Eining - 01.11.1968, Side 5

E I N I N G
5

BgÉBgjgH
Menning þjóða þarf að beinast ein-
dregið að ákveðnu stfenumarki. Það
markmið á að vera heimur, sem býr
hverju barni allra þjóða góð lífskjör:
nægilega umönnun og það uppeldi, allt
frá vöggunni og til fullorðinsára, sem
gefur lífi æskumannsins kjölfestu, geð-
ró og gott jafnvægi hugarfarsins. Jafn-
framt þessu þarf að vera fullnægjandi
gamalmennaumönnun. — Þegar þessu
marki er náð, þá er heimurinn orðinn
góður heimur, og menning hans á þá
skilið að heita menning, en fyrr ekki.
Meðfylgjandi mynd er úr finnskri
kynningarbók, sem heitir Höll barn-
anna. Hún er 12 hæða mjög veglegt hús,
og áfast háhúsinu sjálfu er 4 hæða
bogamynduð álma. Öll er byggingin
mjög vönduð og glæsileg, ein af mörg-
um vitnum um menningu Finnanna.
Höll barnanna rís tignarleg á vestur-
strönd Helsinki í fögru umhverfi. Barna-
velferðar-félagið, kennt við Manner-
heim, kom upp þessari veglegu miðstöð,
sem vera skal í þjónustu „heilsu og
hamingju barna Finnlands." Manner-
heim hershöfðingi var mikill áhuga-
maður um barnaverndarmál, en það var
systir hans, barónsfrúin SophieManner-
heim, sem átti hugmyndina um Höll
barnanna, er vera skyldi griðarstaður
yfirgefinna mæðra eftir fyrri heims-
styrjöldina og barna þeirra. Hún hafði
þá (1918) byrjað með lítið heimili í
þessu augnamiði, þorði ekki að hugsa
hátt fyrst í stað, en svo fæddist hug-
sjónin, sem varð að fögrum raunveru-
leika. Strax frá byrjun vakti þó þessi
starfsemi hennar athygli þjóðarinnar.
Meðal annars kom hún á nokkrum náms-
skeiðum til að kenna konum barna-
gæzlu.
„Meinlausa ölið"
Nóttina 2. júní 1968 ók 19 ára piltur ölv-
aður um þjóðbraut í Noregi. Pilturinn sofn-
aði við stýrið, bíllinn breytti um stefnu og
lenti á tré og brotnaði, en ökumaðurinn var
fluttur í sjúkrahús, hafði meiðst nokkuð.
Fyrir rétti játaði hann að hafa drukkið 15
hálfflöskur af eksportölinu. Það er sterkt
útflutningsöl. Hann var dæmdur til 24ra
daga fangelsisvistar. — Folket.
Já, hér var hið svokallaða meinlausa öl
að verki. Tréð hefði getað verið lifandi
mannvera.
í ,,Presseoversikt“ 14. ágúst 1968, er
greint frá því, að áfengismálarannsókna-
stofnun ríkisins (Statens Institutt for
Alkoholforsikning) hafi framkvæmt eins
konar skoðanakönnun um álit almennings á
ýmsum áfengum drykkjum, og hafi þá
komið í ljós, að sala eksportölsins var talin
skaðlegri en jafnvel brennivínsins. — Þessi
er reynsla fólks af sterka ölinu.
Sóun mannslífa
Heimurinn er ekki spar á mannslifin.
Þar eru að verki styrjaldir, hungursneyð,
sjúkdómar og margt fleira, t. d. hin mann-
skæðu umferðarslys, sem ættu að vera ó-
þörf að mestu leyti.
Blaðafregnir herma, að í Bandaríkjunum
t. d. eigi áfengisneyzla sök á 800.000 um-
ferðarslysa árlega, þar af 25.000 dauða-
slysa. Væri færður reikningur yfir slys af
völdum áfengisneyzlu um gervallan heim,
yrði sá reikningur hár. Hvað þá ef öllu
öðru tjóni af völdum áfengis væri bætt þar
við. Svo dýru verði kaupa menn skaðnautn-
ir og gerfigleði, sem á að bæta úr andlegu
fátæktinni.