Morgunblaðið - 18.04.2011, Síða 12

VIÐTAL
Þórður Gunnarsson
thg@mbl.is
„Þetta var ekki auðveld ákvörðun
sem Arion banki tók, að endurreisa
félag á borð við þetta vorið 2010,“
segir Hilmar Ágústsson, fram-
kvæmdastjóri BM Vallár. Fyrirtæk-
ið varð gjaldþrota í maí 2010, eftir að
byggingamarkaðurinn hrundi og er-
lendar skuldir félagsins hækkuðu
mikið í kjölfar gengisfalls krónunn-
ar, en sögu BM Vallár má rekja aftur
til ársins 1946, þegar hafin var sala á
steypuefni frá Vallá á Kjalarnesi.
Fyrirtækið var mikið að vöxtum,
velti tæpum tíu milljörðum króna á
ári þegar mest var og hafði rúm
fimm hundruð manna í vinnu. End-
urreist félag er mikið breytt, en að
sögn Hilmars eru stöðugildi um átta-
tíu í dag og áætluð velta á þessu ári
er um tveir milljarðar króna. BM
Vallá var endurreist með þeim hætti
að meginhluti þeirrar starfsemi sem
tilheyrði steypuhluta þrotabúsins
var keyptur af skiptabúinu yfir í nýtt
félag með nafnið BM Vallá ehf. „Síð-
an hefur verið unnin mikil vinna við
að endurskipuleggja starfsemina til
að laga hana að núverandi efnahags-
ástandi. Það eru engu að síður að
meginhluta sömu framleiðslueining-
arnar ennþá í félaginu sem önnuðu
framleiðslu áranna 2005- 2007 þann-
ig að umframafkastageta félagsins
er gríðarleg. Þótt ekki hafi allir
starfsmenn verið ráðnir inn í nýja fé-
lagið var mikið lagt upp úr því að
missa ekki út sérþekkinguna. Því
verður fyrirtækið vonandi vel í stakk
búið til að takast á við aukin verkefni
þegar kreppunni linnir og eftirspurn
fer að aukast aftur.“ Minni velta or-
sakast ekki eingöngu af almennum
samdrætti á byggingamarkaði, en
BM Vallá hefur í gegnum tíðina verið
eitt stærsta framleiðslufyrirtæki
þess geira á Íslandi. Hluti starfsemi
gamla BM Vallár, Límtré-Vírnet,
var þannig keyptur úr þrotabúinu yf-
ir í nýtt félag í eigu Landsbankans og
síðar seldur til hóps fjárfesta í Borg-
arnesi, þar sem fyrirtækið starfar.
Mikill vöxtur í uppsveiflu
„Þrátt fyrir erfitt árferði voru
vissulega mikil tækifæri til hagræð-
ingar í rekstri, og þau höfum við nýtt.
Sem dæmi hefur stór einingaverk-
smiðja í Suðurhrauni, þar sem þegar
mest var störfuðu yfir eitt hundrað
manns, verið lögð niður og hluti
starfseminnar fluttur í Smellinn,
sem er vörumerki einingaverksmiðju
BM Vallár á Akranesi,“ segir Hilm-
ar.
„BM Vallá óx gríðarlega samfara
uppganginum á byggingamarkaði.
Þann vöxt mátti bæði rekja til yfir-
töku á öðrum fyrirtækjum og innri
vaxtar. Við lögðum niður höfuðstöðv-
ar félagsins á Stórhöfða og minnk-
uðum stórlega yfirstjórn þess, en öll
skrifstofustarfsemi auk sölustarf-
semi, sem var á nokkrum stöðum, er
nú sameinuð á Bíldshöfða og Breið-
höfða, þar sem stór hluti framleiðsl-
unnar er,“ segir Hilmar.
Hann nefnir að eitt það mikilvæg-
asta við að endurreisa BM Vallá hafi
verið að fá starfsmenn í gang eftir
það áfall sem fylgdi gjaldþroti gamla
félagsins. „Það þurfti að skilgreina
og selja starfsfólki nýja framtíðarsýn
og halda starfsmönnum eftir megni
upplýstum um hvað væri að gerast,
hvernig gengi og hvert félagið
stefndi. BM Vallá er með sterka inn-
viði og í raun mikilvægt fyrir íslensk-
an byggingariðnað sem í og með er
ástæða þess að Arion banki ákvað að
freista þess að endurreisa það. Raun-
ar er fyrirtækið í sérflokki á Íslandi
varðandi þekkingu á íslenskum sér-
aðstæðum í þróun á byggingarefnum
fyrir okkar harðneskjulega verðurf-
ar,“ segir hann. Hilmar segist að-
spurður ekkert frekar eiga von á því
að halda áfram sem framkvæmda-
stjóri fyrirtækisins eftir að nýir eig-
endur taka við því, hverjir sem þeir
verða. „Mitt hlutverk hefur verið að
leiða uppbyggingu á nýju fyrirtæki á
grunni þrotabúsins og reyna ásamt
öðrum starfsmönnum að búa því
rekstrargrundvöll til framtíðar, nú
verður það selt og þá tekur við annar
kafli sem við vitum ekki hver verður.
Það er nýrra eigenda að ákveða það,“
segir Hilmar.
Gjörbreytt félag
á gömlum grunni
 Starfsmönnum BM Vallár hefur fækkað úr 500 í 80
 Velta minnkar úr 10 milljörðum á ári í tvo milljarða
Morgunblaðið/Kristinn
BM Vallá „Það eru engu að síður að meginhluta sömu framleiðslueiningarnar ennþá í félaginu sem önnuðu fram-
leiðslu áranna 2005- 2007 þannig að umframafkastageta félagsins er gríðarleg,“ segir Hilmar Ágústsson.
12 FRÉTTIRViðskipti | Atvinnulíf
MORGUNBLAÐIÐ MÁNUDAGUR 18. APRÍL 2011
H
a
u
ku
r
0
3
.1
1
Guðni Halldórsson
viðskiptalögfræðingur,
gudni@kontakt.is
Arnór H. Arnórsson
rekstrarhagfræðingur,
arnor@kontakt.is
Brynhildur Bergþórsdóttir
rekstrarhagfræðingur,
lögg. verðbr.- og fasteignasali,
brynhildur@kontakt.is
Gunnar Svavarsson
viðskiptafræðingur,
gunnar@kontakt.is
Jens Ingólfsson
rekstrarhagfræðingur,
jens@kontakt.is
Sigurður A.
Þóroddsson hrl.
sigurdur@kontakt.is
Forgangslisti er nýjung fyrir kaupendur og fjárfesta.
Skráning á www.kontakt.is
Hlynur Rafn Guðjónsson
viðskiptafræðingur
hlynur@kontakt.is
• Skráðu þig á forgangslista og við sendum þér reglulega upplýsingar í tölvu-
pósti um tækifæri sem við getum ekki sett í auglýsingar. Upplýsingar og
skráning á www.kontakt.is.
• Framleiðslufyrirtæki í vaxandi atvinnugrein. Hentar vel til flutnings út á land.
Þarf a.m.k. 600 fm húsnæði með lágmark 8 metra lofthæð.
• Lítið innflutnings- og framleiðslufyrirtæki. Ársvelta 50 mkr. Hentar vel tveimur
handlögnum. Auðveld kaup.
• Rógróið fjölskyldufyrirtæki með innflutning á þekktri gæðavöru fyrir nýbygg-
ingar og viðhald fasteigna. Ársvelta 140 mkr.
• Lítil heildverslun með kerti, servéttur og einnota vörur. Ársvelta 50 mkr.
• Eitt besta bakarí borgarinnar. Ársvelta 70 mkr. Gott tækifæri fyrir duglega
bakara sem vilja eignast eigin rekstur.
• Fyrirtæki með þekktar "franchise" fataverslanir í Kringlunni og Smáralind. EB-
ITDA 20 mkr.
• Rótgróið innflutningsfyrirtæki með vörur fyrir sjávarútveg. EBITDA 50 mkr.
• Meðeigandi/fjárfestir óskast að traustu framleiðslu- og þjónustufyrirtæki til að
nýta vaxtamöguleika. Núverandi ársvelta um 150 mkr. Mjög góð ávöxtun
fyrirsjáanleg.
• Heildverslun með prjónagarn. Góð umboð.
• Rótgróið gistihús í miðbænum. 40 herbergi.
Aðspurður segir Hilmar enga ein-
falda leið út úr þeirri stöðu sem
íslenskt atvinnulíf er í núna.
„Það verður hver og einn að skil-
greina fyrir sitt fyrirtæki hvað
menn telja sig geta gert betur
en aðrir og leggja áherslu á að
nýta auðlindir okkar og þekkingu
og þróa nýjar lausnir og vörur
fyrir innlendan og ekki síður er-
lendan markað. Ég reikna með
að vöruþróun fyrir erlenda mark-
aði þar sem sérstaða okkar nýt-
ist sé vænlegasti vaxtarbrodd-
urinn í starfsemi BM Vallár. Árið
2010 framleiddi BM Vallá og
flutti út yfir 2.000 tonn af eld-
varnarefnum á erlendan markað.
Í BM Vallá vinnum við nú að því
með erlendum samstarfsaðilum
að þróa fleiri sérhæfðar vörur
sem eru einmitt þess eðlis að
sérstaða Íslands og reynsla okk-
ar gefur okkur forskot í sam-
keppni. Það mun taka tíma að
uppskera, eldvarnarefni sem
þessi þurfa að ganga í gegnum
tímafrekar prófanir í Evrópu til
að komast á markað. Sú nýja
vara sem lengst er komin hefur
þegar staðist allar prófanir og
verður formlega markaðssett í
sumar. Þó svo að áhersla hafi
verið stóraukin á fjárfestingu
tengda vöruþróun, tilraunavinnu
og markaðssetningu erlendis þá
er hér byggt á langri þróun og
því mikilvæga starfi sem fyrri
eigendur hófu. BM Vallá er fyrst
og fremst íslenskt framleiðslu-
fyrirtæki sem þróar og framleiðir
vörur fyrir íslenska bygg-
ingamarkaðinn en það er fyr-
irtækinu nauðsynlegt að dreifa
áhættunni og byggja upp meiri
viðskipti við útlönd. Ég reikna
með að vöruþróun sé vænlegasti
vaxtarbroddurinn í starfsemi fyr-
irtækisins, þar sem við getum
ekki keppt við stór evrópsk fyr-
irtæki í magnframleiðslu,“ segir
Hilmar Ágústsson.
Ekki erindi í magnframleiðslu
VÖRUÞRÓUN VÆNLEGUR VAXTARBRODDUR
● „Forseti Íslands, Ólafur
Grímsson, þrýstir nú á um
sölu á fjórum stórum fyrir-
tækjum sem Landsbankinn á
hlut í, til að land hans bjargi
andlitinu og geri upp skuldir.“
Þetta er meðal þess sem stóð
í einkennilegri umfjöllun
breska blaðsins Daily Mail í
gær, um Icesavemálið. Haft er
eftir ónafngreindum heimild-
armönnum að þeir telji ís-
lensk stjórnvöld hafa markað
þá stefnu að selja mestallar
eignir Landsbankans fyrir árs-
lok. Lykilmenn í fyrirtækj-
unum séu hins vegar annarrar
skoðunar. Blaðið segir, að
Malcolm Walker, stofnandi og
forstjóri Iceland, sé sagður lík-
legasti kaupandinn að hlut
Landsbankans. thg@mbl.is
Ólafur Ragnar sagður þrýsta á skilanefnd Lands-
bankans um að Iceland-keðjan verði seld sem fyrst
Ólafur Ragnar
Grímsson, forseti
● James Roaf,
sérfræðingur hjá
AGS, segir í viðtali
á heimasíðu AGS
að ekki sé öruggt
hvort skuldastaða
íslenska ríkisins sé
sjálfbær. Segir
Roaf að Ísland hafi
skuldað lítið fyrir
fjármálakreppuna.
Björgunaraðgerðir til handa fjármála-
fyrirtækjum eftir skellinn haustið 2008
hafi hins vegar aukið skuldabyrði rík-
isins mikið að undanförnu. thg@mbl.is
Áhöld uppi um sjálf-
bærni skuldastöðu Ís-
lands eftir hrun 2008
James Roaf
● Lítill vilji virðist vera fyrir hendi hjá
bæði ráðamönnum Grikklands og Evr-
ópusambandsins að endurskipuleggja
skuldir gríska ríkisins. Haft var eftir
fjármálaráðherra Grikklands, Georg
Papakonstantinou, á vef Wall Street
Journal í gær að ekki væri stefnt á
endurskipulagningu skulda gríska rík-
isins, sem AGS hefur sagt ósjálfbærar.
Sagði hann að kostnaður við end-
urskipulagningu yrði meiri en ávinn-
ingur. Olli Rehn, einn efnahags-
ráðunauta ESB, sagði jafnframt að
endurskipulagning skulda Grikklands
gæti komið af stað slæmri keðjuverk-
un á mörkuðum. thg@mbl.is
Vilja ekki endurskipu-
leggja skuldir Grikkja