þetta er fellt er rík-
isstjórnin – og ekki síður þingið –
komin upp á kant við meirihluta
þjóðarinnar,“ segir Birgir og bendir
á að 70% þingsins hafi samþykkt
frumvarpið.
Erfitt að spá
Einar Mar Þórðarson stjórnmála-
fræðingur segist telja afar erfitt að
spá um það hvernig þjóðaratkvæða-
greiðsla um Icesave-samningana
gæti farið. Hann segir viðbrögð Hol-
lendinga og Breta það sem þurfi að
hafa áhyggjur af.
Einar segir að ákvörðunin geti
hugsanlega aukið vinsældir Ólafs
Ragnars meðal þjóðarinnar. „En að-
almálið er hvaða afleiðingar þetta
hefur fyrir okkur sem þjóð. Núna er
tvisvar búið að gera samninga sem
njóta fulltingis ríkisstjórnar og
þings, en svo getur forsetinn snúið
því á haus.“
Hann segir að sumpart sé búið að
breyta stjórnskipan Íslands. „Þó að
þetta ákvæði hafi alltaf verið til stað-
ar, þá er þetta í þriðja sinn sem nú-
verandi forseti beitir því til þess að
vísa lögum til þjóðarinnar. Þetta
hlýtur að þrýsta enn meira á breyt-
ingar á stjórnarskránni og að ný lög
um þjóðaratkvæðagreiðslur verði
sett. Ég held að úr þessu sé enginn
stjórnmálaflokkur neitt sérlega
ánægður með þetta ákvæði, að for-
setinn hafi þetta vald einn í hendi
sér. Hann getur í rauninni vísað öll-
um lögum sem koma frá þinginu til
þjóðarinnar,“ segir Einar.
Áhrifin ráðast
af niðurstöðunni
 Atkvæðagreiðsla um líf ríkisstjórnar
Kosið Þjóðaratkvæðagreiðsla fer
fram á næstunni vegna Icesave.