Austurland


Austurland - 21.02.1985, Blaðsíða 1

Austurland - 21.02.1985, Blaðsíða 1
Austurland ^iWÓLASTILLINGAR* Benni & Svenni S? 6399 & 6499 35. árgangur. Neskaupstað, 21. febrúar 1985. 8. tölublað. Seyðisfjörður: Góður fiindur Föstudaginn 14. þessa mán- aðar hélt Alþýðubandalagið al- mennan stjórnmálafund í Herðubreið. Á fundinn mættu formaður flokksins, Svavar Gestsson ásamt alþingismönn- unum Helga Seljan og Guð- mundi J. Guðmundssyni. Fundinn sóttu tæplega 40 manns og var gerður góður róm- ur að málflutningi framsögu- manna. Guðmundur og Svavar fluttu ræður um stjórnmálavið- horfið og fjallaði Guðmundur einkum um launa- og kjaramál og sýndi fram á hve kaupmáttur launa almennings er langt fyrir neðan öll velsæmismörk, enda sé stjórnarliðið haldið þeirri þráhyggju að kenna of háum launum um flest sem aflaga fer í efnahagsmálum. Svavar ræddi málin á breiðari grundvelli, m. a. vaxtafarganið, sem brennur ef til vill heitar á landsmönnum en flest annað nú um stundir. Hann talaði ei'n'nig um neðanjarðarhagkerfið marg- umrædda, skattsvik, olíusölu- mál, innflutnignsverslunina og nýjustu hneykslin á þeim vett- vangi. Hann benti á að þótt víða sé maðkur í mysunni hafi ríkis- stjórnin lítið aðhafst til úrbóta í þessum málum, enda tæpast sam- staða um annað hjá henni en að skerða kjör hins vinnandi manns. Þingmennirnir svöruðu síðan allir fjölmörgum fyrirspurnum fundarmanna og lauk góðum fundi um miðnætti með sameig- inlegri kaffidrykkju. J. J. I S. G. Krakkarnir sem gáfu gjöfina. Talið f. v. Aftari röð: Berglind Porbergsdóttir, Helga Guðnadóttir, Þóra Jóna Árbjörnsdóttir, Lilja Bára Kristjánsdóttir, Freyja Björk Kristinsdóttir og Sigríður Rósa Kristinsdóttir. Fremri röð f. v.: Helgi Árbjörnsson, Guðmundur Ragnar Kristjánsson og Pálmi Geir Konráðsson. Ljósm. Halla Óskarsdóttir. Færðu dvalarheimilinu gjöf Níu ungir Eskfirðingar ákváðu í afmæli hjá einum þeirra 29. okt. sl. haust að halda hlutaveltu til styrktar elliheimil- inu á Eskifirði eða til þess að þeir gætu gefið elliheimilinu ein- hverja smágjöf. í upphafi ætl- uðu krakkarnir að reyna að fá nóga peninga til þess, að hægt væri að kaupa spilapakka handa vistfólkinu. Börnin byrjuðu svo að safna á hlutveltuna og fóru um allan bæinn og var mjög vel tekið á móti þeim. Hlutaveltan var svo haldin viku seinna og út úr henni fengust kr. 5.450.-. Þá var ákveðið að kaupa eitthvað stærra en spilapakka og var keypt loftvog með hita- og raka- mæli. Börnin afhentu svo gjöfina á dvalarheimilinu á Þorláksmessu eða 23. des. sl. og við það tæki- færi voru meðfylgjandi myndir teknar. H. Ó. I B. S. Oddsskarðsmót Oddsskarðsmót í svigi og stórsvigi í barna- og ungl- ingaflokkum verður haldíð við Oddsskarð um næstú helgi. Það hefst kl. 930 laug- ardaginn 23. febrúar og verður fram haldið á sunnu- daginn. Þátttakendur munu verða víða að af Austur- landi. Frá skíðaráði Þróttar. Ný lögreglustöð á Seyðisfirði Sl. laugardag var formlega tekin í notkun ný lögreglustöð á Seyðisfirði að viðstöddum fjölda gesta, þ. á m. fulltrúa dómsmálaráðherra, Hjalta Zophaníassyni. Húsið stendur við Hafnar- götu, miðsvæðis í bænum og er hin laglegasta bygging. Arkitekt þess er Gylfi Guðjónsson, en byggingameistari Garðar Ey- mundsson. Athyglisvert er að upphafleg kostnaðaráætlun og raunveru- legur kostnaður er því sem næst sama upphæð, eða um 5 milljón- ir króna. Stærð hússins er 190 fermetr- ar á einni hæð og virðist 511 að- staða og fyrirkomulag vera góð. Sigurður Helgason bæjarfóg- eti ávarpaði gesti og iýsti hús- inu. Fram kom í máli hans að ekki myndi annars staðar á landsbyggðinni, vera aðgengi- legri eða betri starfsaðstaða fyr- ir lögreglumenn. Æði mörg undanfarin misseri hefur seyðfirska lögreglan verið á hálfgerðum hrakhólum með húsnæði og reyndar fauk aðset- ursstaður hennar, þá í skúrgarmi á hafnargarðinum, í stórviðri 1. desember fyrir nokkrum árum. Bæjarfógeti benti réttilega á að mikill hluti lögreglustarfa eru þjónustu- og hjálparstörf og góð aðstaða stuðlar því aö meira ör- yggi borgaranna og væntanlega þá betra mannlífi. Eru öllum sem nýta og njóta munu færðar bestu óskir með þetta framfaraspor. J. J. I S. G. Vistmenn á dvalarheimilinu á Eskifirði. Aftari röðf. v.: Friðbergur Einarsson, Tryggvi Eiríksson og Níels Beck. Fremri röð f. v.: Hallfríður Beck, Sigurveig Kristjánsdóttir (er með gjöfina), Jó- hanna Magnúsdóttir og Halldóra Guðnadóttir. Ljósm. Halla Óskarsdóttir. Um blak Þá er seinni hluti „blakvertíð- ar" Þróttar hafinn, en leikir Þróttar frá áramótum til mars- loka verða ekki færri en 24. Fyrir nokkru var haldið Aust- urlandsmót í blaki. Fór mótið hið besta fram og bar þess vitni að um vaxandi íþrótt er hér að ræða í fjórðungnum. Austurlandsmeistari í karla- flokki varð lið Þróttar en lið Hugins í kvennaflokki. íslandsrhótið í II. aldurs- flokki pilta er þegar hafið og hefur lið Þróttar leikið tvo leiki í því - báða við lið Laugaskóla. Þróttur vann báðar viðureign- irnar 2:1. Voru leikirnir hinir fjörugustu og á köflum mjög vel leiknir. í II. deild var keppt um síð- ustu helgi er KA sótti Þrótt heim. Leiknum lauk með sigri KA, 0:3 (11 : 15, 13 : 15, 7 : 15). Voru KA-menn vel að þeim sigri komnir og sínu frísk- ari en Þróttarar. Þó náðu okkar menr sér verulega á strik bæði í 1. og 2. hrinu; unnu m. a. upp 1 : 9 forskot KA, en náðu ekki að fylgja eftir. Hætt er við að róðurinn verði þungur um næstu helgi ef ekki tekst að loka há- vörninni betur og halda út heilar hrinur, þegar vel gengur. íslandsmeistararnir leika í Neskaupstað Um næstu helgi verða þrír blakleikir hér í Neskaupstað, allir við Þrótt frá Reykjavík. Á föstudagskvöld eigast nafnarnir við f II. deild(ÞrótturR.-B-lið), en á laugardag í II. aldursflokki íslandsmótsins fyrst, en síðan leika okkar menn við I.-deild- arlið Þróttar R. í bikarkeppn- inni. Þróttur Rvík hefur undan- farin ár verið yfirburða blaklið hér á landi og nú þegar eru þeir nánast búnir að tryggja sér ís- landsmeistaratitilinn í 5. skiptið í röð. Þeir eru um þessar mundir í góðu formi ef marka má úrslit síðustu leikja. Það væri strákun- um okkar mikil hvatning að sjá nú og finna öflugan stuðning áhorfenda um helgina. öflugt íþróttalíf er of mikils virði fyrir unga fólkið til þess að foreldrar og aðrir megi láta það afskipta- laust. Blakunnandi. Félagsvist AB er í kvöld í Egilsbúð og hefst kl, 2046 Alþýðubandalagíð

x

Austurland

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Austurland
https://timarit.is/publication/808

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.